Stalplein in Kaapstad lê waar Plein-, Roeland- en St.
Johnstraat bymekaar aansluit. Plein- en Parlementstraat lei suidweswaarts na Stalplein. Die grootste deel van die plein is nie meer vrylik toeganklik nie, want dit het agter die hekke van die terrein van die Parlementsgebou ontoeganklik geword.
Aan of op die plein is geleë Tuynhuys, 'n Louis Botha-standbeeld, 'n borsbeeld van Nelson Mandela, die St. Mary-katedraal en die Losie De Goede Hoop.
In 1705 het goew. W.A. van der Stel die VOC se stalle op Looyersplein laat bou en die plein was van toe af bekend as Stalplein. Na 86 jaar was die stalle so vervalle dat dit afgebreek moes word. So het aan die oostekant van Tuynhuys 'n stadsplein ontstaan. Op 31 Mei 1986 is 'n herontwikkelde Stalplein ingewy met 'n gedenktuin en 'n vlam ter ere van Suid-Afrikaanse soldate wat gesneuwel het. Weens hierdie heruitleg moes Louis Botha se beeld van sy aanvanklike staanplek verskuif word. Die Mandela-beeld is op 28 April 2014 onthul.
18°25′4″O / 33.927000°S 18.41778°O
This article uses material from the Wikipedia Afrikaans article Stalplein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.