Sepik
Die Sepik (Engels: Sepik River, vroeër Duits: Keiserin Augusta-rivier) is met 'n lengte van 1 100 km (700 myl) een van die langste riviere op die eiland Nieu-Guinee, van die eilandnasie Papoea-Nieu-Guinee, asook van die kontinent Oseanië.
| Sepik | |
|---|---|
 | |
 Die stroomgebied van die Sepik | |
| Oorsprong | Viktor Emmanuel-bergreeks, Papoea-Nieu-Guinee |
| Monding | Papoea-Nieu-Guinee Bismarcksee |
| Stroomgebied | Indonesië, Papoea-Nieu-Guinee |
| Lengte | 1 100 km (700 myl) |
| Oorspronghoogte | 2 170 m (7 119 voet) |
| Mondinghoogte | 0 m (0 voet) |
| Gemiddelde afloop | 3 804 m³/s (134 337 ft³/s) |
| Stroomgebiedopp. | 77 700 km² (30 000 myl²) |
Die Sepik ontspring in die Viktor Emmanuel-bergreeks in Sentraal-Nieu-Guinee, net noord van die Fly se bron in die Westelike provinsie van Papoea-Nieu-Guinee. Aansluitend vloei dié rivier in 'n noordwestelike rigting en raak die grens tot Indonesië. Vanaf hier vloei die Sepik in 'n noordoostelike rigting en mond sonder delta in die Bismarcksee uit.
Die Sepik se omgewing is gekenmerk deur moerasse, reënwoud en berge. Dié rivier is in 1885 deur Duitsers vir Europa ontdek en ná keiserin Augusta, die vrou van die destydse keiser Wilhelm I van die Duitse Keiserryk genoem.
Verwysings
Eksterne skakels
- Wiki Afrikaans
Wiki Commons het meer media in die kategorie Sepik.
This article uses material from the Wikipedia Afrikaans article Sepik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.