Sterrebeeld Pyl: Sterrebeeld

Dit is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde. Dit is noord van die ewenaar geleë en kan van oral op Aarde gesien word behalwe vanaf die Antarktiese sirkel.

Pyl
Latynse naam	Sagitta
Genitief	Sagittae
Afkorting	Sge
Waarnemingsdata (Epog J2000)
Regte klimming	19h
Deklinasie	18º
Grootte	80 vk. grade (86ste)
Kwadrant	NQ4
Besonderhede
Hoofsterre	4
Helderste ster	Gamma Sagittae (γ Sge)
Naaste ster	Gliese 745
Sterre helderder as 3 m	0
Sterre met planete	2
Messier-voorwerpe	1
Bayer-/Flamsteed-sterre	19
Aangrensende sterrebeelde
Vos, Hercules, Arend, Dolfyn
Portaal    Sterrekunde

Die Pyl is die derde kleinste sterrebeeld (naas die Vul en Suiderkruis). Dit lê in die Melkweg.

Die ster Alpha Sagittae (α Sge) is ook bekend as Sham. Dit is ’n geel reusester van spektraaltipe G1 II wat 610 ligjare van die Aarde af lê en vorm saam met Beta Sigittae (β Sge) óf die vere van die pylstok óf die dubbele punt van ’n pyl wat eens in die Romeinse leër gebruik is. Gamma Sagittae (γ Sge), ’n koel reus en die helderste ster, vorm saam met δ Sge en ε Sge die pylstok.

M71 is ’n nabygeleë bolvormige sterreswerm. Dit is net sowat 13 000 ligjare van die Aarde af.

  Hierdie artikel is vertaal uit die Engelse Wiki

• Ian Ridpath en Wil Tirion (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4.

• The Deep Photographic Guide to the Constellations: Sagitta
• Star Tales – Sagitta

• Wiki Afrikaans  Wiki Commons het meer media in die kategorie Pyl (sterrebeeld).