Sterrebeeld Kassiopeia

Dit is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde. Dit kan maklik uitgeken word aan sy W-patroon wat deur vyf helder sterre gevorm word.

Kassiopeia
Latynse naam	Cassiopeia
Genitief	Cassiopeiae
Afkorting	Cas
Waarnemingsdata (Epog J2000)
Regte klimming	1h
Deklinasie	-60º
Grootte	598 vk. grade (25ste)
Kwadrant	NQ1
Besonderhede
Hoofsterre	5
Helderste ster	Alpha Cassiopeiae (Schedar)
Naaste ster	Eta Cassiopeiae (Achird)
Sterre helderder as 3 m	4
Sterre met planete	4
Messier-voorwerpe	2
Bayer-/Flamsteed-sterre	53
Simboliek	Koningin Kassiopeia (Griekse mitologie)
Meteoorreëns	Perseids
Aangrensende sterrebeelde
Kameelperd, Kefeus, Akkedis, Andromeda, Perseus
Portaal    Sterrekunde

 

Cassiopeia bevat twee sterre wat met die blote oog sigbaar is. Hulle is van die helderste sterre in die Melkweg: Rho Cassiopeiae en V509 Cassiopeiae, albei van die baie skaars tipe geel hiperreuse. Eta Cassiopeiae is ’n nabygeleë dubbelster wat uit ’n sonagtige geel dwerg en ’n oranje dwerg bestaan.

Binne die W-patroon van die sterrebeeld lê Cassiopeia A. Dit is die oorblyfsel van ’n supernova wat sowat 300 jaar gelede plaasgevind het (soos nou van die Aarde af gesien 10 000 ligjare ver). Dit is die sterkste radiobron wat buite ons sonnestelsel waargeneem kan word. In sy wolk is die radioaktiewe isotoop titaan-44 aangetref.

Messier 52 (NGC 7654) en Messier 103 (NGC 581) is twee oop sterreswerms in Kassiopeia. Hulle het albei ’n helderheid van 7 mag en kan maklik met verkykers gesien word.

As ’n mens ons son van ons naaste ster, Alpha Centauri, af kon sien, sou die son ’n geel-wit ster met ’n helderheid van 0,5 mag gewees het. Die bekende W-patroon sou ’n sagsag-patroon gewees het met die son op die linkerkantse punt, die naaste aan Epsilon Cassiopeiae.

Die sterrebeeld is genoem na koningin Kassiopeia in die Griekse mitologie. Sy was die vrou van Kefeus, koning van Aithiopië, en die ma van prinses Andromeda. Die drie is naby mekaar tussen die sterre geplaas. Kassiopeia is daar gesit omdat sy gespog het Andromeda is mooier as die Nereïdes.

• The Deep Photographic Guide to the Constellations: Cassiopeia
• The clickable Cassiopeia Geargiveer 27 September 2007 op Wayback Machine
• Star Tales – Cassiopeia

• Wiki Afrikaans  Wiki Commons het meer media in die kategorie Kassiopeia (sterrebeeld).
•   Hierdie artikel is vertaal uit die Engelse Wiki