Progressiewe Reformisteparty
Die Progressiewe Reformisteparty het op 26 Julie 1976 tot stand gekom uit 'n samesmelting van die Reformisteparty onder leiding van Harry Schwarz en die Progressiewe Party onder leiding van Colin Eglin, wat ook die eerste en enigste partyleier was.
Albei partye het uit die Verenigde Party ontstaan.
| Progressiewe Reformisteparty | |
| PRP | |
| Leier | Colin Eglin |
|---|---|
| Gestig | 25 Julie 1975 |
| Ontbind | 1977 (versmelt met Komitee vir 'n Verenigde Opposisie) |
| Voorafgegaan deur | Reformisteparty en Progressiewe Party |
| Opgevolg deur | Progressiewe Federale Party |
| Ideologie | Liberalisme |
Die party het nooit 'n algemene verkiesing betwis nie (hoewel S.A. Pitman vir 'n verrassing gesorg het toe hy in 'n tussenverkiesing op 5 Mei 1976 in Durban-Noord, 'n veilige VP-setel, wen), want op 5 September 1977 het dit saamgesmelt met 'n groep lede van die Verenigde Party wat nie bereid was om by die Nuwe Republiekparty aan te sluit nie. Die eerste leier was weer Eglin. Die nuwe party het as die Progressiewe Federale Party bekend gestaan en het tydens die verkiesing van 1977 die amptelike opposisie in die Volksraad geword.
This article uses material from the Wikipedia Afrikaans article Progressiewe Reformisteparty, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.