Patrick Beattie Mynhardt (12 Junie 1932, Bethulie, Vrystaat, Suid-Afrika - 25 Oktober 2007, Londen, Engeland) was 'n Suid-Afrikaanse film- en teaterakteur.
Patrick Mynhardt | |
---|---|
Gebore | 12 Junie 1932 Bethulie, Vrystaat, Suid-Afrika |
Sterf | 25 Oktober 2007 (op 75) Londen, Engeland |
Titel | Akteur |
Eggenoot | Marysia Matulewicz |
Kinders | Johann Mynhardt |
Hy het in meer as 150 verhoogproduksies in Suid-Afrika en Engeland opgetree, asook in 100 plaaslike en internasionale rolprente, TV-programme en 'n opera. Hy is in Londen oorlede waar hy in sy eenmanvertoning Boy from Bethulie in die Jermyn Street Theatre in die Weseinde opgetree het.
Mynhardt is in Bethulie in die Vrystaat gebore as die seun van Johannes Tobias Mynhardt en Elizabeth Beattie. Hy het aan die De La Salle-kollege in Oos-Londen gematrikuleer en drama aan die Rhodes-universiteit studeer voor hy in 1953 by die National Theatre Organisation aangesluit en deur Suid-Afrika getoer het. In 1954 het hy na Londen getrek om die Central School of Speech and Drama by te woon en teen die einde van 1960 het hy weer na Suid-Afrika teruggekeer.
In 1999 ontvang Mynhardt saam met Sandra Prinsloo die Erepenning vir Toneelkuns van die Suid-Afrikaanse Akademie vir Wetenskap en Kuns.
This article uses material from the Wikipedia Afrikaans article Patrick Mynhardt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.