Nikephoros Iii Botaneiates
Nikephoros III Botaneiates (Grieks: Νικηφόρος Βοτανειάτης, omstreeks 1002 tot 10 Desember 1081) was van 1078 tot 1081 keiser van die Bisantynse Ryk.
Hy het tydens die bewind van Konstantyn X ’n generaal geword en het Isak I Komnenos gesteun in sy suksesvolle oorname van die troon. In 1078 het hy teen keiser Michael VII in opstand gekom en die troon met die hulp van die Seldjoekse Turke vir homself opgeëis. Michael VII het ten gunste van Nikephoros III geabdikeer.
| Nikephoros III Botaneiates | |
|---|---|
| Keiser van die Bisantynse Ryk | |
 Keiser Nikephoros III Botaneiates. | |
| Bewind | 7 Januarie 1078 – 1 April 1081 |
| Gebore | Omstreeks 1002 |
| Oorlede | 10 Desember 1081 |
| Voorganger | Michael VII Doukas |
| Opvolger | Alexios I Komnenos |
Bewind
Nikephoross se administrasie het hom nie baie ondersteuners besorg nie, omdat sy gunstelingamptenare baie van die ouer aristokrate vervreem het en nie die verdere devaluasie van die geldeenheid kon keer nie.
Talle opstande het Nikephoros feitlik onmiddellik in die gesig gestaar. Benewens die ontevredenheid van die aristokrasie, het verskeie Armeense prinse in Klein-Asië hul onafhanklikheid probeer terugkry. ’n Konflik in Thracië is ook met moeite onderdruk. Nikephoros het daarna al hoe afhankliker geword van die steun van Alexios Komnenos, wat twee opstande, in die Balkan en Anatolië, onderdruk het.
Alexios het baie soldate onder sy bevel gehad om ’n dreigende Normandiese inval af te weer en die Doukas-faksie, onder Johannes Doukas, het saamgesweer om Nikephoros se bewind omver te werp en hom met Alexios te vervang. Sonder enige steun moes Nikephoros van die troon afstand doen ten gunste van die Komnenos-dinastie. Hy het in ’n klooster gaan waar hy later dié jaar oorlede is.
Verwysings
Bronne
- Curta, Florin (2006), Southeastern Europe in the Middle Ages, 500–1250, Cambridge University Press, ISBN 0-521-81539-8
- Finlay, George (1844), History of the Byzantine and Greek Empires from 1057–1453, 2, William Blackwood & Sons, OCLC 25020128
- Kazhdan, Alexander, ed. (1991), Oxford Dictionary of Byzantium, III, Oxford University Press, ISBN 978-0-19-504652-6
- Norwich, John Julius (1993), Byzantium: The Apogee, Penguin, ISBN 0-14-011448-3
- Norwich, John Julius (1996), Byzantium: The Decline and Fall, Penguin, ISBN 0-14-011449-1
Hierdie artikel is vertaal uit die Engelse Wiki
This article uses material from the Wikipedia Afrikaans article Nikephoros III Botaneiates, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.