Nazier Paulsen
Mogamad Nazier Paulsen is 'n Wes-Kaapse lid van die Nasionale Vergadering vir die Ekonomiese Vryheidsvegters (EFF).
Hy was voorheen lid van die Wes-Kaapse Provinsiale Parlement.
| Nazier Paulsen | |
Lid van die Nasionale Vergadering van Suid-Afrika | |
| Ampsbekleër | |
| Termynaanvang 20 Mei 2015 | |
Lid van die Wes-Kaapse Provinsiale Parlement | |
|---|---|
| Ampstermyn 21 Mei 2014 – Mei 2015 | |
Persoonlike besonderhede | |
| Gebore | Mogamad Nazier Paulsen |
| Nasionaliteit |  Suid-Afrika |
| Politieke party | Ekonomiese Vryheidsvegters |
Vroeë lewe en onderwys
Nazier Paulsen en sy gesin was deel van die anti-apartheidsbeweging. Paulsen was lid van die United Democratic Front. Hy het 'n BCom-honneursgraad en 'n nagraadse diploma in verspreide stelsels aan die Universiteit van Kaapstad behaal.
Loopbaan
Paulsen het na sy studies as 'n dosent van inligting en tegnologie aan die Kaapse Skiereiland Universiteit van Tegnologie gewerk. Paulsen was ook voorsitter van beide die Mitchells Plain Community Development Corporation en die South African Progressive Civic Organisation (SAPCO).
Paulsen het in 2013 by die Ekonomiese Vryheidsvegters aangesluit. Hy was die party se Wes-Kaapse premierskandidaat vir die 2014-verkiesing. Die EFF het een setel in die Wes-Kaapse Provinsiale Parlement verower en Paulsen het daardie setel op 21 Mei 2014 gevul.
In Mei 2015 het die EFF hom as lid van die Nasionale Vergadering van Suid-Afrika benoem. Bernard Joseph het hom as die party se verteenwoordiger in die Provinsiale Parlement opgevolg. Paulsen is in Mei 2019 tot 'n tweede termyn as parlementslid herkies.
Verwysings
Eksterne skakels
This article uses material from the Wikipedia Afrikaans article Nazier Paulsen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.