Moreletakloofnatuurreservaat

Hulle het in die vroeë 1800's 'n melkboerdery hier bedryf. Carel Erasmus het die plaas in 1877 gekoop en 'n huis daarop gebou; dié huis is omskep in 'n kapel. In 1903 het sy skoonseun, Johan Marneweck, nog 'n huis op die plaas gebou; dié huis is omskep in 'n restaurant. Die reservaat word deur die Tshwane Metropolitaanse Munisipaliteit bestuur en toegang tot die reservaat is gratis.

Moreletakloofnatuurreservaat
Uitsig oor die natuurreservaat
Land	Suid-Afrika
Provinsie	Gauteng
Naaste dorp	Pretoria
Moreletakloofnatuurreservaat
Koördinate: 25°49′00.80″S 28°17′28.20″O / 25.8168889°S 28.2911667°O / -25.8168889; 28.2911667 28°17′28.20″O / 25.8168889°S 28.2911667°O / -25.8168889; 28.2911667
Oppervlak	100 ha
Bestuursliggaam	Tshwane
Webblad	Moreletakloofnatuurreservaat

Die habitat bestaan uit Bankenveld, wat plaaslik verteenwoordig word deur bosveld, benewens vleie en rivierbos aanliggend aan die Rademeyerspruit, 'n sytak van die Moreleta. Wabome groei teen die hoër hellings, terwyl die blompeer in die winterseisoen opvallend vertoon. Weens die verskillende habitatte is baie voëlsoorte te sien, waaronder tarentale, kiewiete en fisante. Somerbesoekende voëlspesies sluit die swartkoekoek, Piet-my-vrou, Europese byvreter en grootstreepswael in. Wild soos volstruise, bosbokke, springbokke, blesbokke, rooibokke en sebras is ingevoer. Weens die lokaal vogtige valleiklimaat is baie spesies fungi al aangeteken.

 

Die reservaat het verskeie staproetes, 'n restaurant en 'n plek waar troues gehou kan word.

Staproetes:

• Rademeyerroete: 1,6 km
• Duikerroete: 2,9 km
• Suikerbosroete: 3,3 km
• Sensoriese roete vir gestremdes

• Somer (September – April): 06:00 – 18:00
• Winter (Mei – Augustus): 06:00 – 18:00