Meestersgraad In Besigheidsadministrasie
Meestersgraad in Besigheidsadministrasie (Engels: Master of Business Administration - MBA) is 'n spesiale meestersgraad, bedoel vir mense met 'n baccalaureus- of magistergraad en ten minste 'n paar jaar werkservaring.
MBA is 'n professionele bedryfsadministratiewe en bedryfsekonomiestudie.
Oorsig
Die ontwerp van die MBA-studie kom uit die Verenigde State, maar MBA word nou in baie lande onderrig. Anders as 'n gewone meesters, is MBA-kursus uiters prakties gerig. 'n MBA word nie altyd met 'n tesis afgesluit nie, maar aan die ander kant word daar gereeld gefokus op werkstukke en gevallestudies.
'n MBA-kandidaat kies ook meestal 'n hoofvak waarin hy wil spesialiseer: bemarkingsbestuur, finansiële bestuur, boekhouding, bedryfsnavorsing, bedryfsekonomie, personeelbeleid, besigheidsinligtingstegnologie, internasionale sakebestuur, kwaliteitsbeleid, nie-winsgewende sektor ensovoorts. Afhangend van die tradisie in die MBA-skool, word die studieprogram verder aangevul met 'byvakke' (tweede spesialiteit met minder 'krediete' as die hoofvak) of 'n reeks keusevakke uit ander sakedissiplines.
Die reeks MBA-kursusse is baie uiteenlopend van gehalte en wissel van bekende en uiters veeleisende studieprogramme tot titels met geen of uiters buigbare toelatingsvoorwaardes en minimum of geen eksamenvereistes nie. Sommige programme het ook 'n uitruilprogram vir studente en professore met ander internasionale sakeskole.
Die aantal plekke vir opleiding is dikwels beperk op hoogaangeskrewe programme en die kandidate word gekeur na die gehalte van vorige studies, verwysings en besigheidservaring. Die gestandaardiseerde GMAT-telling speel ook 'n belangrike rol in toelating tot internasionaal-bestuurde MBA-programme. Aan die ander kant het minder hoogaangeskrewe programme 'n baie breër aanstellingsbeleid, waardeur selfs die vereistes vir werkservaring nie altyd toegepas word nie.
Besigheidskole in Suid-Afrika
| Besigheidskool | Institusie | Stad | Akkreditasie | Jaar gesig |
|---|---|---|---|---|
| SA Business School | Johannesburg | CHE | 2015 | |
| Regenesys Business School | Johannesburg | CHE | 1999 | |
| CIDA City Campus | Johannesburg | CHE | 2000 | |
| Gordon Institute of Business Science (GIBS) | Universiteit van Pretoria | Johannesburg1 | CHE, Association of MBAs (MBA & DBA), AACSB | 20002 |
| Graduate School of Business | Universiteit van KwaZulu-Natal | Durban | CHE | 1974 |
| Henley Management College, South Africa | Henley Management College | Johannesburg | CHE, Association of MBAs (MBA), EQUIS, AACSB | 1992 |
| Management College of Southern Africa | Durban | CHE | 1995 | |
| Milpark Business School | Johannesburg | CHE | 1997 | |
| Nelson Mandela University Business School | Nelson Mandela Metropolitaanse Universiteit | Port Elizabeth | CHE | 2005 |
| Graduate School of Business and Government Leadership | Noordwes-Universiteit | Mahikeng | CHE | 2000 |
| Potchefstroom Business School | Noordwes-Universiteit | Potchefstroom | CHE | 1998 |
| Regenesys Business School | Johannesburg | CHE | 1999 | |
| Regent Business School | Johannesburg | CHE | ||
| Rhodes Business School (RBS) | Rhodes Universiteit | Grahamstad | CHE, Association of MBAs (MBA) (onderweg) | 2000 |
| Southern Business School | Johannesburg | CHE | 1996 | |
| South African College of Business (SACOB) | Kaapstad | Umalusi (onderweg), CHE (onderweg) | 2011 | |
| School of Business Leadership (SBL) | Universiteit van Suid-Afrika | Midrand | CHE | 1965 |
| The Business School at Varsity College | The Independent Institute of Education | Verskeie kampusse | CHE | 1991 |
| Tshwane University of Technology Business School | Tshwane-Universiteit van Tegnologie | Pretoria | CHE | 1999 |
| Turfloop Graduate School of Leadership | Universiteit van Limpopo | Polokwane | CHE | 1997 |
| UCT Graduate School of Business (GSB) | Universiteit van Kaapstad | Kaapstad | CHE, Association of MBAs (MBA), EQUIS, AACSB | 1964 |
| Universiteit Stellenbosch (USB) | Universiteit Stellenbosch | Kaapstad | CHE, Association of MBAs (MBA), EQUIS, AACSB | 1964 |
| University of the Free State Business School | Universiteit van die Vrystaat | Bloemfontein | CHE | 1999 |
| Faculty of Economic and Financial Sciences | Universiteit van Johannesburg (UJ) | Johannesburg | CHE | 1989 |
| Wits Business School (WBS) | Universiteit van die Witwatersrand | Johannesburg | CHE, Association of MBAs (MBA) | 1968 |
1 GIBS bied besigheid spesifieke proramme in Londen, Verenigde Koninkryk
2 Nota: vanaf Januarie 2008 het GIBS die Graduate School of Management vervang.
Verwysings
Verdere leeswerk
- Patterson, Sarah E.; Damaske, Sarah; Sheroff, Christen (Junie 2017). "Gender and the MBA: differences in career trajectories, institutional support, and outcomes". 'Gender & Society'. 31 (3): 310–332. doi:10.1177/0891243217703630. PMC 5915327. PMID 29706689.
- Silbiger, Steven. "The 10 Day MBA".
Eksterne skakels
- Wiki Afrikaans
Wiki Commons het meer media in die kategorie Meestersgraad in Besigheidsadministrasie.
| Hierdie artikel is in sy geheel of gedeeltelik vanuit die Nederlandse Wiki vertaal. |
This article uses material from the Wikipedia Afrikaans article Meestersgraad in Besigheidsadministrasie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.