Die koningakkedis of Basilosaurus is ’n genus van vroeë walvisse wat 40 miljoen tot 34 miljoen jaar gelede tydens die Laat Eoseen voorgekom het.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die eerste fossiel van B. cetoides is in die Verenigde State ontdek en aanvanklik is geglo dit is die een of ander soort reptiel, vandaar die agtervoegsel -"saurus" in sy naam. Later is uitgevind dit is ’n soort seesoogdier. Fossiele van B. isis is in Egipte en Jordanië ontdek.
Koningakkedis | |
---|---|
’n Voorstelling van Basilosaurus cetoides. | |
Wetenskaplike klassifikasie | |
Koninkryk: | |
Filum: | |
Klas: | |
Orde: | |
Suborde: | Archaeoceti |
Familie: | Basilosauridae |
Subfamilie: | Basilosaurinae Cope, 1868 |
Genus: | Basilosaurus Harlan, 1834 |
Spesies | |
| |
Sinonieme | |
|
Basilosaurus cetoides was 12 tot 20 meter lank en die grootste bekende seedier van die Laat Eoseen. B. isis was effens kleiner.
Die koningakkedis se kop en brein was kleiner as vandag se walvisse. Daar word geglo hulle het daarom nie die sosiale vermoëns van moderne walvisse gehad nie. Geen volledige skelet van Basilosaurus is nog gevind nie, maar verskeie pogings is al aangewend om die ruggraat uit gedeeltelike skelette te rekonstrueer. Kellogg het geraam die dier het altesaam 58 werwels gehad na aanleiding van twee nie-ooreenstemmende, gedeeltelike skelette van B. cetoides uit Alabama. Vollediger skelette is in die 1990's in Egipte ontdek en dit het gelei tot ’n akkurater raming: 70 werwels, wat bestaan het uit 7 nekwerwels, 18 borswerwels, 20 lende- en heiligbeenwerwels en 25 stertbeenwerwels. Daar kan afgelei word B. cetoides het dieselfde werwels gehad.
Basilosaurus het ’n aal-agtige lyfvorm gehad. Die werwels was gevul met murg en vanweë die diere se grootte het hulle dus waarskynlik op die water gedryf. Daaruit kan afgelei word Basilosaurus het hoofsaaklik in twee dimensies naby die see-oppervlak geswem, terwyl die kleiner Dorudon waarskynlik ’n duikende, driedimensionele swemmer was.
This article uses material from the Wikipedia Afrikaans article Koningakkedis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.