Joert
'n Joert is 'n tradisionele ronde tent wat hoofsaaklik gebruik word vir bewoning deur nomades, wat skape, bokke, kamele en/of perde aanhou, en wat in die koue, droë steppestreke van Sentraal-Asië woon.
Joerts word ook gesien aan die buitewyke van stede in Mongolië en in meer bergagtige gebiede in Kirgisië.
Die woord "joert" is afgelei van die Russiese joerta en joert word ook die meeste buite Rusland gebruik, omdat die Russe in die verlede baie Sentraal-Asiatiese gebiede regeer het. Die Russe het die woord uit 'n Turkse taal geleen. Voorheen is die joert in Russies kibitka genoem.
Plaaslike name isː
- In Afghanistan en Pakistan: kherga/jirga of ooee
- Kasaks: kiyiz üy ("huidehuis")
- Kirgisies: öy of boizoi ("grys huis")
- Mongools: ger
- Toevaans: ög
Die woord joert in moderne Turks is meer sinoniem met "tuisland" as met die tent.
Die woord 'horde' vir swerwende (krygs)volke, soos die Goue Horde, is afgelei van die woord orda vir die tentkampe wat met joerts gebou is.
Verwysings
This article uses material from the Wikipedia Afrikaans article Joert, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.