Die Hennopsrivier is 'n rivier in Gauteng in Suid-Afrika, wat oos van Tembisa ontspring, waar dit die Olifantspruit heet.
Hennopsrivier | |
---|---|
Die Wierdabrug oor die Hennopsrivier | |
Stroomgebied | Gauteng Suid-Afrika |
Hoofrivier | Limpoporivier |
Oorsprong | Oos van Tembisa |
Sytak -links | Olifantspruit |
Sytak -regs | Rietvleirivier |
Monding | Krokodilrivier |
Monding-hoogte | 1 212 m |
Koördinate: 25°50′37″S 27°55′56″O / 25.84361°S 27.93222°O 27°55′56″O / 25.84361°S 27.93222°O |
Die Rietvleirivier is 'n sytak van die Hennops en hul weer van die Krokodilrivier.
Die Centurionmeer is in die Hennopsrivier geleë.
Die Hennopsrivier kry sy naam van die plaas Hennopsrivier wat vernoem is na die weduwee Helena Hennop, eienaar van die plaas in die 1850's. Oorspronklik het die stroom slegs wes van Swartkop as die Hennopsrivier bekend gestaan. Oos van Swartkop het dit as die Sesmylspruit bekend gestaan. Die destydse Verwoerdburgse stadsraad het besluit dat die rivier in sy munisipale gebied net as die Hennopsrivier bekend sal staan. Pretoria se stadsraad was sterk gekant teen enige verandering aan die naam Sesmylspruit omdat dit belangrike historiese waarde vir die stad het.
Die riviervallei in Centurion is in rustige en skilderagtige dele geleë, en omliggende stede se inwoners maak deeglik daarvan gebruik, veral oor naweke as staproete, vir hengel, kampeer, en piekniek hou. Daar is twee smal hangbrûe vir stappers oor die Hennops, een by die Centurion Mall (van staal), en die ander by Hennops Hiking Trail (toue en kabels).
Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Hennopsrivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.