Rivier Limpopo: Rivier in die binneland van Suider-Afrika
Die Limpopo is 'n groot rivier in die binneland van Suider-Afrika wat in die Indiese Oseaan uitmond.
Die rivier vorm die internasionale grens tussen verskeie lande, waaronder Suid-Afrika, Botswana, Zimbabwe en Mosambiek. Vasco da Gama, die Portuguese ontdekkingsreisiger, het die Limpopo in 1498 "ontdek".
| Limpopo | |
|---|---|
 | |
![Rivier Limpopo: Ontstaan en roete, Sytakke van die Limpopo, Lys van sytakke[3]](/wiki/af/L%C3%AAer:Limpopo_watershed_topo.png) Die Limpopo se waterskeiding en rivierloop | |
| Oorsprong | Samevloei van Krokodilrivier en Maricorivier, Suid-Afrika |
| Monding | Xai-Xai, Mosambiek Indiese Oseaan |
| Stroomgebied |  Botswana Suid-Afrika Zimbabwe Mosambiek |
| Lengte | 1 750 km (1 087 myl) |
| Oorspronghoogte | 872 m (2 861 voet) |
| Mondinghoogte | 0 m |
| Gemiddelde afloop | 170 m³/s (6 003 vt³/s) |
| Stroomgebiedopp. | 415 000 km² (160 232 myl²) |
Ontstaan en roete
Die Limpoporivier ontspring by die samevloei van sy twee hoofsytakke in die noorde van Suid-Afrika en is ongeveer 1 750 km lank met 'n stroomgebied van 413 000 km², die tweede grootste rivier in die streek. Dit loop in 'n boogvorm al langs die grens van die voormalige Transvaal – eers noordoostelik, dan noord, draai oos na Mosambiek en dan in 'n suidoostelike rigting voor dit naby Xai-Xai in Mosambiek in die Indiese Oseaan uitmond.
Dit dien as 'n internasionale grens vir sowat 640 km, tussen die suidooste van Botswana en die noordweste van Suid-Afrika en verder tussen suidelike Zimbabwe en die noorde van Suid-Afrika.
Sowat 14 miljoen mense woon in die Limpoporivierbekken, 'n area van ongeveer 413 000 vierkante kilometer. Daar heers groot armoede in hierdie streek, en die rivier kan nie in die waterbehoeftes van al die inwoners voorsien nie.
Sytakke van die Limpopo
Krokodilrivier
Die oorsprong van die Krokodilrivier is net noord van Ontdekkersweg by Witpoortjiestasie in Krugersdorp. Hier is die rivier nog 'n klein stroompie, dit vloei noord, gaan oor die Witpoortjie waterval en onder deur die N14 nasionale pad by Muldersdrift. Hiervandaan kronkel die rivier verder noordwaarts, verby die Lanseria-lughawe en vloei in die Hartbeespoortdam in. Anderkant die dam hou die rivier noordwes, verby Brits en deur die Rooikoppiesdam. Die rivier vloei steeds noordwes, suid verby Thabazimbi tot waar die Maricorivier saamvloei met die Krokodilrivier om die Limpoporivier te word.
Groot Maricorivier
- Die hoofartikel vir hierdie afdeling is: Maricorivier.
'n Groot sytak is die Maricorivier. Die rivier ontspring net suid van die dorp Groot Marico, vloei noord verby Groot Marico, deur die Marico-Bosvelddam en verby Silkaatskop tot by Derdepoort. Hier swaai die rivier noordoos tot dit saamvloei met die Krokodilrivier.
Ander sytakke
Die Notwanerivier is nog 'n belangrike sytak van die Limpopo, dit ontspring op die rand van die Kalahariwoestyn in Botswana en vloei in 'n noord-oostelike rigting. Die hoofsytak van die Limpopo, die Olifantsrivier, wat in Mosambiek saamvloei, lewer byna 1,233 miljoen m3 water per jaar.
Lys van sytakke
Linkerkant (almal vloei in Botswana)
Linkerkant (vloei in Zimbabwe)
- Mzingwanerivier (Umzingwani)
- Bubirivier
- Nuanetsirivier (Mwenezirivier)
Linkerkant (vloei in Mosambiek)
Regterkant
- almal ontspring in Suid-Afrika
Sien ook
Verwysings
Eksterne skakels
- Wiki Afrikaans
![Rivier Limpopo: Ontstaan en roete, Sytakke van die Limpopo, Lys van sytakke[3]](//upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Wiki Commons het meer media in die kategorie Limpopo (rivier).
![Rivier Limpopo: Ontstaan en roete, Sytakke van die Limpopo, Lys van sytakke[3]](/wiki/af/L%C3%AAer:Commons-logo.svg){kind=logo}
This article uses material from the Wikipedia Afrikaans article Limpopo (rivier), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.