Hoopstad
Hoopstad is 'n dorpie aan die Vetrivier in die provinsie Vrystaat, sowat 31 km suidwes van die rivier se samevloeiing met die Vaalrivier en 90 km wes van Welkom.
Die dorp bedien 'n boerderystreek waarin met Afrikanerbeeste en saaigewasse, veral mielies, koring en grondbone, geboer word. Daar is ook een nywerheidsgebied naasliggend tot die nasionale pad na die Goudveld en Bloemfontein. Die NG kerkgebou is 'n nasionale gedenkwaardigheid. Daar is 'n buiteklub wat voorsiening maak vir allerlei sportsoorte, asook ander geriewe vir rugby, tennis, swem en atletiek. Voor die nuwe munisipale bedeling in werking getree het, was die munisipale gebied 2 962 hektaar groot. Hoopstad en die lokasie Tikwana se bevolking was saam 16 033 in 2011 gewees.
Hoopstad | |
|---|---|
 NG kerk te Hoopstad | |
  Hoopstad Hoopstad se ligging in Vrystaat | |
| Koördinate: 27°50′S 25°55′O / 27.833°S 25.917°O 25°55′O / 27.833°S 25.917°O | |
| Land |  Suid-Afrika |
| Provinsie | Vrystaat |
| Distrik | Lejweleputswa |
| Munisipaliteit | Tswelopele |
| Stigting | 1873 |
| Oppervlak | |
| • Totaal | 27,81 km2 (10,74 vk. myl) |
| Bevolking (2011) | |
| • Totaal | 1 295 |
| • Digtheid | 47/km2 (120/vk. myl) |
| Rasverdeling (2011) | |
| • Wit mense | 65.9% |
| • Indiërs/Asiërs | 1.2% |
| • Bruin mense | 1.9% |
| • Swart mense | 29.3% |
| • Ander | 1.7% |
| Taal (2011) | |
| • Afrikaans | 86.8% |
| • Sotho | 3.7% |
| • Engels | 3.1% |
| • Tswana | 1.6% |
| • Ander | 4.8% |
| Skakelkode | 053 |
- Hierdie artikel handel oor die dorp "Hoopstad" in die Vrystaat. Sien Hopetown vir die gelyknamige dorp in die Noord-Kaap.
Geskiedenis
Dit is vernoem na die landmeter wat die dorp opgemeet het, A.P. Haupt, en gestig op 1 Junie 1874 op die plaas Kameeldoorns, wat deur die Oranje-Vrystaatse Volksraad vir dié doel aangekoop is. Die dorp verkry munisipale status in 1905. Hoopstad het eers as Hauptstad bekend gestaan. Die naam is later verander, omdat Hauptstad letterlik hoofstad beteken, en dit dus afbreuk aan Bloemfontein se status as republikeinse hoofstad gedoen het. Daarom word die dorp toe stad van hoop. Die NG gemeente is in 1876 afgestig en die lidmaattalle bly redelik konstant.
Sien ook
Geografiese ligging
Bronne
- Raper, P.E., Dictionary of South African Place Names, Lowry Publishers, Johannesburg, 1987.
- Scannell, J.P., Afrikaanse Kernensiklopedie, Nasionale Boekhandel Beperk, Kaapstad (et. al.), 1965.
- Kelly, Maureen, Amptelike Suid-Afrikaanse Munisipale Jaarboek, HELM Publikasies, Johannesburg, 1986.
Verwysings
Eksterne skakels
- Inligting oor die NG gemeente Geargiveer 27 September 2007 op Wayback Machine
- Voordeur, 'n werf met plaaslike nuus in Afrikaans Geargiveer 8 Oktober 2007 op Wayback Machine
- 'n Kaart met Hoopstad se ligging en beperkte toeriste-inligting Geargiveer 25 Mei 2016 op Wayback Machine
This article uses material from the Wikipedia Afrikaans article Hoopstad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.