Wiskunde Vergelyking

Die oplos van 'n vergelyking wat veranderlikes bevat, bestaan uit die bepaling van watter waardes van die veranderlikes die gelykheid waar maak. Veranderlikes word ook "onbekendes" genoem en die waardes van die onbekendes wat aan die gelykheid voldoen, word oplossings van die vergelyking genoem. Daar is twee soorte vergelykings: identiteite en voorwaardelike vergelykings. 'n Identiteit geld vir alle waardes van die veranderlike. 'n Voorwaardelike vergelyking geld slegs vir spesifieke waardes van die veranderlikes.

'n Vergelyking word geskryf as twee uitdrukkings, gekoppel met 'n gelykteken ("="). Die uitdrukkings aan die twee kante van die gelykteken word die "linkerkant" en "regterkant" van die vergelyking genoem.

Die algemeenste soort vergelyking is 'n algebraïese vergelyking waarin die twee sye algebraïese uitdrukkings is. Elke kant van 'n algebraïese vergelyking bevat een of meer terme. Byvoorbeeld, die vergelyking

${\displaystyle Ax^{2}+Bx+C=y}$

het die linkerkant ${\displaystyle Ax^{2}+Bx+C}$, wat drie terme het,en die regterkant ${\displaystyle y}$, wat slegs uit een term bestaan. Die onbekendes is x en y en die parameters is A, B, en C.

• Lineêre vergelyking
• Kwadratiese vergelyking
• Derdegraadse vergelyking
• Vierdegraadse vergelyking
• Komplekse vergelykings

• Wiki Afrikaans  Wiki Commons het meer media in die kategorie Vergelyking (wiskunde).

  Hierdie artikel is ’n saadjie. Voel vry om Wikipedia te help deur dit uit te brei.