Volk Hakka
Die Hakka (Hakka: 客家人, pinyin: Kèjiārén; letterlik: gaste) is een van die Han-Chinese volke met hul oorsprong in die Hakka-talige gebiede van die provinsies Guangdong, Fujian, Jiangxi, Guangxi, Sichuan, Hunan, Zhejiang, Hainan en Guizhou.
In teenstelling met ander Han-Chinese groepe is die Hakka nie na 'n geografiese gebied, soos 'n provinsie, distrik of stad, genoem nie. Die hedendaagse Hakka word gewoonlik geïdentifiseer as mense wat een van die verskeie Hakka-dialekte praat of van Hakka-afkoms is. In die Volksrepubliek China word die Hakka nie as selfstandige etniese groep erken nie en by die Han-Chinese ingereken.
| Hakka | |
|---|---|
 | |
| Totale bevolking: | ca. 80 miljoen |
| Belangrike bevolkings in: | China (Guangdong, Fujian, Jiangxi, Guangxi, Sichuan, Hunan, Zhejiang, Hainan, Guizhou, Hongkong, Macau), Taiwan, Suidoos-Asië (Singapoer, Maleisië, Indonesië, Thailand, Viëtnam, Mianmar, Oos-Timor), Suid-Asië (Indië, Nepal, Bangladesj, Sri Lanka), Oseanië (Fidji, Australië, Nieu-Seeland), Afrika (Suid-Afrika, Mauritius, Réunion, Kenia, Tanzanië, Uganda), Noord-Amerika (Verenigde State, Kanada), Europa (Verenigde Koninkryk, Frankryk, Nederland), Karibiese gebied (Kuba, Trinidad en Tobago, Guyana, Suriname, Jamaika), Latyns-Amerika (Meksiko, Colombia, Panama, Brasilië, Peru, Argentinië) |
| Taal: | Hakka |
| Geloofsoortuiging: | Hoofsaaklik Chinese volksgodsdienste (Taoïsme, Konfusianisme, voorvaderaanbidding en ander), Mahayana-Boeddhisme, Christendom, ongebonde en ander |
| Verwante etniese groepe: | Ander Han-Chinese volke |
Die Hakka het hul oorsprong vermoedelik in die gebiede wat aan die Geelrivier grens, die hedendaagse Chinese provinsies Shanxi, Henan en Hubei. In 'n reeks van migrasies het die Hakka in hul hedendaagse tuisland van Suid-China gevestig en vanaf daar het 'n aansienlike aantal oorsee na verskillende lande regoor die wêreld migreer, veral Suidoos-Asië, Noord- en Latyns-Amerika. Die wêreldwye Hakka-bevolking word op sowat 80 miljoen geskat en hulle vorm die meesverspreide onder die Chinese gemeenskapsgroepe.
Die Hakka het 'n groot invloed op die ontwikkeling van die moderne China en oorsese Chinese geskiedenis gehad, veral 'n groot aantal van rewolusionêre, regerings- en militêre leiers was van Hakka-afkoms, waaronder Deng Xiaoping, Sun Yat-sen en Lee Kuan Yew. Die Hakka is ook bekend vir hul rotundas, die Tulou (Vereenvoudigde Chinees: 土楼; Tradisionele Chinees: 土樓; pinyin: tǔlóu) wat in die provinsie Fujian opgerig is en in 2008 deur Unesco as wêrelderfenisgebied gelys is. Ander geboue het 'n vierkantige ontwerp en staan as Fanglou (方樓; 方楼; Fānglóu) bekend.
Bevolking
| Land | Hakka- bevolking | Chinese bevolking | Totale bevolking | Persentasie van die Chinese bevolking | Meerderheid | Bron |
|---|---|---|---|---|---|---|
 Republiek van China | 4 202 000 | 22 813 000 | 23 374 000 | 18,4% | Tweede grootste | Hakka Affairs Council, Taiwan, 2014 |
 Hongkong | 1 250 000 (geskat) | 6 643 000 | 7 300 000 | 18,8% | Tweede grootste | Prof Lau Yee Cheung, Chinese Universiteit van Hongkong, 2010 |
 Singapoer | 232 914 | 2 794 000 | 3 771 700 | 8,3% | Vierde grootste | Singapoer-sensus, 2010 |
 Maleisië | 1 650 000 | 6 550 000 | 30 116 000 | 25,2% | Tweede grootste | Maleisiese sensus, 2015 |
 Thailand | 1 502 846 | 9 392 792 | 67 091 371 | 16,0% | Tweede grootste | The World Factbook, 2012 |
Verwysings
Eksterne skakels
- Wiki Afrikaans
Wiki Commons het meer media in die kategorie Hakka (volk). - (en) Charles Piton: On the Origin and History of the Hakkas. The China Review 2, 1873–74, bl. 122–126
- (zh) Council for Hakka Affairs – Regering van die Republiek China Geargiveer 4 Januarie 2018 op Wayback Machine
- (zh) Verspreiding van etniese groepe in China Geargiveer 1 Januarie 2016 op Wayback Machine
This article uses material from the Wikipedia Afrikaans article Hakka (volk), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.