Geotrichum Fragrans

G. fragrans word natuurlik aangetref in afvalwater van die broodwortelverwerking in Brasilië, waar hierdie afvalwater manipueira genoem word. Manipueira is vervuilend en daar word gesoek na oplossings van dié probleem.G. fragrans is aërobies en bestand teen sianied. Die afvalwater bevat naas sianied ook baie organiese stowwe. Daaronder is heelparty suikers, soos dekstrien (2,6%), maltose (1,4%), sukrose (32,1%), glukose (38,2%) en fruktose (25,6%). Die gemiddelde suikerinhoud is 58,2 [g/L]. Die chemiese suurstofbehoefte (COD) is hoog: 60.000 [mg/L]. Fermentasie deur G. fragrans verlaag dit met 40%, terwyl dit in 12 uur 12,8 g/L biomassa produseer.

Navorsing wat G. fragrans geteel het op manipueira het gewys dat hiedie organisme reukstowwe vervaardig wat dalk nuttige produkte kan oplewer. Een daarvan is etielasetaat wat die dampe fruitig maak. Ander stowwe is 1-butanol, 3-metiel-1-butanol (isoamielalkohol), 2-metiel-1-butanol, 1,3-butaandiol en fenieletanol; etielpropionaat, 2-metiel-etiel-propionaat en 2-metielpropaansuur.