Commelinaceae: Plantfamilie
Commelinaceae is ’n familie blomplante.
Dit is een van vyf families in die orde Commelinales en verreweg die grootste, met sowat 650 spesies in 40 genera. Verskeie bekende sierplante soos die wandelende jood val in die genera Commelina en Tradescantia. Dit is inheems aan tropiese klimaatstreke.
| Commelinaceae | |
|---|---|
 | |
| Aneilema aequinoctiale | |
| Wetenskaplike klassifikasie | |
| Koninkryk: | |
| Divisie: | |
| Klas: | Monocotyledoneae |
| Subklas: | Commelinidae |
| Orde: | Commelinales |
| Familie: | Commelinaceae Mirb. |
Eienskappe
Die variasie in morfologie, veral wat die blom en groeias betref, is in dié familie besonder groot vir bedeksadige plante. Die blomme hou net kort, gewoonlik ’n dag of minder, en hulle het geen nektar nie.
Die meeste spesies is eenhuisig, wat beteken elke blom het manlike en vroulike organe, of andro-eenhuisig, wat beteken beide eenhuisige en manlike blomme kom aan dieselfde plant voor. Spesies het gewoonlik spesifieke blomseisoene, hoewel omgewingsfaktore dit soms grootliks kan beïnvloed. Verskillende spesies blom ook op verskillende tye van die dag. Blomme is geneig om insekte op allerhande maniere te flous, soos met geel hare wat soos meeldrade lyk of met staminodiums (onvrugbare meeldrade).
Plante in Commelinaceae is gewoonlik meerjarige plante, maar daar is ook eenjarige plante. Hulle het gewoonlik grondwortels, behalwe die genus Cochliostema, wat epifiete is. Hulle het afwisselende, sittende blare en geslote blaarskedes. Die blare is nie getand of gelob nie. Hulle is dikwels ineengerol as hulle uitkom en dit is kenmerkend van dié familie.
Die vrugbeginsel is bostandig. Die blomme is dikwels in trosse om ’n sentrale groeias gegroepeer. Hulle bly net ’n paar uur lank oop. Die groeias is omhul deur ’n blaaragtige skutblaar.
Verwysings
Eksterne skakels
- Commelinaceae Geargiveer 6 Februarie 2007 op Wayback Machine, L. Watson en M.J. Dallwitz (vanaf 1992). The families of flowering plants Geargiveer 3 Januarie 2007 op Wayback Machine: beskrywings, illustrasies en inligting by delta-intkey.com
- NCBI-taksonomieblaaier
- Wiki Afrikaans
Wiki Commons het meer media in die kategorie Commelinaceae.
- Wiki Afrikaans
Wikispecies het meer inligting verwant aan Commelinaceae 
Hierdie artikel is vertaal uit die Engelse Wiki
This article uses material from the Wikipedia Afrikaans article Commelinaceae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.