Buiteliggaamlike Ervaring
Die term buiteliggaamlike ervaring, ook bekend as astrale projeksie, word gebruik om 'n paranormale verskynsel te beskryf waar mense 'n sensasie ervaar dat hul siel hul stoflike liggaam tydelik verlaat.
Volgens mense wat beweer dat hulle buiteliggaamlike ervarings gehad het, kan mens dan bewus onder eie wil en beheer na verskillende aardse en astrale dimensies "reis". Die proses gaan gepaard met verskillende fisieke en astrale gevoelens soos dat die persoon 'n gesuig hoor, of 'n knal soos 'n pistoolskoot, 'n tintelende "los" gevoel in die stoflike liggaam en erotiese prikkelinge van 'n mens se chakra's.
Die Amerikaner Robert Monroe het sy eie ervaringe hiermee beskryf, en het met sy boeke die verskynsel vir die eerste keer onder 'n groot leserspubliek bekend gemaak. Hy het die term "buiteliggaamlike ervaring" gebruik om die proses te distansieer van die meer spirituele "astrale projeksie". In ander lande soos Nederland het Sten Oomen ook boeke oor "buiteliggaamlike ervaring" geskryf.
This article uses material from the Wikipedia Afrikaans article Buiteliggaamlike ervaring, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.