Bonnievale
Bonnievale is 'n dorp in die Wes-Kaap, Suid-Afrika, en is in 1922 gestig.
In 2011 het die dorp 'n bevolking van 9 092 gehad, waarvan 974 (10,7%) Blank was.
Bonnievale | |
|---|---|
 Die ou spoorwegstasie op Bonnievale | |
  Bonnievale Bonnievale se ligging in Wes-Kaap | |
| Koördinate: 33°55′39″S 20°6′2″O / 33.92750°S 20.10056°O 20°6′2″O / 33.92750°S 20.10056°O | |
| Land |  Suid-Afrika |
| Provinsie | Wes-Kaap |
| Distrik | Kaapse Wynland |
| Munisipaliteit | Langeberg |
| Stigting | 1922 |
| Oppervlak | |
| • Totaal | 27,07 km2 (10,45 vk. myl) |
| Bevolking (2011) | |
| • Totaal | 9 092 |
| • Digtheid | 336/km2 (870/vk. myl) |
| Rasverdeling (2011) | |
| • Wit mense | 10.7% |
| • Indiërs/Asiërs | 0.2% |
| • Bruin mense | 75.3% |
| • Swart mense | 11.1% |
| • Ander | 2.7% |
| Taal (2011) | |
| • Afrikaans | 89.7% |
| • Xhosa | 6.0% |
| • Engels | 1.7% |
| • Suid-Sotho | 1.3% |
| • Ander | 2.2% |
| Skakelkode | 023 |
Geskiedenis
Die dorp is gestig nadat Christopher Rigg 'n stuk grond langs die Breederivier gekoop het met geld wat hy op die Barbertonse goudvelde verdien het. Die grond was oorspronklik bekend as Bosjesmansdrift. Hy het 'n besproeiingskanaal vanuit die rivier aangelê.
In 1902 is daar 'n spoorweghalte naby die dorp gebou op die Kaapstad—Port Elizabeth-spoorlyn met die naam van Vale. Rigg het sy grond onderverdeel, die erwe verkoop en die dorp Bonnievale genoem na die stasie. In 1917 het die stasie ook die naam aangeneem.
Wapen
Bonnievale se munisipale raad het in 1961 'n wapen by die Kaapse Provinsiale Administrasie geregistreer: In silwer, twee golwende blou pale vergesel van twee druiwetrosse van natuurlike kleur; 'n hoekige rooi skildhoof belaai met nege goue pennings geplaas 5 en 4. Die helmteken was 'n goue gaande griffioen, en die wapenspreuk "Diens - toewyding - geloof".
Distrik
Die distrik is bekend vir sy muskadelwyne, sjerrie en brandewyn. Geelperskes, appelkose en kaas word ook verbou in die distrik. Daar is drie koöperatiewe wynkelders in die distrik.
Noemenswaardige boorlinge
- Breyten Breytenbach - skrywer en digter.
- Ds. Gys Muller - predikant in die NG Kerk
Sien ook
Bronne
Verwysings
This article uses material from the Wikipedia Afrikaans article Bonnievale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.