Bergkaree
Die bergkaree (Searsia leptodictya) is 'n Suid-Afrikaanse immergroen boom wat as die Mohlwehlwe in Sotho en as die Mountain karee in Engels bekend staan.
Die boom se FSA-nommer is 387. Die spesie is inheems in Angola, Botswana, Eswatini, Malawi, Mosambiek, Namibië en Zimbabwe. In Suid-Afrika is die boom inheems in Gauteng, KwaZulu-Natal, Limpopo, Mpumalanga, Noordwes en die Vrystaat.
| Bergkaree | |
|---|---|
 | |
| Groeiwyse naby Skeerpoort in die Magaliesberg, Noordwes | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Sapindales |
| Familie: | Anacardiaceae |
| Genus: | Searsia |
| Spesie: | S. leptodictya |
| Binomiale naam | |
| Searsia leptodictya (Diels) T.S.Yi, A.J.Mill. & J.Wen, (2004) | |
| Sinonieme | |
| |
Beskrywing
Die boom lyk baie soos die karee en witkaree maar die blaarrande is saagtandig. Die boom het 'n enkele, rowwe donkerbruin tot swart stam. Dit bereik 'n hoogte van 5 meter met dieselfde omtrek by die takke en bied goeie weerstand teen droogte maar slegs gedeeltelik teen ryp. Dit is 'n pragtige klein boom vir 'n klein tuin met sy ronde kroon en interessante hangeffek van sy takkies en blaarstele. Dit kan in volle son of in gedeeltelike skaduwee geplant word. Die immergroen boom dra klein wit blommetjies, wat op vroulike bome verander in bondels van klein, plat bessies 5 mm in deursnee. Die vruggies lok baie voëls wat graag die bessies vreet. Daar kan ook bier gebrou word van die bessies.
Fotogalery
-
Saailing in die Waterberg, Limpopo -
Loof -
Vrugte -
S. leptodictya as sierboom by 'n vakansieoord
Sien ook
Verwysings
This article uses material from the Wikipedia Afrikaans article Bergkaree, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.