Astrachanse Jode: Mense van Joodse oorsprong en geloof wat in Astrachan woon

Alhoewel hulle tot verskeie subetniese groepe behoort, soos Asjkenasiese, Sefardiese en Bergjode, vorm Astrachanse Jode 'n verenigde gemeenskap met 'n gedeelde identiteit.

Astrachanse Jode
Astrachanse rabbyn Israel Kaplan met sy familie
Totale bevolking:	~3 500
Belangrike bevolkings  in:	Rusland Astrachan-oblast ~1 000  Israel 436
Taal:	Russies, Jiddisj, Hebreeus
Geloofsoortuiging:	Judaïsme
Verwante etniese groepe:	Ander Joodse groepe

Die Middeleeuse Chasare was die eerste Joodse groep wat gewoon het in wat nou Astrachan is, maar die huidige Joodse gemeenskap van die stad het 'n baie korter geskiedenis. Volgens die plaaslike historici, was Lejba Davidof die eerste Asjkenasiese Jood om hom in Astrachan te vestig sedert 1579, toe die streek deur Rusland verower en gekoloniseer is. Davidof het uit Witebsk in die huidge Belarus na Astrachan verhuis, nadat die Russiese regering in 1771 toegelaat het dat Jode na die stad immigreer.

In die 1850's het die stad 'n toestroming van Bergjoodse immigrante van die Kaukasus-gebied beleef. Baie van hulle het hulle gevestig in die sudelike deel van Astrachan se oustad, Beli Gorod. Die hoogste konsentrasie van Joodse huishoudings was in die huidige Sjaumjan-straat, wat destyds algemeen na verwys is as die "Jodestraat" of "Jodebuurt". Die enigste sinagoge in Astrachan, wat tot vandag toe aktief is, is in die nabygeleë Babusjkin-straat.

Alhoewel daar vier historiese sinagoges in die stad was, funksioneer deesdae net een. Ten spyte van sy name "Sfard", wat van die etnoniem van die Sefardiese Jode kom, het hierdie sinagoge 'n Asjkenasiese rabbyn en behoort dit tot die Chassidiese Chabad-beweging.

In 2019 het die Sfard-gemeenskap die eerste mikve (ablusiebad) in 90 jaar gekry.

• Lew Swerdlin, rolprentakteur.
• Mejer Trilisser, revolusionêr en politikus.
• Sergei Bendt, digter en teaterakteur.
• Sergey Lagodinsky, politikus en regsgeleerde.