Kaapse Maleiers
Die Kaapse Maleiers (Maleis: Melayu Cape) is 'n gemeenskap of etniese groepering van Oosterlinge in Suid-Afrika.
Meeste van hulle is van Maleisië afkomstig. Hulle woon hoofsaaklik in en om Kaapstad, onder andere in die Bo-Kaap (vroeër die "Maleierbuurt") teen die hange van Seinheuwel. Saam met die Malgasse van Madagaskar vorm die Kaapse Maleiers die enigste inheemse Austronesiese volk in Afrika.
| Kaapse Maleiers | |
|---|---|
 .JPG)   Abdullah Abdurrahman • Zackie Achmat • Ricky Fataar • Ebrahim Rasool | |
| Totale bevolking: | 200 000 |
| Belangrike bevolkings in: |  Suid-Afrika (Kaapstad en Gauteng) |
| Taal: | Vandag: Afrikaans, Engels Vroeër: Maleis, Javaans, Boeginees |
| Geloofsoortuiging: | Meerderheid: Soennitiese Islam Minderheid: Ateïsme, Agnostisisme, Christendom |
| Verwante etniese groepe: | Javane, Maleiers, Indiërs, Afrikaners, Malgasse, Kaaps-Hollandse, Nederlanders, Kleurlinge, Boegis, Bantoevolke |
Hulle voorvaders is as slawe deur die Verenigde Oos-Indiese Kompanjie van Nederlands-Indië na die Nederlandse Kaapkolonie gebring. Die eerste groep het in 1667 aangekom. Later het 'n aantal politieke bannelinge van Maleisië, in besonder Sjeik Joseph, hier aangeland. Betreklik min vermenging het met ander rasse plaasgevind en hulle bly toegewyde Moslems. Hulle is bekend vir hulle wetsgehoorsame karakter en hoë morele standaard.
As vakmanne spesialiseer hulle meestal as perdeversorgers, koetsiers, vissers, kleremakers, meubelmakers en kuipers. Hulle behou nog baie van hulle ou tradisies, onder andere hulle melodieuse liedere, byna die enigste vorm waarin hulle oorspronklike taal behou gebly het.
Vandag praat meeste van hulle Afrikaans. Professor A. van Selms (1906–1984) van Pretoria het godsdienstige boeke ontdek wat reeds in die 18de eeu vir hulle in Konstantinopel in Arabiese skrif gedruk is.
Verskeie Suid-Afrikaanse geregte is van Maleisiese oorsprong, onder andere tamatiebredie, bobotie, sosaties en koeksisters.
Bron
Eksterne skakels
- Wiki Afrikaans
Wiki Commons het meer media in die kategorie Kaapse Maleiers.
| Etniese groepe in Suid-Afrika | |
|---|---|
| Afrikaners • Anglo-Afrikane • Asiate • Griekwas • Kaapse Maleiers • Khoisan • Kleurlinge • Ndebeles • Noord-Sotho's • Suid-Sotho's • Swazi's • Tsongas • Tswanas • Vendas • Xhosas • Zoeloes | |
This article uses material from the Wikipedia Afrikaans article Kaapse Maleiers, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.