Adenoïede
Adenoïede is 'n massa limfkliere wat agter die nasale kanaal en aan die bokant van die keel geleë is.
By kinders is die boonste en agterste dele van die keelholte gewoonlik bedek met 'n groot massa limfweefsel, wat die derde keelholtemagel vorm. Omstreeks 15-jarige leeftyd krimp hierdie mangel egter totdat dit heeltemal verdwyn. Die slymvliesagtige membraan wat die keelholte bedek, word dan weer heeltemal glad.
Skete
Vergrote adenoïede kan die buis van Eustachius se opening blokkeer, wat tot oorinfeksies, soos middeloorontsteking, kan lei. Die buise verbind die oor en die keel. Hierdie vergrote massa limweefsel kan, indien dit groot omvang bereik, in 'n mate invloed op die asemhaling uitoefen deur die lugweg van die neus na die keelholte gedeeltelik te versper.
Die adenoïede help om infeksie te keer, maar wanneer hulle gereeld self geïnfekteer word, word hulle gewoonlik chirurgies verwyder, sonder enige noemenswaardige nagevolge. Dit word selde of ooit alleen verwyder. Slegs wanneer 'n mangeloperasie (tonselektomie) in ieder geval nodig is, word dit gelyktydig verwyder.
Sien ook
Bronnelys
- Kennis, vol 2, bl. 332-333, ISBN 0 7981 0824 X
Eksterne skakels
- "Anatomy diagram: 25420.000-1". Roche Lexicon - illustrated navigator. Elsevier. Geargiveer vanaf die oorspronklike op 26 Februarie 2015.
- Adenoids: What They Are, How To Recognize Them, What To Do For Them
- Histology at usuhs.mil
- Histology at udel.edu
- /drtbalu otolaryngology online
This article uses material from the Wikipedia Afrikaans article Adenoïede, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.