Bosluis: Klein uitwendige parasiet wat tot die superfamilie Ixodoidea behoort
'n Bosluis is 'n klein uitwendige parasiet wat tot die superfamilie Ixodoidea behoort.
Hulle is verwant aan spinnekoppe en behoort saam met hulle tot die klas Arachnida. Bosluise lewe van die bloed van gewerwelde diere: hulle byt vas aan die vel van 'n mens of huid van 'n dier deur hulle haakvormige tande waar hulle dan ure of selfs dae van hul gasheer se bloed kan drink. Hulle kan ook verskeie ernstige siektes soos tifuskoors, loopgraafkoors, Rocky Mountain-koors, vlektifus en Lyme-siekte oordra.
| Bosluis | |
|---|---|
.jpg) | |
| Wetenskaplike klassifikasie | |
| Koninkryk: | |
| Filum: | |
| Subfilum: | |
| Klas: | |
| Subklas: | Acarina |
| Superorde: | Parasitiformes |
| Orde: | Ixodida |
| Superfamilie: | Ixodoidea |
| Families | |
| Ixodidae | |
| Diversiteit | |
| 18 genera, ± 900 spesies | |
'n Bosluis se byt is meestal nie pynlik nie, trouens, mens voel dit gewoonlik glad nie en sal slegs bewus wees van 'n bosluis wanneer dit op die vel raakgesien word. Verskeie soogdiere, reptiele en voëls is dikwels die teiken van bosluise.
'n Wyfie kan meer as 20 000 eiers op 'n slag lê nadat sy haar vol bloed gedrink het.
Bosluisbyte
Indien 'n bosluis met die vingers afgetrek word, is daar 'n gevaar dat ('n gedeelte van) die kop in die wond kan agterbly. Indien 'n olierige stof, soos petroleumjellie, op die bytplek aangebring word, sal die bosluis sy byt verslap, wat dit makliker maak om af te trek. Bytplekke moet altyd goed ontsmet word en, indien daar tekens van koors of infeksie is, moet 'n dokter geraadpleeg word.
Sien ook
- Kongokoors, siekte wat deur bosluise veroorsaak word.
- Bosluisbytkoors, siekte wat deur bosluisbyte veroorsaak word.
Bronnelys
- Bosluise in Wêreldspektrum, volume 23. 1983 Ensiklopedie Afrikana: (Edms) Bpk.
- Olivier, W. (2003). Staproetes in Suid-Afrika. Geïllustreerde uitgawe. Struik Uitgewers. ISBN 1-86872-789-0, 9781868727896
This article uses material from the Wikipedia Afrikaans article Bosluis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.