Chelicerata

Die subfilum bestaan uit slegs twee biologiese klasse, naamlik Arachnida en Merostomata.

Chelicerata
'n Hoefysterkrap
Wetenskaplike klassifikasie
Koninkryk:	Animalia
Filum:	Arthropoda
Subfilum:	Chelicerata
Klasse
Arachnida Merostomata Pycnogonida (sien teks)

Arachnida (spinnekopagtiges) is 'n groot en suksesvolle grondlewende groep, wat die spinnekoppe, skerpioene en hul verwantes insluit.

Merostomata sluit die hoefysterkrap (Xiphosura) en die uitgestorwe seeskerpioene (Eurypterida) in. Die hoefysterkrap is 'n klein, ou groep wat vir miljoene jare relatief onveranderd oorleef het. Groepe soos hierdie word dikwels lewende fossiele genoem.

Die seespinnekoppe (Pycnogonida) kan moontlik aan die Chelicerata-subfilum behoort. Daar is genetiese bewyse wat dui dat hulle 'n ou sustergroep van al die ander lewende geleedpotiges kan wees. Daar is ongeveer 1 300 seespinnekopspesies.

Chelicerata het as seediere ontstaan. Die eerste bevestigde fossiele dateer 445 miljoen jaar terug tot die laat Ordovisium-tydperk. Hoewel net vier mariene spesies oorleef het, almal van hulle hoefysterkrappe, is daar meer as 77 000 spesies wat lug inasem, en daar kan soveel as 500 000 onbekende spesies wees.

Chelicerata is grootliks karnivories. Sommiges is egter heterotrofies, en leef van materiale wat deur ander organismes vervaardig word.

• Wiki Afrikaans  Wiki Commons het meer media in die kategorie Chelicerata.
• Wiki Afrikaans  Wikispecies het meer inligting verwant aan Chelicerata