Spinnekopagtiges

Dit is 'n hoogs suksesvolle groep wat hoofsaaklik grondlewende ongewerweldes, soos die spinnekoppe, skerpioene, bosluise, myte en 'n aantal kleiner groepe, bevat.

Arachnids Tydperk: 430–0 m. jaar gelede PreЄ Є O S D C P T J K Pg N Vroeë Siluur – Onlangs
Spinnekopagtiges, soos in Ernst Haeckel se Kunstformen der Natur, 1904
Wetenskaplike klassifikasie
Koninkryk:	Animalia
Filum:	Arthropoda
Subfilum:	Chelicerata
Klas:	Arachnida

Alle spinnekopagtiges het vier paar pote, en kan maklik van insekte, wat net 6 pote het, onderskei word. In sommige spesies is die voorpote vir sensoriese persepsie aangepas, terwyl ander spesies twee ekstra aanhangsels het wat vir voeding, verdediging, en sensoriese doeleindes gebruik word. Dié ekstra aanhangsels word soms só groot dat dit soos 'n ekstra paar pote lyk.

Spinnekopagtiges het geen antennes (voelhorings) of vlerke nie. Die liggaam is meestal in twee segmente gedeel. Die kop en borsstuk is saamgesmelt tot 'n kopborsstuk (cephalothorax) met 'n buiksegment of abdomen daaragter. Hulle lengte wissel van kleiner as 1 millimeter (myte en bosluise) tot 23 sentimeter (skerpioene). Die mannetjies is gewoonlik kleiner as die wyfies.

Soos alle geleedpotiges het spinnekopagtiges 'n eksoskelet. Hulle het ook 'n interne struktuur van kraakbeenagtige weefsel, wat aan sekere spiergroepe geheg is.

Bykans alle spinnekopagtiges is grondlewend. Sommige leef egter in varswater, of selfs in die see.

 

Die klas bestaan uit die volgende ordes:

• Amblypygi
• Araneae (regte spinnekoppe)
• Holothyrida
• Ixodida (bosluise)
• Mesostigmata
• Opilioacarida
• Opiliones
• Palpigradi
• Pseudoscorpiones
• Ricinulei
• Sarcoptiformes
• Schizomida
• Scorpiones (skerpioene)
• Solifugae (baardskeerder-spinnekoppe)
• Thelyphonida
• Trombidiformes
• Uropygi

•  
  Reënspinnekop
•  
  Bosluis
•  
  Rooimyt
•  
  Skerpioen

• Wiki Afrikaans  Wiki Commons het meer media in die kategorie Spinnekopagtiges.
• Wiki Afrikaans  Wikispecies het meer inligting verwant aan Spinnekopagtiges