On boschet (on dit eto on tiket), c' est èn araegnidî ki s' vént agritchî a ene ôte biesse, po lyi sucî l' sonk.
Les tikets sont responsåves d' ene cåkêye di maladeyes, les maladeyes cobezacêyes pås boschets.
Sacwants tikets ni s' agritchnut k' a ene sôre di biesses. Metans : Hyalomma detritum, ås vatches).
Des ôtes polèt piker totès sôres di lodjeus. Metans, li leuvea (Ixodes ricinus) si pout agritchî ås tchéns, ås djins, ås vatches, evdn.
L' acoplaedje si fwait sol coir do lodjeu. Li ptit måye si vént plaker sol inte del grosse frumele. Adon, li frumele plinne si rimplit d' sonk a tot sketer (ele "boschetêye"). Pu s' leyî toumer e tere.
Des oûs discloyèt des djonnes tikets ås shijh pates, ki wayimnut po divni des djonneas ås ût pates. Pu des boschets fwaits.
Po bråmint des boschets, — si nén tertos —, li tournante di veye deure èn an.
This article uses material from the Wikipedia Walon article Boschet (biesse), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.