L' Etrernete u internete (Intèrnet´ ) ou ou Daegntoele ås éndjoles, c' est on raloyaedje di copiutreces totavå l' Daegne, tot-z eployant li protocole TCP-IP.
C' est l' Etrernete k' a permetou l' atôtchance pa emile u pa Messaedjreye Sol Moumint. Mins elle a stî conoxhowe di totes les djins pa l' aplicåcion do W.W.W. (World Wide Web) k' a stî lomêye e walon li Daegntoele ås waibes u li Toele.
Po fé bouter des éndjoles eshonne, les éndjolisses edvintît on novea lingaedje infôrmatike, li HTML (Hyper-Text Mark-up Language) et on « côde del rote », li http (Hyper-Text Transfer Protocol).
C' est diviè 1961-1966 ki des rcwereus do Massachusetts Institute of Technology (MIT) et des militaires amerikins ont parvinou a raloyî leus éndjoles inte di zeles. Li prumire rantoele d' éndjoles si loma l' ARPANET (Advanced Research Projects Agency Network).
This article uses material from the Wikipedia Walon article Etrernete, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.