சுடுமட்சிலைப் படை

இது சக்கரவர்த்தியை மறு வாழ்விலும் பாதுகாப்பதை நோக்கமாகக் கொண்டு, சக்கரவர்த்தியுடன் கி.மு. 210 இல் அடக்கம் செய்யப்பட்ட ஒரு மரணச்சடங்குக் கலையின் வடிவமாகும்.

யுனெசுக்கோ உலகப் பாரம்பரியக் களம்

முதலாம் குயின் சக்கரவர்த்தியின் சமாதி
உலக பாரம்பரிய பட்டியலில் உள்ள பெயர்
வகை	கலாச்சாரம்
ஒப்பளவு	i, iii, iv, vi
உசாத்துணை	441
UNESCO region	ஆசியா பசுபிக்
பொறிப்பு வரலாறு
பொறிப்பு	1987 (11th தொடர்)
class=notpageimage| Location of சுடுமட்சிலைப் படை in China.

கிட்டத்தட்ட கி.மு. மூன்றாம் நூற்றாண்டின் பிற்பகுதியைச் சேர்ந்த இவ்வுருவங்கள் சாங்சி மாகாணத்திலுள்ள சிய்யான் என்னுமிடத்தின் லின்டோங் மாவட்டத்தில் உள்ளூர் விவசாயி ஒருவரால் 1974 இல் கண்டுபிடிக்கப்பட்டது. இவ்வுருவங்கள் அவற்றின் பாத்திரத்திற்கு ஏற்ப உயரத்தில் வேறுபடுகின்றன. தளபதிகளின் உருவங்கள் உயரமாக இருக்கின்றன. இவ்வுருவங்கள் போர் வீரர்கள், தேர், குதிரைகள் ஆகியவற்றைக் கொண்டுள்ளன. 2007 இல் நடத்தப்பட்ட கணக்கீட்டின்படி, மூன்று குழிகளில் 8,000 இற்கு மேற்பட்ட வீரர்கள், 130 தேர்கள், 520 குதிரைகள், 150 குதிரைப்படைக்குரிய குதிரைகள் உள்ளன. இவற்றில் அனேகமானவை சின் ஷி ஹுவாங்கின் சமாதிக்கு அருகில் காணப்படுகின்றன. படை அற்ற சுடுமட்சிலை உருவங்களான அலுவலர்கள், கழைக்கூத்தாடிகள், அரசியல் ஆட்சியாளர்கள், இசைக் கலைஞர்கள் ஆகியன ஏனைய குழிகளில் கண்டுபிடிக்கப்பட்டன.

சுடுமட்சிலைப் படை 29 மார்ச்சு 1974 அன்று சிய்யான் கிழக்குப் பக்கத்தில் கிட்டத்தட்ட குயின் பேரரசரின் சமாதியிலிருந்து 1.6 கிலோமீட்டர்கள் (0.99 mi) தூரத்தில் விவசாயி ஒருவர் ஒரு கிணறைத் தோண்டியபோது கண்டுபிடிக்கப்பட்டது. நூற்றாண்டுகளாக, நிகழ்ந்த அறிக்கைகள் சுடுமட்சிலை உருவத் துண்டுகள், குயின் இடுகாட்டுக் கூரை ஓடுகள், செங்கற்கள், கட்டுமானப் பொருட்களின் துண்டுகள் பற்றிக் குறிப்பிட்டிருந்தன. இந்தக் கண்டுபிடிப்பு சீனத் தொல்பொருளாளர்களை, சீனாவில் எப்போதும் கண்டுபிடிக்கப்படாத பாரம்பரிய மட்பாண்ட உருவச்சிலைக் கூட்டங்களைப் பற்றி விசாரிக்கவும் வெளிப்படுத்தவும் தூண்டியது.

 

சமாதியின் கட்டுமானம் பற்றி வரலாற்றாளர் சிமா சியான் (கி. மு. 145 – 90 BCE) அவருடைய முக்கிய படைப்பான மதிப்புக்குரிய வரலாற்றாளரின் ஆவணப் பதிவுகள் என்பதில், சமாதி வேலைகள் முடிவுற்று ஒரு நூற்றாண்டின் பின் குறிப்பிட்டுள்ளார். சமாதி வேலைகள் கி.மு. 246 இல் பேரரசர் குயின் (அப்போது வயது 13) அரியாசனம் ஏறியதும், சுமார் 700,000 பணியாட்களைக் கொண்டு ஆரம்பமாகியது. புவியியலாளர் வி டயுவான் சாதகமாக நில அமைப்பு மலை விருப்பத்திற்குரிய இடமாயிருந்தது பற்றி, முதலாவது பேரரசரின் மரணத்தின் பின் ஆறு நூற்றாண்டுகள் கழித்து தன்னுடைய இலக்கியப்படைப்பில் பின்வருமாறு தெரிவித்திருந்தார். "அதன் ஜேட் இரத்தினக்கல் சுரங்கங்களுக்காக அது பிரபலமானது, அதன் வடக்குப் பக்கம் தங்கம் நிறைந்து இருந்தது, அதன் தெற்குப் பக்கத்தில் அழகான ஜேட் இரத்தினக்கல் இருந்தது; அதன் நற்புகழின் ஆசையினால் பேராசை கொண்டு முதலாவது பேரரசர் அங்கே அடக்கம் செய்யப்பட விரும்பினார்". சிமா சியான் முதலாவது பேரரசர் அரண்மனைகள், கோபுரங்கள், அலுவலர்கள், பெருமதிப்பு மிக்க பொருட்கள், சிறப்பான பொருட்கள் என்பவற்றுடன் அடக்கம் செய்யப்பட்டார் என எழுதியுள்ளார். அவர் கூற்றுப்படி, பாதரசத்தைப் பயன்படுத்தி ஓடும் 100 ஆறுகள் உருவகப்படுத்தப்பட்டும், அவற்றின் மேலே நிலத் தோற்ற விண்ணக உடல்களுடன் கூரை அலங்கரிக்கப்பட்டும் இருந்தது. சில மொழிபெயர்ப்புகள் "மாதிரி", "நடிப்பு" எனக் குறிப்பிட்டாலும் மூல எழுத்தில் அவ்வாறு இல்லாததோடு, சுடுமட்சிலைப் படை பற்றிய குறிப்பும் இல்லை.

 

சமாதி மேட்டுப் பகுதி மண்ணில் காணப்பட்ட அதிக அளவான பாதரசம் சிமா சியானின் கூற்றுக்கு வலு சேர்க்கிறது.

பின்னர் உருவாகிய வரலாற்றுக் குறிப்புகள் முதலாவது பேரரசரின் மரணத்திற்குப் பின் அரியாசனத்திற்காகச் சச்சரவு செய்து வந்த "சிய்யாங் யு" எனும் பேரரசரால் சமாதி கொள்ளையடிக்கப்பட்டதாகத் தெரிவிக்கின்றன. ஆயினும், சமாதி சூறையாடப்பட்டிருக்காது என்பதற்கான அறிகுறிகள் உள்ளன.

• சீனாவிலுள்ள உலகப் பாரம்பரியக் களங்கள்

 

விக்கிமீடியா பொதுவகத்தில்,
Terracotta Army
என்பதில் ஊடகங்கள் உள்ளன.

• UNESCO description of the Mausoleum of the First Qin Emperor
• Official Website of the Museum of the Terracotta Warriors and Horses of Qin Shihuang பரணிடப்பட்டது 2011-07-07 at the வந்தவழி இயந்திரம்
• People's Daily article on the Terracotta Army
• Microsoft Photosynth Experience of the Terra Cotta Warriors
• OSGFilms Video Article : Terracotta Warriors at Discovery Times Square
• The Necropolis of the First Emperor of Qin Excerpt from lecture
• China's Terracotta Warriors Documentary produced by the பொது ஒளிபரப்புச் சேவை Series Secrets of the Dead