திரைப்படம் போக்கிரி

இத் திரைப்படத்தினைப் பிரபுதேவா இயக்கியுள்ளார். முக்கிய கதாபாத்திரமாக விஜய், அசின் , பிரகாஷ் ராஜ், நெப்போலியன், நாசர், வடிவேலு ஆகியோர் நடித்துள்ளனர். இத்திரைப்படம் சனவரி 14 ஆம் தேதி பொங்கல் தினத்தன்று வெளியிடப்பட்டது. இப்படம் 2005-ல் வெளியான திருப்பாச்சி பட வசூலை முறியடித்து சாதனை படைத்தது. மேலும் இந்தபடம் இவரின் திரையுலக வரலாற்றில் ஒரு மைல் கல்லாக அமைந்துள்ளது குறிப்பிடத்தக்கது. கதாநாயகன் தனது திறமையை வெளிப்படுத்தியது போல வடிவேலு தனது நகைச்சுவை நடிப்பு திறமையை வெளிப்படுத்தியது மேலும் இப்படத்திற்கு சிறப்பாக அமைந்தது.

போக்கிரி
இயக்கம்	பிரபுதேவா
தயாரிப்பு	எஸ்.சத்யமூர்த்தி
கதை	பூரி ஜெகந்நாத்
இசை	மணி சர்மா
நடிப்பு	விஜய் அசின் பிரகாஷ் ராஜ் நெப்போலியன் நாசர் வடிவேலு முமைத் கான்
ஒளிப்பதிவு	நீரவ் ஷா
சண்டைப் பயிற்சி	பெப்சி விஜயன்
விநியோகம்	கனகரத்னா மூவிஸ்
வெளியீடு	2007
ஓட்டம்	170 mins
நாடு	இந்தியா
மொழி	தமிழ்
மொத்த வருவாய்	₹55 கோடி

விஜய்யின் பற்றிக் கேள்விப்பட்டு ஊரின் பிரபல தாதாவான வின்சென்ட் அசோகன் விஜயைத் தங்கள் கூட்டத்தில் சேர்த்துக்கொள்கிறார். இவர்களது எதிர் கும்பலான ஆனந்தராஜ் ஆட்கள் விஜய்யுடன் மோத - அடுக்கடுக்காய் அவர்களை கொலை செய்கின்றார். ஒரு கட்டத்தில் வின்சென்ட் கொல்லப்பட - அவரது தலைவரான பிரகாஷ்ராஜ் இந்தியா வருகிறார். வந்தவர் ஆனந்த்ராஜை கொன்றது மட்டுமல்லாது மத்திய மந்திரியையும் கொல்லத் திட்டம் தீட்டுகிறார். இதனை அறியும் போலீஸ் கமிஷனர் நெப்போலியன் பிரகாஷ்ராஜை தந்திரமாகக் கைது செய்கிறார். தங்கள் தலைவனை விடுவிக்க நெப்போலியன் மகளைக் கடத்துகிறது பிரகாஷ்ராஜின் கும்பல். தன் மகளுக்காக பிரகாஷ்ராஜை விடுதலை செய்கின்றார் நெப்போலியன் இதன போது தங்கள் ஆட்களுக்குள் பொலிஸ் உளவாளி இருப்பதாக பிரகாஷ் ராஜ் அறிந்து கொள்ள கதை முடிவை நோக்கி செல்கின்றது

இப் படத்திற்கு மணிசர்மா இசை அமைத்துள்ளார்.

• இத்திரைப்படம் நடன இயக்குனர்,நடிகர் பிரபுதேவா இயக்கிய முதல் தமிழ் திரைப்படமாகும்.
• விஜய் காவல்துறையாளராக நடிக்கும் முதலாவது திரைப்படமாகும்.
• இத்திரைப்படம் மகேஷ்பாபு,இலியானா நடித்த தெலுங்கு படத்தின் மீளுருவாக்கமாகும் (remake).

• உத்தியோகபூர்வ வலைத்தளம் பரணிடப்பட்டது 2007-03-21 at the வந்தவழி இயந்திரம்