தமன்னா பாட்டியா: இந்திய நடிகை (பிறப்பு 1989)

எழுபத்தைந்து படங்களுக்கு மேல் நடித்துள்ள இவர், கலைமாமணி, சைமா உள்ளிட்ட பல விருதுகளை வென்றுள்ளார், மேலும் தென்னிந்திய பிலிம்பேர் விருதுக்கு எட்டு பரிந்துரைகளையும், சனி விருதுக்கு ஒரு பரிந்துரையையும் பெற்றுள்ளார்.

தமன்னா பாட்டியா
தமன்னா 2023 இல்
பிறப்பு	21 திசம்பர் 1989 (1989-12-21) (அகவை 34) பம்பாய், மகாராட்டிரா, இந்தியா
பணி	நடிகை
செயற்பாட்டுக் காலம்	2005–இற்றை

ஆரம்பகால வாழ்க்கை

தமன்னா பாட்டியா 21 திசம்பர் 1989 அன்று மகாராட்டிர மாநிலம் பம்பாயில் பிறந்தார். இவரது பெற்றோர் சந்தோஷ் மற்றும் ரஜினி பாட்டியா. இவருக்கு ஆனந்த் பாட்டியா என்ற மூத்த சகோதரர் உள்ளார். இவர் சிந்தி இந்து வம்சாவளியைச் சேர்ந்தவர் மற்றும் மும்பை மேனகாஜி கூப்பர் எஜுகேஷன் டிரஸ்ட் பள்ளியில் பள்ளிப்படிப்பை முடித்தார். இவர் தனது பதின்மூன்றாவது வயதில் நடிப்பைப் படிக்கத் தொடங்கினார் மற்றும் ஒரு வருடம் பிருத்வி தியேட்டரில் சேர்ந்தார், அங்கு இவர் மேடை நிகழ்ச்சிகளில் பங்கேற்றார்.

தமன்னா இந்தித் திரைப்படமான சந்த் சா ரோஷன் செஹ்ரா (2005) மூலம் தனது நடிப்பைத் தொடங்கினார். இவர் தெலுங்கு சினிமாவில் ஸ்ரீ (2005) மற்றும் தமிழ் சினிமாவில் கேடி (2006) மூலம் அறிமுகமானார். 2007 இல் அவர் ஹேப்பி டேஸ் மற்றும் கல்லூரி படங்களில் நடித்ததன் மூலம் அவரது தொழில் வாழ்க்கை ஒரு பெரிய படியை எடுத்தது. இரண்டு படங்களிலும் அவரது கல்லூரி மாணவியாக நடித்தது விமர்சன ரீதியாக பாராட்டப்பட்டது. இரண்டு படங்களுமே பொருளாதார ரீதியாக நல்ல வசூலை ஈட்டித்தந்தது. இந்த வெற்றி அவருக்கு தமிழ் மற்றும் தெலுங்கு சினிமாவில் முன்னணி நடிகையாகத் திகழ்வதற்கு காரணமாக அமைந்தது.

கொஞ்சம் இஷ்டம் கொஞ்சம் கஷ்டம் (2009), 100% லவ் (2011), ஊசரவல்லி (2011), ராச்சா (2012) , தட்கா (2013), பாகுபலி: தி பிகினிங் (2015), பெங்கால் டைகர் (2015), ஊபிரி (2016), எஃப்2: ஃபன் அண்ட் ஃப்ரஸ்ட்ரேஷன் (2019), சைரா நரசிம்ம ரெட்டி (2019) மற்றும் எஃப்3: ஃபன் அண்ட் ஃப்ரஸ்ட்ரேஷன் (2022) ஆகியவை தமன்னாவின் குறிப்பிடத்தக்க தெலுங்குப் படங்கள். இவரது குறிப்பிடத்தக்க தமிழ் படங்கள் அயன் (2009), பையா (2010), சிறுத்தை (2011), வீரம் (2014), தர்மதுரை (2016), தேவி (2016), ஸ்கெட்ச் (2018) மற்றும் ஜெயிலர் (2023). கூடுதலாக, 11- டான் இவர்ஸ் (2021), நவம்பர் ஸ்டோரி (2021), ஜீ கர்தா (2023) மற்றும் ஆக்ரி சாச் (2023) போன்ற ஒலிக்காட்சித் தாரைத் திட்டங்களில் முன்னணி நடிகையாகப் பணியாற்றியுள்ளார்.

நடித்த திரைப்படங்கள்

தொலைக்காட்சி

இசை காணொளிகள்

தனது நடிப்பு வாழ்க்கையைத் தவிர தமன்னா பல்வேறு முயற்சிகளில் ஈடுபட்டுள்ளார். "ஃபான்டா" மற்றும் "சந்திரிகா ஆயுர்வேத சோப்" போன்ற பிரபலமான பிராண்டுகளின் தொலைக்காட்சி விளம்பரங்களில் தோன்றியதன் மூலம் ஒரு மாடலாக வெற்றி கண்டார். மார்ச் 2015 இல், அவர் "ஜீ தெலுங்கு" க்கான பிராண்ட் தூதரானார். அவர் தனது சொந்த நகை பிராண்டான "வைட் & கோல்டு" ஐ அதே மாதத்தில் தொடங்கினார். சமூக காரணங்களை ஆதரிப்பதற்காக ஜனவரி 2016 இல் அவர் "பெண் குழந்தையைக் காப்போம், பெண் குழந்தைகளுக்கு கற்பிப்போம்" பிரச்சாரத்தில் சேர்ந்தார். "பாக் டூ தி ரோட்" என்ற அவரது முதல் புத்தகம் ஆகஸ்ட் 2021 இல் "பெங்குயின் ரேண்டம் ஹவுஸ் இந்தியா" ஆல் வெளியிடப்பட்டது. செப்டம்பர் 2022 இல் "ஷுகர் காஸ்மெட்டிக்ஸ்" பங்குதாரர் ஆனார். அவர் ஜனவரி 2023 இல் "IIFL ஃபைனான்ஸ்" மற்றும் ஜூலை 2023 இல் "VLCC" இன் பிராண்ட் தூதராக ஆனார். அக்டோபர் 2023 இல், ஜப்பானின் மிகப்பெரிய முன்னணி அழகு சாதன நிறுவனமான "ஷிசிடோ" வின் முதல் இந்திய தூதுவராக அவர் நியமனம் செய்யப்பட்டுள்ளார். ஜனவரி 2024 இல், அவர் "செல்கோர் கேஜெட்ஸ் லிமிடெட்" மற்றும் மார்ச் மாதத்தில் "ரஸ்னா" என்ற குளிர்பான நிறுவனத்தின் பிராண்ட் தூதரானார்.