Majimbo Ya Afrika Kusini

Nchi imegawanywa katika majimbo tisa. Katika mkesha wa uchaguzi mkuu wa 1994 nchi ilikuwa na majimbo manne halafu kulikuwa na maeneo ya bantustan. Kabla ya uchaguzi huo wa kwanza ulioendeshwa bila ubaguzi wa rangi maeneo ya bantustan yaliunganishwa tena kisheria na Afrika Kusini na nchi yote iligawiwa kwa majimbo tisa.

 

Muungano wa Afrika Kusini ulianzishwa mwaka 1910 kwa kukuunganisha makoloni manne ya Uingereza: Koloni la Rasi, Koloni ya Natal, Koloni ya Transvaal na Koloni ya Mto Orange (hizi mbili za mwisho zilikuwa hadi uvamizi wa Uingereza jamhuri huru za Makaburu zilizojulikana). Makoloni haya yakawa majimbo manne asilia ya Muungano: Mkoa wa Cape, Mkoa wa Transvaal, Mkoa wa Natal na Dola Huru la Oranje .

 

Wakazi wasio Wazungu walibanwa katika maeneo maalum kuanzia mwaka 1913. Umiliki wa ardhi kwa watu weusi ulizuiliwa kwa maeneo fulani ya jumla ya 13% ya nchi yote. Kuanzia mwishoni mwa miaka ya 1950, maeneo haya yalibadilishwa hatua kwa hatua kuwa "homelands" au "bantustan". Nne kati ya nchi hizi zilitangazwa kama nchi za pekee za watu weusi wakati wa enzi ya apartheid . Mnamo 1976, nchi ya Transkei ilikuwa ya kwanza kukubali uhuru kutoka kwa Afrika Kusini, na ingawa uhuru huu haukuwahi kutambuliwa na nchi nyingine yoyote, nchi zingine tatu. – Bophuthatswana (1977), Venda (1979) na Ciskei (1981) – zilifuata kukubali uhuru bandia.

Tarehe 27 Aprili 1994, tarehe ya uchaguzi wa kwanza usio wa ubaguzi wa rangi ambako pia Katiba ya Muda ilipitishwa, majimbo haya yote na nchi za bantustan zilivunjwa, na majimbo tisa mapya yalianzishwa.