Vitamin C atawa L-askorbat téh hiji zat gizi ésénsial pikeun primata luhur jeung sababaraha spésiés lianna.
Askorbat perlu pikeun sababaraha rupa réaksi métabolismeu dina sakabéh awak sato jeung tutuwuhan sarta dihasilkeun ku awak ampir sakabéh organismeu, iwal manusa jeung sababaraha primata. Ieu vitamin kawentar ku balukar tina kakuranganana: barusuh (skorbut).
Farmakofor vitamin C téh ion askorbatna. Pikeun mahluk hirup, askorbat téh antioksidan anu naméngan awak tina setrés oksidatif sarta salaku kofaktor dina sababaraha réaksi énzimatik penting.
Vitamin C téh L-énantiomér askorbat; énantiomér sabalikna, D-énantiomér, teu boga mangpaat fisiologis anu penting. Duanana mangrupa kiral pikeun wangun molekul anu sarua. Nalika ngaréduksi, L-askorbat nu réduktor kuat téh bakal robah jadi bentuk kaoksidasi, L-dehidroaskorbat. L-dehidroaskorbat lajeng bisa diréduksi balik jadi L-askorbat aktif ku énzim jeung glutation.
L-askorbat téh asam gula lemah anu wangunna patali jeung glukosa nu sacara alami diciptakeun ngahiji jeung ion hidrogén ngabentuk assam askorbat, atawa ngahiji jeung ion logam ngabentuk askorbat mineral.
Pikeun manusa, vitamin C jétu pisan salaku antioksidan, ngurangan setrés oksidatif, salaku substrat peroksidaseu askorbat, ogé salaku kofaktor énzim dina biosintésis bahan-bahan biokimia penting. Vitamin C boga peran salaku donor éléktron pikeun dalapan énzim:
Jaringan biologis anu ngagundukkeun vitamin C leuwih ti 100 kali kadarna dina plasma getih nyaéta kelenjar adrénal, pituitari, timus, corpus luteum, jeung rétina. Nu ngagundukkeun antara 10 n.k. 50 kalina nyaéta otak, limpa, bayah, téstis, kelenjar limfe, ati, tiroid, mukosa usus leutik, leukosit, pangkréas, ginjal, jeung kelenjar ciduh.
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
This article uses material from the Wikipedia Basa Sunda article Vitamin C, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.