Аскарбінавая Кіслата
Аскарбінавая кіслата, вітамін C (Acidum ascorbinicum) C6H8O6 — арганічнае злучэнне, роднаснае глюкозе.
Выконвае важную ролю ў жыццядзейнасці арганізма чалавека і жывёл. Адыгрывае важную ролю ў акісляльна-аднаўленчых працэсах, садзейнічае працэсу ўтварэння дэзоксірыбануклеінавай кіслаты.
Бясколернае крышталічнае рэчыва, кіслае на смак. Малекулярная маса 176,13. Добра раствараецца ў вадзе, раствараецца ў этаноле. Амаль не раствараецца ў эфіры, бензоле, хлараформе, тлушчах. Растворы аскарбінавай кіслаты хутка акісляюцца на паветры.
Арганізм чалавека, прыматаў, марскіх свінак, некаторых птушак і рыб не здольны сінтэзаваць аскарбінавую кіслату. Неабходная колькасць яе здабываецца з ежы. Недахоп аскарбінавай кіслаты ў арганізме вядзе да захворвання цынгой.
Крыніцы аскарбінавай кіслаты
Аскарбінавая кіслата ўтрымліваецца ў ягадах, агародніне, садавіне, ігліцы хвоі і елкі. У медыцынскіх мэтах аскарбінавую кіслату атрымліваюць сінтэтычна з глюкозы.
Літаратура
- Хімічны слоўнік навучэнца: дапаможнік для вучняў / Б. М. Качаргін, В. М. Макарэўскі, Л. Я. Гарнастаева, В. С. Аранская. — Мінск: Народная асвета, 2003. — С. 40—41. — 287 с. — 1 000 экз. — ISBN 985-12-0631-8.
Спасылкі
- Аскорбиновая кислота* (Ascorbic acid*)(недаступная спасылка) // Регистр лекарственных средств России (руск.)
- Аскорбиновая кислота* // Реестр лекарственных средств (руск.)
На Вікісховішчы ёсць медыяфайлы па тэме Аскарбінавая кіслата
Для гэтага артыкула не запоўнены шаблон-картка {{Рэчыва}}. |
This article uses material from the Wikipedia Беларуская article Аскарбінавая кіслата, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.