Viva Braslav: беларускі музычны фестываль

З’яўляецца адным з найбуйнейшых музычных фестываляў у Беларусі.

Viva Braslav Open Air
Асноўная інфармацыя
Жанр	Поп, хіп-поп, рок, EDM
Гады правядзення	2013 — наш час
Краіна	Беларусь
Горад	Браслаў
Заснавальнікі	Алег і Яўген Лабуць
Мова песень	беларуская руская
vivabraslav.by

Viva Braslav Open Air заснаваны ў 2013 годзе Алегам і Яўгенам Лабуцямі. Першыя 2 фестывалі, якія праходзілі ў 2013 і 2014 годзе, праходзілі на гарадскім стадыёне. Арганізатары планавалі правесці фестываль на пляжы, але для гэтага, на час правядзення фестывалю, трэба было перакрываць дарогу рэспубліканскага значэння. З гэтай ініцыятывай браты звярталіся ў выканкам, дзе хлопцам выразна тлумачылі:

«Хлопцы, там дарога рэспубліканскага значэння. Вы ж разумееце, што перакрыць яе не так і проста».

У 2015 годзе фестывалю споўнілася 3 гады і ён пераехаў на цэнтральны пляж горада Браслава, бераг возера Дрывяты. У 2015 годзе фестываль наведала каля 9000 чалавек. Для параўнання, насельніцтва горада складае 9,500 чалавек.

З 2016 года на фестывалі з’явілася другая сцэна — Aqua stage. На ёй выступалі беларускія дыджэі, якія падаюць надзеі. Наведвальнікі фестывалю маглі прагуляцца па горадзе і наведаць кірмаш і майстар-класы, сабраць каманду і пазмагацца ў пляжны валейбол або футбол, наведаць «Чэшскі Месяц-парк», а таксама Фестываль фарбаў Color Fest.

За апошнія фестывалі выстаялася сістэма катэгорый квіткоў. У продажы звычайна 5 катэгорый білетаў:

• Білет «Стандарт» (2 дні);
• Білет «VIP» (2 дні);
• Білет «Кемпінг» (4 дні);
• Білет «Кемпінг камфорт» (4 дні);
• Білет «Аўтобусны тур» (3 дні).

Квіткі без камісіі лепш за ўсё купляць на афіцыйным сайце фестывалю.