Витамин

Витамины суть потребны в мизерных кельостях в поровнаню з основныма выживныма субстанциями (бѣлковинами, туками, сахаридами) и солями.

Многы витамины суть предходниками коензимох, в зложѣню котрых беруть участь в розличных ферментативных реакциях. Чоловѣк и животины не синтезують витамины, або синтезують недоста и зато мусять их достати звонка. Первожерелами витаминох суть обычайно ростлины. Дакотры витамины творять ся микрофлоров черев. Довгодоба выжива потравинами, збавлеными витаминох, выволать хвороту (гиповитаминоза або авитаминоза).

Многы витамины ся хоснують яко лѣкы, а выробляють ся хемичнов або микробиологичнов синтезов. Основны витамины суть:

• витамин A (ретинол),
• витамин B₁ (тиамин),
• витамин B₂ (рибофлавин),
• витамин B₅ (пантотеновый квас),
• витамин B₆ (пиридоксин),
• витамин B₁₂ (цианкобаламин),
• витамин B₉ (фолиовый квас),
• витамин C (аскорбиновый квас),
• витамин D (калциферолы),
• витамин E (токоферолы),
• витамин H (биотин),
• витамин PP (никотинамид),
• витамин K₁ (филохинон).

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
• Тимченко А. Д. Краткий медико-биологический словарь. Киев. Вища школа. 1988. ISBN 5-11-000102-2.