Комунизм (од лат.
Приязнивцѣ комунизма суть комунисты, звычайно групованы до политичной организации — партии, часто званой комунистична партия.
Комунизм ся усилуе створити сполоченство, в котром не е ани держав, ани пѣнязи. Тото е в протикладѣ з капитализмом, де суть державы и пѣнязи, а сполоченство роздѣлять ся на класы. При комунизмѣ вшиткы богатства дѣлять ся меджи людми поровно а в идеалѣ подля индивидуалных потреб каждого. Основны принципы комунизма выкладены в роботах нѣмецкого револуционаря Карла Маркса, котрый (въедно з Фридрихом Енгелсом) написав Комунистичный манифест» (1848). Авшак через довгы рокы иншы люде вылѣпшовали — або казили, зависимо од становиска, — марксистичну идею. Ачей найважнѣйшы змѣны придав совѣтскый лидер Владимир Ленин, котрый найвецей подтримовав авторитаризм. Подля Маркса, капитализм екзистуе до ограниченого часу. За ним приходить социализм, што е переходнов фазов ку комунизму. В той фазѣ пролетариат контролуе владу и економику, але людям платять зависимо од величины, зложености, усиловности и якости их роботы. В другой фазѣ, в реализованом комунизмѣ в сполоченстѣ не е ни роздѣлѣня на класы, ни влады, ни приватной властности, ни пѣнязи; выроба и конзумация економичных добр основана на принципѣ «од каждого подля его способности, каждому подля его потребы».
В XX. сторочу быв час, коли една третина вшиткой людской популации жила под комунистичнов владов. Днесь комунизм е формов влады лем в пятьох державах: Китай, Сѣверна Корея, Лаос, Куба и Вьетнам. Але ани една з них не одповѣдать правдивому означѣню комунизма. В реалности мож говорити лем о переходной фазѣ од капитализма ку комунизму, яку окреслив Карл Маркс, и яка ся вяже зоз диктатуров пролетариата. Тоты пять держав мають авторитарну владу, але не барз мож говорити, же они намѣрены стерти капитализм.
Ball, Terence; Dagger, Richard. (13 Nov. 2019). Communism. Encyclopædia Britannica. https://www.britannica.com/topic/communism. [перевірено 2022-03-25].англ.
This article uses material from the Wikipedia Русиньскый article Комунизм, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.