ଉଇଲିଅମ ଜେଫରସନ କ୍ଲିଣ୍ଟନ (ଇଂରାଜୀ ଭାଷାରେ William Jefferson Clinton (ଜନ୍ମ ଉଇଲିଅମ ଜେଫରସନ ବ୍ଲାଇଦ ୩/ William Jefferson Blythe III; ଅଗଷ୍ଟ ୧୯, ୧୯୪୬) ଜଣେ ଆମେରିକୀୟ ରାଜନୀତିଜ୍ଞ ଥିଲେ ଓ ସନ ୧୯୯୩-୨୦୦୧ ପର୍ଯ୍ୟନ୍ତ ଯୁକ୍ତରାଷ୍ଟ୍ର ଆମେରିକାର ୪୨ତମ ପ୍ରେସିଡେଣ୍ଟ (president of the United States) ବା ସଭାପତି :ଥିଲେ । ସଭାପତି ହେବା ପୂର୍ବରୁ ସେ ଆର୍କାନସେସର ଗଭର୍ଣ୍ଣର (governor of Arkansas (୧୯୭୯–୧୯୮୧ ଓ ୧୯୮୩–୧୯୯୨)) ଓ ଆର୍କନସାସ ଆଟର୍ଣ୍ଣି ଜେନେରାଲ (attorney general of Arkansas (୧୯୭୭–୧୯୭୯)) ଥିଲେ । ଯୁକ୍ତରାଷ୍ଟ୍ର ଆମେରିକାର ସେ ଡେମୋକ୍ରାଟିକ ପାର୍ଟିର ସଭ୍ୟ ଥିଲେ ଓ ନୂଆ ଡେମୋକ୍ରାଟ ଭାବରେ ପରିଚିତ ଥିଲେ ଓ ତାଙ୍କର ଅନେକ ନୀତି କେନ୍ଦ୍ରୀୟ ବା ତୃତୀୟ ପଥ (centrist Third Way) ରାଜନୀତି ଦର୍ଶନ ପ୍ରଦର୍ଶନ କରୁଥିଲା । ପୂର୍ବତନ ସେକ୍ରେଟାରୀ ଅଫ ସ୍ଟେଟସ୍ ଓ ପୁର୍ବତନ ସିନେଟର ହିଲାରୀ କ୍ଲିଣ୍ଟନଙ୍କର ସେ ସ୍ୱାମୀ ଥିଲେ । ସନ ୧୯୯୮ରେ ହାଉସ ଅଫ ରିପ୍ରେଜେଣ୍ଟେଟିଭ ତାଙ୍କ ବିରୁଦ୍ଧରେ ମହାଅଭିଯୋଗ (Clinton was impeached) ପ୍ରସ୍ତାବ ଆଣିଥିଲେ । ହ୍ୱାଇଟ ହାଉସରେ ଥିବା ଜଣେ ୨୨ ବର୍ଷୀୟ ମହିଳା ମୋନିକା ଲେୱିନସ୍କି ସହ ପ୍ରେମ ସମ୍ପର୍କ କଥା ସେ ଲୁଚେଇ ଥିବାର ଅପରାଧ କରିଥିବା ଅଭିଯୋଗ ଆସଥିଲା । ୟୁନାଇଟେଡ ସ୍ଟେଟସ ସିନେଟ ତାଙ୍କୁ ଏହି ଅଭିଯୋଗରୁ ମୁକ୍ତ କରିଥିଲେ ଓ ତାଙ୍କର କାର୍ଯ୍ୟକାଳ ସଭାପତି ଆସନରେ ସମ୍ପୁର୍ଣ୍ଣ କରିଥିଲେ । ଆମେରିକାର ୧୩୦ ବର୍ଷର ଇତିହାସରେ ତାଙ୍କ ପୂର୍ବରୁ କେବଳ ଆଉ ଜଣେ ସଭାପତି ଆଣ୍ଡ୍ରୁ ଜନସନ ଏହିଭଳି ଅଭିଯୋଗର ସମ୍ମୁଖୀନ ହୋଇଥିଲେ ।
କ୍ଲିଣ୍ଟନ ଆର୍କାନସାସରେ ଜନ୍ମ ଗ୍ରହଣ କରି ଜର୍ଜଟାଉନ ବିଶ୍ୱବିଦ୍ୟାଳୟ, (Georgetown University), ୟୁନିଭରସିଟି କଲେଜ ଅକ୍ସଫୋର୍ଡ଼ University College, ଓ ୟାଲେ ଲ ସ୍କୁଲରେ (Yale Law School) ଶିକ୍ଷା ଲାଭ କରିଥିଲେ । ୟାଲେଠାରେ ସେ ହିଲାରୀ ରୋଧାମଙ୍କୁ ଭେଟିଥିଲେ ଓ ସନ ୧୯୭୫ରେ ତାଙ୍କ ସହିତ ବିବାହ କରିଥିଲେ । ଲ ସ୍କୁଲର ଶିକ୍ଷା ସମାପ୍ତ କରିବା ପରେ ସେ ଆର୍କାନସାସକୁ ଫେରି ଆସି ଆଟର୍ନି ଜେନେରାଲ ଅଫ ଅର୍କାନସାସ ଇଲେକସନରେ ଜୟ ଲାଭ କରି ସେହି ପଦବୀରେଏ ୧୯୭୭ରୁ ୧୯୭୯ ପର୍ଯ୍ୟନ୍ତ କାର୍ଯ୍ୟ କରିଥିଲେ । ପରେ ସେ ଆର୍କାନସାସର ଗଭର୍ଣ୍ଣର ହୋଇଥିଲେ । ସଭାପତି ଥିବା ସମୟରେ ସେ ଶିକ୍ଷା ପ୍ରଣାଳୀକୁ ପୁରା ବଦଳେଇ ଦେଇଥିଲେ ଓ ନ୍ୟାସନାଲ ଗଭର୍ଣ୍ଣର ଆସୋସିଏସନରୁ ଚେୟାରମ୍ୟାନ ଭାବରେ କାର୍ଯ୍ୟ କରିଥିଲେ । ତଦାନନ୍ତିନ ଜର୍ଜ ବୁଶଙ୍କୁ ପରାସ୍ତ କରି ସେ ସନ ୧୯୯୨ରେ ଯୁକ୍ତରାଷ୍ଟ୍ର ଆମେରିକାର ପ୍ରେସିଡେଣ୍ଟ ଭାବରେ ନିର୍ବାଚିତ ହୋଇଥିଲେ । ସେତେବେଳର ଇତିହାସରେ ସେ ମାତ୍ର ୪୬ ବର୍ଷ ବୟସରେ ତୃତୀୟ ଯୁବ ପ୍ରେସିଡେଣ୍ଟ ନିର୍ବାଚିତ ହୋଇଥିଲେ ।
ଆମେରିକା ଇତିହାସରେ ସର୍ବାଧିକ କାଳ ସେ ଶାନ୍ତି କାଳ ଅର୍ଥନୈତିକ ବିସ୍ତାର ସମୟରେ ପ୍ରେସିଡେଣ୍ଟ ଥିଲେ । ସନ ୧୯୯୪ର ଇଲେକସନରେ ୪୦ ବର୍ଷ ମଧ୍ୟରେ ପ୍ରଥମ ଥର ନିମନ୍ତେ ୟୁନାଇଟେଡ ସ୍ଟେଟସ କଂଗ୍ରେସ ଉପରେ ରିପବ୍ଲିକାନ ପାର୍ଟି ୟୁନିଫାଏଡ କଣ୍ଟ୍ରୋଲ (won unified control) ଲାଭ କରିଥିଲା ।
ସନ ଅଗଷ୍ଟ ୧୯, ୧୯୪୬ରେ ସେ ହୋପ ଆର୍କାନସାସର (Hope) ଜୁଲିଆ ଚେଷ୍ଟର ଡାକ୍ତରଖାନାରେ ଜନ୍ମ ଗ୍ରହଣ କରିଥିଲେ ଓ ସେତେବେଳେ ତାଙ୍କର ନାମ ଉଇଲିଅମ ଜେଫରସନ ବ୍ଲାଇଦ ୩ ରଖାଯାଇଥିଲା ।
This article uses material from the Wikipedia ଓଡ଼ିଆ article ବିଲ କ୍ଲିଣ୍ଟନ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.