जिनेदिन जिदान

जिनेदिन जिदान पूर्व फ्रान्सेली फुटबल खेलाडी हुन्। जिदानको उत्कृष्ट फुटबल प्रदर्शन र उनकै प्रेरणाबाट फ्रान्सले सन् १९९८ फिफा विश्वकपको फाइनलमा ब्राजिललाई हराउँदै उपाधि जितेको थियो। फाइनलमा उनले दुई गोल हेडिङ मार्फत गरेका थिए। उनकै अनुशासनहीन खेलका कारण २००६ फिफा विश्वकप फाइनलमा फ्रान्स इटालीसँग पराजित हुन पुगेको थियो। इटालीका रक्षापङ्क्ति मार्को म्याटेराजीलाई छातीमा टाउँकोले हानेर उनी रातो कार्ड खाँदै मैदानबाट विदा भएका थिए। त्यो उनको अन्तिम विश्वकप पनि थियो र अन्तिम खेल पनि रहेको थियो। तीन पटकसम्म फिफा वर्ष खेलाडी घोषित भएका उनी रियल म्याड्रिडका व्यवसायिक फुटबल खेलाडी थिए। उनलाई सुनौलो छवि लिएर छिर्ने र ओइलाएको छवि बोकेर अन्तर्राष्ट्रिय फुटबल जगतबाट विदा हुने फुटबल खेलाडी भनेर चिन्ने गरिन्छ। यद्यपि फ्रान्समा भने उनलाई जति सम्मान अरू फुटबलरलाई गरिँदैन। जिनेदिन जिदान विश्वकप इतिहासमा सबैभन्दा बढी कार्ड खाएका खेलाडी हुन्। उनले ४ पहेँलो र २ रातो कार्ड खाएका थिए।