कोफी अन्नान

कोफी अन्नान
संयुक्त राष्ट्र संघको ७ औ महासचिव
कार्यकाल १ जनवरी १९९७ – ३१ डिसेम्बर २००६
सहायक	Louise Fréchette (1997–2006) Mark Malloch Brown (2006)
पूर्वाधिकारी	बुत्रोस बुत्रोस-घाली
उतराधिकारी	वान कि मुन
व्यक्तिगत विवरण
जन्म	कोफी अट्टा अन्नान (१९३८-०४-०८)अप्रिल ८, १९३८ Kumasi, Colony of the Gold Coast, British Empire
मृत्यु	१८ अगस्ट २०१८(2018-08-18) (उमेर ८०)
राष्ट्रियता	घाना
जीवन साथी	नाने मारिया लागर्ग्रेन
मातृ शिक्षाप्रतिष्ठान	Kwame Nkrumah University of Science and Technology Macalester College Graduate Institute of International Studies MIT

अन्नान र संयुक्त राष्ट्र सङ्घ २००१मा विकासशिल राष्ट्रहरूको सहयोगको लागि विश्व एड्स तथा स्वास्थ्य कोषको स्थापना गरे वापत प्राप्त नोवल पुरस्कारमा सह-प्राप्तकर्ता भए।

कोफी अन्नानको जन्म घानाको कुमासीको कोफान्ड्रोस भागमा भएको थियो, जुन पछि गोल्ड कोस्टको ब्रिटिश बस्ती भयो। उनको जुम्ल्याहा जन्म भएको थियो जुन घानी संस्कृतिमा सम्माननिय हुन्छ। उनकी जुम्ल्याहा दिदी एफुआ अट्टा अन्नानको १९९१मा मृत्यू भयो। उनीहरूको बीचको संयूक्त नाम "अट्टा"को अर्थ फान्टे र आकन भाषामा "जुम्ल्याहा" हुन्छ। उनीहरू दुवैको जन्म राज्यको कुलिन परिवारहरू मध्य एकमा भएको थियो, उनीहरूका हजुरबुवा र काकाहरू आदिवासी समुदाय प्रमूख थिए।

कोफी अन्नानले १९५४ देखि १९५७ सम्म्म केप कोस्टमा १८७० तिर स्थापना भएको मेथोडिस्ट आवासिय विद्यालय एलाईट म्फान्टसिपिम विद्यालयमा अध्ययन गरे। १९५७मा अन्नानले स्नातक तह पास गरेकै वर्ष घाना ब्रिटेनबाट स्वतन्त्र भएको थियो। १९५८मा उनले कुमासी कलेज अफ साइन्स एन्ड टेक्नोलोजी ( हालको क्वामे क्रुमाह कलेज अफ साइन्स एन्ड टेक्नोलोजी, घाना)मा अर्थशास्त्र विषयको अध्ययन शुरू गरे।

उनी महासचिव हुँदा २००३ मा अमेरिकाले सञ्चालन गरेको इराक युद्धको विरोध गरेका थिए ।कोफी अन्नानले राष्ट्र सङ्घीय बडापत्रको विपरीत अमेरिकाले इराकमा आक्रमण गरेको अभिव्यक्ति दिँदै आएका थिए । शान्ति स्थापनाका लागि उनले गरेको कामलाई सम्मान गर्दै सन् २००१ को नोवेल शान्ति पुरस्कार दिइएको थियो।

राष्ट्रसंघको महासचिवबाट अवकास पाएपछि उनलाई सिरियाली गृहयुद्धको क्रममा सिरियामा शान्तिका लागि विशेष दुतका रूपमा पठाएको थियो ।