शिक्षा, विज्ञान तथा प्रविधि मन्त्रालय नेपालमा शिक्षा, विज्ञान तथा प्रविधि सम्बन्धी कार्यहरू गर्ने नेपाल सरकारको सर्वोच्च निकाय हो। यस मन्त्रालयको मुख्य कार्य नेपालभरि गरिने शैक्षिक, विज्ञान तथा प्राविधिक क्रियाकलापहरूको व्यवस्थित ढङ्गले सञ्चालन गर्नु गराउनु हो। देशमा सञ्चालित सम्पूर्ण शिक्षण, विज्ञान तथा प्रविधि संस्थाहरूको संरक्षण गरि सञ्चालनका लागि योजना, व्यवस्थापन र सेवा उपलब्ध गराउने यस मन्त्रालयको मुख्य दायित्व हो। शिक्षा, विज्ञान तथा प्रविधिको राष्ट्रिय उद्देश्य पुरा गर्नको लागि मन्त्रालय, केन्द्रीय तथा अन्तर्गतका निकाय तथा सम्वद्ध स्वायत्त संस्थाहरू कार्यरत छन्। वि.सं.
२०५७ वैशाख ६ गते नेपाल सरकारले तत्कालिन शिक्षा मन्त्रालयभित्र खेलकुद समेत गाभेर यस मन्त्रालयको नाम शिक्षा तथा खेलकुद मन्त्रालय राखेको थियो। वि.सं. २०७४ मा तत्कालिन ओली मन्त्रिपरिषद्ले यस मन्त्रालयको संविभाग विस्तार गरि तत्कालीन शिक्षा मन्त्रालयमा विज्ञान तथा प्रविधि मन्त्रालय गाभेर विज्ञान तथा प्रविधि मन्त्रालयलाई खारेज गरेको थियो। वर्तमान समयमा यो मन्त्रालयको जिम्मेवारी नेपाल सरकारको मन्त्री देवेन्द्र पौडेलले सम्हाली रहेका छन्।
शिक्षा मन्त्रालय | |
निकाय विवरण | |
---|---|
गठन | वि.सं २००७ |
अधिकार क्षेत्र | नेपाल सरकार |
प्रधान कार्यालय | सिंहदरबार, काठमाडौँ |
मन्त्री | |
वेबसाइट | moest |
वि.सं. २००७ सालको परिवर्तन पछि स्थापित पहिलो सरकारसँगै शिक्षा मन्त्रालयको नाउँ अनुसार यस मन्त्रालयको स्थापना भएको थियो।
संविधान सभा निर्वाचन, २०६४ पछिका शिक्षामन्त्रीहरू तल दिइएको छ।
क्रम | नाम | दल | कार्यकाल सुरु | कार्यकाल अन्त्य | विभाग |
---|---|---|---|---|---|
१ | चित्रलेखा यादव | नेपाली काङ्ग्रेस | २०७० फागुन १३ | २०७२ असोज २५ | शिक्षा, विज्ञान तथा प्रविधि मन्त्रालय |
२ | गिरीराजमणि पोखरेल | नेपाल कम्युनिष्ट पार्टी (माओवादी केन्द्र) | २०७२ कार्तिक २ | ||
३ | धनिराम पौडेल | नेपाल कम्युनिष्ट पार्टी (माओवादी केन्द्र) | २०७३ साउन ३० | २०७४ जेठ १७ | |
४ | गोपालमान श्रेष्ठ | नेपाल लोकतान्त्रिक फोरम | २०७४ जेठ २३ | २०७४ फागुन ३ | |
५ | गिरीराजमणि पोखरेल | नेपाल कम्युनिष्ट पार्टी (माओवादी केन्द्र) | २०७४ चैत २ | २०७७ पुस ५ | |
६ | कृष्णगोपाल श्रेष्ठ | नेकपा (एमाले) | २०७७ पुस १० | २०७८ असार २९ | |
७ | देवेन्द्र पौडेल | नेपाल कम्युनिष्ट पार्टी (माओवादी केन्द्र) | २०७८ असोज २२ | २०७९ पुस ११ | |
८ | शिशिर खनाल | राष्ट्रिय स्वतन्त्र पार्टी | २०७९ माघ ३ | २०७९ माघ २२ | |
९ | अशोक राई | जनता समाजवादी पार्टी, नेपाल | २०७९ चैत १७ | २०८० फागुन २१ | |
१० | सुमना श्रेष्ठ | राष्ट्रिय स्वतन्त्र पार्टी | २०८० फागुन २३ |
This article uses material from the Wikipedia नेपाली article शिक्षा, विज्ञान तथा प्रविधि मन्त्रालय (नेपाल), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.