ရောဘတ် ကို့ချ်

ဂျာမန်လူမျိုး သမားတော် ရောဘတ် ကို့ချ် (Robert Koch) ကို ၁၈၄၃ ခုနှစ်၊ ဒီဇင်ဘာလ ၁၁ ရက်တွင် ဂျာမနီနိုင်ငံ၊ ကလော့စ်သယ်လ်မြို့၌ မွေးဖွားခဲ့သည်။ ကို့ချ်၏ ဖခင်မှာ သတ္တုတွင်း အရာရှိတစ်ဦးဖြစ်သည်။ ကို့ချ်သည် ငယ်စဉ်ကပင် ဇီဝဗေဒနှင့် ဆေးပညာရပ်များကို စိတ်ဝင်စားခဲ့ကာ ၁၈၆၂ ခုနှစ်တွင် ဆေးပညာရပ် များကို ဆက်လက်သင်ကြားရန်အတွက် ဂေါ့တင်းဂျင်တက္ကသိုလ်သို့ တက်ရောက်ခဲ့သည်။ ခန္ဓာဗေဒ ပါရဂူတစ်ဦးဖြစ်သူ (Friedrich Gustav Jakob Henle)၏ လက်အောက်တွင် ဆေးဘက်ဆိုင်ရာ ပညာရပ်များကို ဆက်လက်သင်ကြားခဲ့ကာ ၁၈၆၆ ခုနှစ်တွင် ဘွဲ့ရရှိခဲ့သည်။ ကို့ချ်၏ ဆေးပညာရပ်အပေါ် စိတ်ဝင်စားမှုတွင် ဆရာဖြစ်သူ Jakob Henle ၏ အတွေးအခေါ်များ ဖုံးလွမ်းခဲ့ကြောင်း ထင်ရှားခဲ့သည်။ ၎င်းသည် ကူး စက်တတ်သော ရောဂါများသည် အသက်ရှိသော ဇီဝရုပ်ကပ်ပါးကောင်များကြောင့် ဖြစ်ပွားရသည် ဟူသော Jakob Henle ၏ယူဆချက်ဖြစ်သည်။