လမ်းမတော်ဖိုးတုတ်
လမ်းမတော်ဖိုးတုတ်သည် ကိုလိုနီခေတ်ဦးကာလက တရုတ်တန်း ခေါ် လမ်းမတော်ရပ်ရှိ ထင်ရှားသည့် လူမိုက်တဦး ဖြစ်သည်။ ၂၀ ရာစုအစောပိုင်းတွင် ဖြစ်ပွားသော ကုလား-ဗမာအရေးအခင်းများတွင် ပါဝင်ခဲ့ပြီး မျိုးချစ်ပုဂ္ဂိုလ်အဖြစ် လူသိများသည်။ ဘာသာတရား ကိုင်းရှိုင်းသူ၊ စိတ်ရင်းစေတနာ ကောင်းသူလည်း ဖြစ်ပြီး ပုလိပ်အဖွဲ့ (ရဲတပ်ဖွဲ့) ကို များစွာ အကူအညီ ပေးခဲ့သည်။ ရဲမင်းကြီးဟောင်း ဦးခင်မောင်၏ မှတ်တမ်း၌
| လမ်းမတော်ဖိုးတုတ် | |
|---|---|
 | |
| မွေးဖွား | ဘိုးတုတ်(ခ)ဖိုးတုတ် 1898 ပဲခူး,ကမာစဲရွာ ကိုလိုနီခေတ် |
| ကွယ်လွန် | ဒီဇင်ဘာ ၂၆၊ ၁၉၄၄ (အသက် ၄၅–၄၆) မြောင်းမြအကျဉ်းထောင်ဆေးရုံ |
| မိဘ(များ) | စံငြိမ်း ချစ်ပု |
“ကျွန်တော် အုပ်ချုပ်ခဲ့ရသော လမ်းမတော် တိုက်နယ်တွင် ဖြစ်ပျက်ခဲ့သော ရာဇဝတ်မှု အများအပြားတွင် အမှုစစ် အရာရှိများသည် ဦးဖိုးတုတ်၏ အကူအညီဖြင့် အမှုများမှ အလိုရှိသော တရားခံများ၊ သက်သေပစ္စည်းများ၊ သက်သေခံ စသည်တို့ကို ရယူကြရ၏။”
ဟူ၍ ဖော်ပြသည်။ ထိုကာလများတွင် လူငယ်တိုင်းသိသူဖြစ်ပြီး အားကျရိုသေကြ၏။
ငယ်ဘဝ
၁၈၉၈ ခုတွင် ပဲခူးဒိစတြိတ်၊ ကမာစဲရွာ၌ ဦးစံညိမ်း၊ ဒေါ်ချစ်ပုတို့မှ ဖွားမြင်သည်။ဖိုးတုတ်သည်ငယ်စဉ်အခါက ရွာဦးကျောင်းဆရာတော် အရှင်လောကိန္နိတထံ ကျောင်းပညာကို လေ့လာဆည်းပူးခဲ့သည်။
လူမိုက်ဖြစ်လာခြင်း
အလုပ်ကြမ်းသမားအဖြစ် ကျင်လည်ရင်း ဘဝအချိုးအကွေ့များကြောင့် နေထိုင်ရာ လမ်းမတော်ရပ်တွင် လူမိုက်ဖြစ်လာသည်။
ရဲဘော်သုံးကျိပ်တို့ ဟိုင်နန်သို့သွားကာ စစ်ပညာသင်ရန် ခရီးစရိတ်ရှာစဉ်က ဘိုးတုတ်မှာ အလှူငွေ အများဆုံးထည့်ဝင်သူတည်း။သူသည် မတ်စတီးခန်း ဗိုလ်တစ်ထောင်ငမိုး၊ ဂန္ဓမာသောင်းရီတို့နှင့်ခေတ်ပြိုင်ဖြစ်သည်။
ဘဝနိဂုံး
ဂျပန်ခေတ်တွင် ဒေါက်တာဘမော်အစိုးရက လုံခြုံရေးကိစ္စရပ်များကြောင့် ကျော်ဇောသူများကို ထိန်းသိမ်းရာ ဖိုးတုတ်မှာ မြောင်းမြထောင်သို့ အပို့ခံရသည်။ ၁၉၄၄ ခု၊ ဒီဇင်ဘာလ ၂၆ ရက်တွင် ထောင်ဆေးရုံ၌ပင် ကွယ်လွန်၏။
အခြား ဆက်စပ်
ကိုးကား
This article uses material from the Wikipedia မြန်မာဘာသာ article လမ်းမတော်ဖိုးတုတ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.