റൈ

കന്നുകാലികൾക്ക് ആഹാരമായും ആൽക്കഹോളും വിസ്കിയും ഉണ്ടാക്കാനും ഉപയോഗിക്കുന്നു. ചെടികൾ പാകമാകുന്നതിനുമുമ്പ് വെട്ടി വളമാക്കാറുണ്ട്. വയ്ക്കോൽ പായ്ക്കിങ്ങിനും കടലാസ് നിർമ്മാണത്തിനും ഉപയോഗിക്കുന്നു. ഗോതമ്പിനോടൊപ്പം മിശ്രവിളയായി കൃഷി ചെയ്യുന്നുണ്ട്. ഗോതമ്പുമായി ഏറെ സാദൃശ്യവുമുണ്ട്. ഗോതമ്പുമണിയെക്കാൾ നീളം കൂടിയവയാണ് റൈ മണികൾ. റൈ ചെടികളുടെ നീല കലർന്ന പച്ച നിറം ഗോതമ്പുചെടികളിൽനിന്ന് ഇവയെ തിരിച്ചറിയാൻ സഹായിക്കുന്നു. തണുപ്പിനെ അതിജീവിക്കാൻ കഴിവുള്ള ഇതിന്റെ വിത്ത് വേനൽക്കാലാത്തിന്റെ അവസാനത്തേടെയാണ് വിതയ്ക്കുന്നത്.

റൈ
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Angiosperms
Class:	Monocotyledons
Order:	Poales
Family:	Poaceae
Subfamily:	Pooideae
Tribe:	Triticeae
Genus:	Secale
Species:	S. cereale
Binomial name
Secale cereale L.
Synonyms
Secale fragile M.Bieb.

 

 

യൂറോപ്പിന്റെ വടക്കും കിഴക്കും പടിഞ്ഞാറും പ്രദേശങ്ങളിലാണ് റൈ മുഖ്യമായും കൃഷി ചെയ്യപ്പെടുന്നത് - വടക്കൻ ജർമനി പോളണ്ട്, ഉക്രൈൻ, ബെലാറസ്, ലിത്വേനിയ ,ലാറ്റ്‌വിയ, മദ്ധ്യ-വടക്കൻ റഷ്യ എന്നീ പ്രദേശങ്ങളിലാണ് പ്രധാനമായും ഇത് കൃഷി ചെയ്യപ്പെടുന്നത്. റൈ കൃഷി ചെയ്യപ്പെടുന്ന മറ്റു പ്രദേശങ്ങൾ വടക്കേ അമേരിക്ക (കാനഡ ,അമേരിക്കൻ ഐക്യ നാടുകൾ), തെക്കേ അമേരിക്ക (അർജന്റീന, ബ്രസീൽ), ടർക്കി, കസാഖ്‌സ്താൻ വടക്കൻ ചൈന എന്നിവയാണ്.

2005-ൽ ലോകത്തിൽ ഏറ്റവും അധികം റൈ ഉല്പാദിപ്പിച്ച രാഷ്ട്രങ്ങൾ. (million metric ton)
യൂറോപ്യൻ യൂണിയൻ	9.2*
റഷ്യ	3.6
പോളണ്ട്	3.4
ജർമ്മനി	2.8
ബെലാറുസ്	1.2
ഉക്രൈൻ	1.1
China	0.6
കാനഡ	0.4
തുർക്കി	0.3
അമേരിക്കൻ ഐക്യനാടുകൾ	0.2
ഓസ്ട്രിയ	0.2
ലോകത്തിലെ ആകെ ഉൽപ്പാദനം'	13.3
EU 2008 figures include Poland, Germany and Austria.
Source: FAO