കേരള സർക്കാർ

കേരള സർക്കാർ
*Kēraḷa Sarkkār*
ആസ്ഥാന കാര്യാലയം	കേരള സർക്കാർ സിരാകേന്ദ്രം, തിരുവനന്തപുരം
രാജ്യം	ഇന്ത്യ
വെബ്സൈറ്റ്	kerala.gov.in
നിയമനിർമ്മാണ ശാഖ
നിയമസഭ	കേരള നിയമസഭ;
സ്പീക്കർ	എ.എൻ. ഷംസീർ, (സി.പി.ഐ.എം.)
ഡെപ്യൂട്ടി സ്പീക്കർ	ചിറ്റയം ഗോപകുമാർ, (സി.പി.ഐ)
നിയമസഭയിലെ അംഗങ്ങൾ	140
ഭരണവിഭാഗം (എക്സിക്യൂട്ടീവ്)
ഗവർണർ	ആരിഫ് മുഹമ്മദ് ഖാൻ
മുഖ്യമന്ത്രി	പിണറായി വിജയൻ, (സി.പി.ഐ.എം.)
ചീഫ് സെക്രട്ടറി	വി.വേണു, ഐ.എ.എസ്
നീതിന്യായം
ഹൈക്കോടതി	കേരള ഹൈക്കോടതി
ചീഫ് ജസ്റ്റിസ്	എസ്. മണികുമർ

ജനാധിപത്യപരമായി തിരഞ്ഞെടുക്കപ്പെട്ട സർക്കാരാണിത്. ഭരണഘടനാപരമായി കേരള സംസ്ഥാനത്തിന്റെ കാര്യനിർവഹണ (Executive) വിഭാഗമാണ്‌ കേരള സർക്കാർ. ഇന്ത്യയുടെ രാഷ്ട്രപതി നിയമിക്കുന്ന ഗവർണറാണ് കേരള സർക്കാരിന്റെ ഭരണഘടനാപരമായ തലവൻ. മുഖ്യമന്ത്രിയെയും മറ്റ് മന്ത്രിമാരെയും നിയമിക്കാനും നിയമസഭ പിരിച്ചുവിടാനും ഗവർണർക്ക് അധികാരമുണ്ട്. സംസ്ഥാന സർക്കാരിന്റെ ദൈനംദിന ഭരണത്തിന്റെ ഉത്തരവാദിത്തം മുഖ്യമന്ത്രിക്കാണ്. കേരള സർക്കാരിന്റെ നിയമനിർമ്മാണ ശാഖയാണ് നിയമസഭ (Legislature). കേരളത്തിലെ ജനങ്ങൾ തിരഞ്ഞെടുത്ത 140 അംഗങ്ങൾ ഇതിൽ ഉൾപ്പെടുന്നു. നിയമങ്ങൾ പാസാക്കുന്നതിനും ബജറ്റ് അംഗീകരിക്കുന്നതിനുമായി വർഷത്തിലൊരിക്കൽ നിയമസഭ ചേരുന്നു. കേരള നിയമസഭയിലെ അംഗങ്ങൾ തിരഞ്ഞെടുക്കുന്ന മുഖ്യമന്ത്രിയും അദ്ദേഹത്തിന്റെ മന്ത്രിസഭയുമാണ് സംസ്ഥാനം ഭരിക്കുന്നത്.

സർക്കാരിന്റെ വിവിധ വകുപ്പുകളുടെ ചുമതലയുള്ള മന്ത്രിമാരുടെ സമിതി (മന്ത്രിസഭ) മുഖ്യമന്ത്രിയെ ഭരണത്തിൽ സഹായിക്കുന്നു. മന്ത്രിസഭയ്ക്കു് ആവശ്യമായ പിന്തുണ നൽകുന്നത് സെക്രട്ടറിയേറ്റിൽ നിന്നാണ്. കേരളത്തിന്റെ ഭരണസിരാകേന്ദ്രമായ സെക്രട്ടേറിയേറ്റിലാണ് മന്ത്രിമാരുടെയും വിവിധ വകുപ്പ് സെക്രട്ടറിമാരുടെയും കാര്യാലയം സ്ഥിതിചെയ്യുന്നത്. സെക്രട്ടേറിയറ്റ് പല വകുപ്പുകളായി വിഭജിക്കപ്പെട്ടിരിക്കുന്നു. മന്ത്രിമാരുടെ നേതൃത്വത്തിൽ വകുപ്പ് സെക്രട്ടറിമാരുടെ കീഴിൽ ആണ് വകുപ്പുകൾ പ്രവർത്തിക്കുന്നത്. സെക്രട്ടേറിയറ്റ് വകുപ്പുകൾ മിക്കവാറും കയ്യാളുന്നത് ഭരണഘടനാപരമായ അധികാരങ്ങളും നയപരമായ (policy) തീരുമാനങ്ങളുമാണ്. സെക്രട്ടേറിയറ്റിനു പുറത്തുള്ള ഫീൽഡ് വകുപ്പുകളുടെ ചുമതല മേൽപ്പറഞ്ഞ നയങ്ങളും തീരുമാനങ്ങളും നടപ്പിലാക്കലും ഏതെങ്കിലും പ്രത്യേക നിയമപ്രകാരമുള്ള ജോലികളുമാണ് (statutory functions).

സെക്രട്ടേറിയറ്റിൽ നിന്ന് വിഭിന്നമായി, എന്നാൽ സെക്രട്ടേറിയറ്റിലേതിനു ഏതാണ്ട് സമാനമായ നാമത്തിൽ പ്രവർത്തിക്കുന്ന അനുബന്ധ വകുപ്പുകൾ (ഫീൽഡ് വകുപ്പുകൾ/field departments) സാധാരണയായി ഡയറക്ടറേറ്റ്, കമ്മീഷണറേറ്റ് എന്നീ നാമങ്ങളിൽ അറിയപ്പെടുന്നു. സെക്രട്ടേറിയറ്റിലെ വകുപ്പും സെക്രട്ടേറിയറ്റിനു പുറത്തു പ്രവർത്തിക്കുന്ന വിഭാഗവും തമ്മിലുള്ള വ്യത്യാസം സാധാരണക്കാരനു പൊതുവേ അദൃശ്യമാണ്.

ഭരണഘടന പ്രകാരം സർക്കാരിന്റെ എല്ലാ തീരുമാനങ്ങളും എടുക്കേണ്ടത് ഗവർണ്ണറോ അദ്ദേഹത്തിന്റെ നാമത്തിലോ ആയിരിക്കണം.

നിലവിലെ മന്ത്രിസഭ


ക്രമം	പേര്	നിയോജകമണ്ഡലം	ജില്ല	വകുപ്പുകൾ	കക്ഷി
1	പിണറായി വിജയൻ (മുഖ്യമന്ത്രി)	ധർമ്മടം	കണ്ണൂർ	പൊതുഭരണം അഖിലേന്ത്യാ സേവനങ്ങൾ (ഐ.എ.എസ്, ഐ.പി.എസ്, ഐ.എഫ്.എസ്) ആസൂത്രണവും സാമ്പത്തിക കാര്യങ്ങളും ശാസ്ത്രം, സാങ്കേതികവിദ്യ, പരിസ്ഥിതി മലിനീകരണ നിയന്ത്രണം ശാസ്ത്ര സ്ഥാപനങ്ങൾ ഉദ്യോഗസ്ഥ-ഭരണപരിഷ്കരണം തിരഞ്ഞെടുപ്പ് ഏകീകരണം വിവരസാങ്കേതികവിദ്യ സൈനിക ക്ഷേമം ദുരിതാശ്വാസം സംസ്ഥാന ആതിഥ്യം വിമാനത്താവളങ്ങൾ മെട്രോ റെയിൽ ഇന്റർ - സ്റ്റേറ്റ് റിവർ വാട്ടേഴ്സ് - കാവേരി, നില, പെരിയാർ ട്രിബ്യൂണലുകൾ തീരദേശ ഷിപ്പിംഗും ഉൾനാടൻ നാവിഗേഷനും കേരള സംസ്ഥാന ഉൾനാടൻ നാവിഗേഷൻ കോർപ്പറേഷൻ വിവരവും പബ്ലിക് റിലേഷനും പ്രവാസി കേരളീയരുടെ കാര്യങ്ങൾ ആഭ്യന്തരം വിജിലൻസ് ദുരന്ത നിവാരണം സിവിൽ, ക്രിമിനൽ നീതി ഭരണം ഫയർ ആൻഡ് റെസ്ക്യൂ സർവീസസ് ജയിലുകൾ അച്ചടി, സ്റ്റേഷനറി ന്യൂനപക്ഷ ക്ഷേമം എല്ലാ സുപ്രധാന നയ കാര്യങ്ങളും മറ്റൊരാൾക്കും നൽകാത്തവ	സിപിഐ (എം)
ക്യാബിനറ്റ് മന്ത്രിമാർ
2	എം.ബി. രാജേഷ്	തൃത്താല	പാലക്കാട്	തദ്ദേശ സ്വയംഭരണം പഞ്ചായത്തിരാജ്, മുനിസിപ്പാലിറ്റികൾ, കോർപ്പറേഷനുകൾ ഗ്രാമീണ വികസനം നഗരാസൂത്രണം റീജിയണൽ ഡെവലപ്മെന്റ് അതോറിറ്റീസ് കില (KILA) എക്സൈസ്	സിപിഐ (എം)
3	കെ. രാജൻ	ഒല്ലൂർ	തൃശ്ശൂർ	ലാൻഡ് റവന്യൂ ഭവനം സർവേ ആൻഡ് ലാൻഡ് റികോർഡ്സ് ഭൂപരിഷ്കരണം	സിപിഐ
4	കെ.എൻ. ബാലഗോപാൽ	കൊട്ടാരക്കര	കൊല്ലം	ധനകാര്യം ദേശീയ സമ്പാദ്യം സ്റ്റോർസ് പർച്ചേഴ്സ് വാണിജ്യനികുതി, കാർഷിക ആദായനികുതി ട്രഷറികൾ ലോട്ടറികൾ സംസ്ഥാന ഓഡിറ്റ് കേരള സ്റ്റേറ്റ് ഫിനാൻഷ്യൽ എന്റർപ്രൈസസ് സംസ്ഥാന ഇൻഷുറൻസ് കേരള ഫിനാൻഷ്യൽ കോർപ്പറേഷൻ സ്റ്റാമ്പുകളും സ്റ്റാമ്പ് ഡ്യൂട്ടിയും	സിപിഐ (എം)
5	പി. രാജീവ്	കളമശ്ശേരി	എറണാകുളം	നിയമം വ്യവസായം (വ്യാവസായിക സഹകരണ സംഘങ്ങൾ ഉൾപ്പെടെ) വാണിജ്യം ഖനനവും ജിയോളജിയും മെറ്റൽ, മിനറൽ ഇൻഡസ്ട്രീസ് പെട്രോളിയം, പെട്രോകെമിക്കൽ വ്യവസായങ്ങൾ കൈത്തറി, തുണിത്തരങ്ങൾ ഖാദി, ഗ്രാമ വ്യവസായങ്ങൾ കയർ കശുവണ്ടി വ്യവസായം പഞ്ചസാര, ശർക്കര വ്യവസായങ്ങൾ പ്ലാന്റേഷൻ ഡയറക്ടറേറ്റ്	സിപിഐ (എം)
6	പി.എ. മുഹമ്മദ് റിയാസ്	ബേപ്പൂർ	കോഴിക്കോട്	പൊതുമരാമത്ത് വിനോദ സഞ്ചാരം	സിപിഐ (എം)
7	വീണാ ജോർജ്ജ്	ആറന്മുള	പത്തനംതിട്ട	ആരോഗ്യം കുടുംബക്ഷേമം മെഡിക്കൽ വിദ്യാഭ്യാസം മെഡിക്കൽ യൂണിവേഴ്സിറ്റി തദ്ദേശീയ മരുന്നുകൾ ആയുഷ് മയക്കുമരുന്ന് നിയന്ത്രണം വനിതാ ശിശുക്ഷേമം	സിപിഐ (എം)
8	വി. ശിവൻകുട്ടി	നേമം	തിരുവനന്തപുരം	പൊതു വിദ്യാഭ്യാസം സാക്ഷരതാ പ്രസ്ഥാനം തൊഴിൽ ജോലിയും, പരിശീലനവും കഴിവുകൾ, പുനരധിവാസം ഫാക്ടറികളും ബോയിലറുകളും ഇൻഷുറൻസ് മെഡിക്കൽ സേവനം വ്യാവസായിക ട്രൈബ്യൂണലുകൾ ലേബർ കോടതികൾ	സിപിഐ (എം)
9	റോഷി അഗസ്റ്റിൻ	ഇടുക്കി	ഇടുക്കി	ജലസേചനം കമാൻഡ് ഏരിയ ഡെവലപ്‌മെന്റ് അതോറിറ്റി ഭൂഗർഭജല വകുപ്പ് ജലവിതരണവും ശുചിത്വവും	കെസി (എം)
10	കെ. കൃഷ്ണൻകുട്ടി	ചിറ്റൂർ	പാലക്കാട്	വൈദ്യുതി അനെർട്ട് കേരള സ്റ്റേറ്റ് ഇലക്ട്രിസിറ്റി ബോർഡ് വൈദ്യുത ഊർജ്ജ ഉൽ‌പാദനവും വിതരണവും	ജെഡി (എസ്)
11	എ.കെ. ശശീന്ദ്രൻ	എലത്തൂർ	കോഴിക്കോട്	വനം വന്യജീവി സംരക്ഷണം തണ്ണീർത്തടവും കണ്ടൽ സംരക്ഷണവും	എൻസിപി
12	ആന്റണി രാജു (ഒന്നാം പാദം)	തിരുവനന്തപുരം	തിരുവനന്തപുരം	റോഡ് ഗതാഗതം കേരള മോട്ടോർ വാഹന വകുപ്പ് ജലഗതാഗതം	ജെകെസി
13	അഹമ്മദ് ദേവർകോവിൽ (ഒന്നാം പാദം)	കോഴിക്കോട് സൗത്ത്	കോഴിക്കോട്	തുറമുഖം മ്യൂസിയം പുരാവസ്തു ആർക്കൈവുകൾ ഗ്രന്ഥരക്ഷാലയം	ഐഎൻഎൽ
14	വി. അബ്ദുൽറഹ്മാൻ	താനൂർ	മലപ്പുറം	കായികം വഖഫും ഹജ്ജ് തീർത്ഥാടനവും തപാലും ടെലിഗ്രാഫുകളും റെയിൽ‌വേ	എൻഎസ്‌സി
15	പി. പ്രസാദ്	ചേർത്തല	ആലപ്പുഴ	കൃഷി ഫാർമർ വെൽഫെയർ ബോർഡ് (കർഷക ക്ഷേമ പദ്ധിതി) മണ്ണ് സർവേയും മണ്ണ് സംരക്ഷണവും കേരള കാർഷിക സർവകലാശാല അരി, ഭക്ഷ്യധാന്യ ഉൽപാദനം കരിമ്പും എണ്ണക്കുരു ഉൽപാദനവും ഹോർട്ടികൾച്ചർ, ഫ്ലോറി കൾച്ചർ, പച്ചക്കറി ഉത്പാദനം കൃഷിയിടവും തേനീച്ചവളർത്തലും വെയർഹൗസിംഗ് കോർപ്പറേഷൻ	സിപിഐ
16	ജി.ആർ. അനിൽ	നെടുമങ്ങാട്	തിരുവനന്തപുരം	ഭക്ഷ്യം, പൊതുവിതരണം ഉപഭോക്തൃകാര്യം ലീഗൽ മെട്രോളജി	സിപിഐ
17	കെ. രാധാകൃഷ്ണൻ	ചേലക്കര	തൃശ്ശൂർ	ദേവസ്വം പിന്നോക്കക്ഷേമം പാർലമെന്ററി കാര്യം	സിപിഐ (എം)
18	വി.എൻ. വാസവൻ	ഏറ്റുമാനൂർ	കോട്ടയം	സഹകരണം രജിസ്ട്രേഷൻ	സിപിഐ (എം)
19	ജെ. ചിഞ്ചു റാണി	ചടയമംഗലം	കൊല്ലം	മൃഗസംരക്ഷണം ക്ഷീര വികസനം, ക്ഷീര- സഹകരണ സംഘങ്ങൾ കന്നുകാലി പരിപാലനം കോഴി പരിപാലനം തുകൽ വ്യവസായം മൃഗശാല കേരള വെറ്റിനറി & ആനിമൽ സയൻസ് സർവ്വകലാശാല	സിപിഐ
20	ആർ. ബിന്ദു	ഇരിങ്ങാലക്കുട	തൃശ്ശൂർ	ഉന്നത വിദ്യാഭ്യാസം സാങ്കേതിക വിദ്യാഭ്യാസം സർവ്വകലാശാലകൾ (കാർഷിക, വെറ്റിനറി, ഫിഷറീസ്, മെഡിക്കൽ, ഡിജിറ്റൽ സർവ്വകലാശാലകൾ ഒഴികെ) പ്രവേശന പരീക്ഷകൾ നാഷണൽ കേഡറ്റ് കോർപ്സ് അധിക നൈപുണ്യ ഏറ്റെടുക്കൽ പ്രോഗ്രാം (ASAP) സാമൂഹ്യ നീതി	സിപിഐ (എം)

വകുപ്പുകൾ

പ്രധാന ലേഖനം: കേരള സർക്കാർ വകുപ്പുകൾ

പൊതുഭരണം, ധനകാര്യം, നിയമം എന്നിങ്ങനെ മൂന്ന് പ്രധാന വകുപ്പുകളായാണ് സെക്രട്ടേറിയറ്റ് പ്രവർത്തിക്കുന്നത്. പൊതുഭരണ വകുപ്പിൽ സംസ്ഥാനത്തെ മുഴുവൻ വകുപ്പുകളുടെയും ഭരണവകുപ്പുകൾ ഉൾക്കൊള്ളുന്നു. കേരള സെക്രട്ടേറിയറ്റ് റൂൾസ് ഓഫ് ബിസിനസ് (KSRB) അടിസ്ഥാനമാക്കി ഇനിപ്പറയുന്ന പ്രധാന സെക്രട്ടേറിയറ്റ് വകുപ്പുകൾ വഴിയാണ് സംസ്ഥാന സർക്കാരിന്റെ ഭരണനിർവ്വഹണം നടക്കുന്നത്. സെക്രട്ടേറിയറ്റ് വകുപ്പുകൾ മിക്കവാറും കയ്യാളുന്നത് ഭരണഘടനാപരമായ അധികാരങ്ങളും നയപരമായ (Policy) തീരുമാനങ്ങളുമാണ്. സെക്രട്ടേറിയറ്റിനു പുറത്തുള്ള ഫീൽഡ് വകുപ്പുകളുടെ ചുമതല മേൽപ്പറഞ്ഞ നയങ്ങളും തീരുമാനങ്ങളും നടപ്പിലാക്കലും ഏതെങ്കിലും പ്രത്യേക നിയമപ്രകാരമുള്ള ജോലികളുമാണ്. സെക്രെട്ടറിയേറ്റ് വകുപ്പുകളുടെ മേധാവി സെക്രട്ടറി (Secretary to Government) ആണ്. ഫീൽഡ് വകുപ്പുകൾ ഡയറക്ടറേറ്റ്, കമ്മീഷണറേറ്റ്, തുടങ്ങി പേരുകളിലും അറിയപ്പെടുന്നു. ഇതുകൂടാതെ സര്ക്കാര് സ്ഥാപനങ്ങളും അതാത് വകുപ്പുകൾക്ക് കീഴിൽ പ്രവർത്തിക്കുന്നു.

ക്രമനമ്പർ	മാതൃ വകുപ്പ് (സെക്രട്ടേറിയേറ്റ്)	ഫീൽഡ് വകുപ്പുകൾ	സർക്കാർ സ്ഥാപനങ്ങൾ	ചുമതലയുള്ള മന്ത്രി	വകുപ്പ് സെക്രട്ടറി
1	ആഭ്യന്തര വകുപ്പ്	കേരള പോലീസ് കേരള ഫയർ ആൻ്റ് റെസ്ക്യൂ സർവീസസ് കേരള ജയിൽ വകുപ്പ് പ്രോസിക്യൂഷൻ ഡയറക്ടറേറ്റ് കെമിക്കൽ എക്സാമിനേഷൻ ലബോറട്ടറി കേരള സിവിൽ ഡിഫൻസ് കേരള ഹോംഗാർഡ്സ്	കേരള പോലീസ് ഹൗസിംഗ് & കൺസ്ട്രക്ഷൻ കോർപറേഷൻ	പിണറായി വിജയൻ (മുഖ്യമന്ത്രി)	ബിശ്വനാഥ് സിൻഹ ഐ.എ എസ്. (അഡീഷണൽ ചീഫ് സെക്രട്ടറി)
2	ആയുഷ് വകുപ്പ്	ആയുർവേദ ചികിത്സ വിദ്യാഭ്യാസ ഡയറക്ടറേറ്റ് ഹോമിയോപ്പതി ഡയറക്ടറേറ്റ്, കേരളം ഭാരതീയ ചികിത്സാ വകുപ്പ് (ISM)		വീണാ ജോർജ് (ആരോഗ്യവും കുടുംബ ക്ഷേമവും മന്ത്രി)	എപിഎം മുഹമ്മദ് ഹാനിഷ് ഐ.എ.എസ്.
3	ആരോഗ്യ- കുടുംബക്ഷേമ വകുപ്പ്	ആരോഗ്യ വകുപ്പ് ഡയറക്ടറുടെ കാര്യാലയം (DHS) മെഡിക്കൽ വിദ്യാഭ്യാസ ഡയറക്ടറേറ്റ് (DME) ദേശീയ ആരോഗ്യ ദൗത്യം	കേരള മെഡിക്കൽ കോർപറേഷൻ (KMCL) കേരള ആരോഗ്യ സർവ്വകലാശാല	വീണാ ജോർജ് (ആരോഗ്യവും കുടുംബക്ഷേമവും മന്ത്രി)	എപിഎം മുഹമ്മദ് ഹാനിഷ് ഐ.എ.എസ്. (പ്രിൻസിപ്പൽ സെക്രട്ടറി)
4	ഇലക്‌ട്രോണിക്‌സ് & വിവരസാങ്കേതിക വിദ്യ വകുപ്പ്
5	ഉദ്യോഗസ്‌ഥ- ഭരണ പരിഷ്‌കാര വകുപ്പ്
6	ഉന്നത വിദ്യാഭ്യാസ വകുപ്പ്	കോളേജ് വിദ്യാഭ്യാസ ഡയറക്ടറേറ്റ് (വകുപ്പ്) സാങ്കേതിക വിദ്യാഭ്യാസ ഡയറക്ടറേറ്റ് (വകുപ്പ്) എൻട്രൻസ് എക്സാമിനേഷൻ കമ്മിഷണറുടെ കാര്യാലയം	കേരള സാങ്കേതിക സർവ്വകലാശാല കണ്ണൂർ സർവ്വകലാശാല യൂണിവേഴ്‌സിറ്റി ഓഫ് കാലിക്കറ്റ് മഹാത്മാഗാന്ധി സർവ്വകലാശാല കേരള സർ‌വകലാശാല കൊച്ചിൻ ശാസ്ത്ര സാങ്കേതിക സർവ്വകലാശാല തുഞ്ചത്തെഴുത്തച്ഛൻ മലയാളസർവകലാശാല ശ്രീ ശങ്കരാചാര്യ സംസ്കൃത സർവകലാശാല നാഷണൽ സർവീസ് സ്കീം നാഷണൽ കേഡറ്റ്സ് കോർപ്സ് സ്റ്റേറ്റ് സെൻട്രൽ ലൈബറി	ആർ. ബിന്ദു(ഉന്നതവിദ്യാഭ്യാസ മന്ത്രി)	ഇഷിത റോയ് ഐ.എ.എസ്., പ്രിൻസിപ്പൽ സെക്രട്ടറി
7	ഉപഭോക്ത്യകാര്യ വകുപ്പ്
8	ഊർജ്ജവകുപ്പ് (വൈദ്യുതി വകുപ്പ്)	കേരള സ്റ്റേറ്റ് ഇലക്ട്രിസിറ്റി ബോർഡ് അനെർട്ട് ഇലക്ട്രിക്കൽ ഇൻസ്പെക്ടറേറ്റ്
9	കായിക-യുവജനകാര്യ വകുപ്പ്
10	കാർഷിക വികസന കർഷകക്ഷേമ വകുപ്പ്
11	കോസ്റ്റൽ ഷിപ്പിംഗ് & ഇൻലാന്റ് നാവിഗേഷൻ വകുപ്പ്
12	ക്ഷീര വികസനവകുപ്പ്
13	ഗതാഗതവകുപ്പ്	മോട്ടോർ വാഹന വകുപ്പ് (MVD) കേരള ജലഗതാഗത വകുപ്പ് കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ സംസ്ഥാന റോഡ് സുരക്ഷ അതോറിറ്റി
14	ജല-വിഭവ വകുപ്പ്
15	തദ്ദേശ സ്വയംഭരണ വകുപ്പ്	പ്രിൻസിപ്പൽ ഡയറക്ടറേറ്റ് പഞ്ചായത്ത് വകുപ്പ് നഗരകാര്യ വകുപ്പ് ഗ്രാമ വികസന വകുപ്പ് നഗര ഗ്രാമാസൂത്രണ വകുപ്പ് എൻജിനീയറിങ് വിഭാഗം പെർഫോമൻസ് ഓഡിറ്റ് വിംഗ്	കേരള സംസ്ഥാന ആസൂത്രണ ബോർഡ് ഇൻഫർമേഷൻ കേരള മിഷൻ കുടുംബശ്രീ കില (കേരള ഇൻസ്റ്റിറ്റ്യൂട്ട് ഓഫ് ലോക്കല് അഡ്മിനിസ്ട്രേഷൻ) ശുചിത്വ മിഷൻ കേരള റൂറൽ എംപ്ലോയ്‌മെന്റ് ആൻഡ് വെൽഫെയർ സൊസൈറ്റി തദ്ദേശ സ്വയംഭരണ കമ്മീഷൻ	എം.ബി. രാജേഷ് (തദ്ദേശ സ്വയംഭരണ, എക്സൈസ് വകുപ്പ് മന്ത്രി)	ശാരദ മുരളീധരൻ ഐ.എ.എസ്., അഡീഷണൽ ചീഫ് സെക്രട്ടറി
16	തൊഴിൽ -നൈപുണ്യ വകുപ്പ്
17	നികുതി വകുപ്പ്	എക്സൈസ് വകുപ്പ്
18	നിയമ വകുപ്പ്
19	ന്യൂനപക്ഷ ക്ഷേമ വകുപ്പ്
20	പരിസ്ഥിതി വകുപ്പ്
21	പാർലമെന്ററികാര്യ വകുപ്പ്
22	പിന്നാക്ക സമുദായ വികസന വകുപ്പ്
23	പൊതുജനസമ്പർക്ക വകുപ്പ്
24	പൊതുഭരണ വകുപ്പ്	-		പിണറായി വിജയൻ (മുഖ്യമന്ത്രി)	കെ ആർ ജ്യോതിലാൽ ഐഎഎസ്, അഡീഷണൽ ചീഫ് സെക്രട്ടറി
25	പൊതുമരാമത്ത് വകുപ്പ്
26	പൊതുവിദ്യാഭ്യാസ വകുപ്പ്	പൊതുവിദ്യാഭ്യാസ ഡയറക്ടറേറ്റ് (DGE) സംസ്ഥാന വിദ്യാഭ്യാസ ഗവേഷണ പരിശീലന സമിതി (SCERT) സംസ്ഥാന ഓപ്പൺ സ്കൂൾ, ആജീവനാന്ത വിദ്യാഭ്യാസ സമിതി (സ്കോൾ) സംസ്ഥാന സാക്ഷരത മിഷൻ		വി. ശിവൻകുട്ടി(പൊതുവിദ്യാഭ്യാസവും തൊഴിലും മന്ത്രി)	റാണി ജോർജ്ജ് ഐ.എ.എസ്. (പ്രിൻസിപ്പൽ സെക്രട്ടറി)
27	പ്രവാസികാര്യ വകുപ്പ് (നോർക്ക)	പ്രവാസി കേരളീയകാര്യ വകുപ്പ്		പിണറായി വിജയൻ(മുഖ്യമന്ത്രി)
28	ധനകാര്യ വകുപ്പ്	ധനകാര്യ വകുപ്പ് ട്രഷറി വകുപ്പ് ഇൻഷുറൻസ് വകുപ്പ് സംസ്ഥാന ലോട്ടറി വകുപ്പ് സംസ്ഥാന ഓഡിറ്റ് വകുപ്പ് വാണിജ്യ നികുതി വകുപ്പ് സംസ്ഥാന ചർക്ക് സേവന നികുതി വകുപ്പ് (GST)	കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ്ഫണ്ട് ബോർഡ് (കിഫ്ബി) കേരള ഫിനാൻഷ്യൽ കോർപ്പറേഷൻ കേരള സ്റ്റേറ്റ് ഫിനാൻഷ്യൽ എന്റർപ്രൈസസ്	കെ.എൻ. ബാലഗോപാൽ (ധനകാര്യ മന്ത്രി)
29	ഭക്ഷ്യ പൊതുവിതരണ വകുപ്പ്
30	ഭവനനിർമ്മാണ വകുപ്പ്	കേരള സംസ്ഥാന ഭവന നിർമ്മാണ ബോർഡ്		കെ. രാജൻ (റവന്യൂ, ഭവന നിർമ്മാണ വകുപ്പ് മന്ത്രി)
31	മത്സ്യബന്ധന വകുപ്പ്
32	മൃഗസംരക്ഷണ വകുപ്പ്
33	റവന്യൂ വകുപ്പ്	ലാൻഡ് റവന്യൂ കമ്മീഷണറേറ്റ്, കേരളം സർവേ & ലാൻഡ് റികോഡ്സ് ഡയറക്ടറേറ്റ്, കേരളം സംസ്ഥാന ദുരന്ത നിവാരണ അതോറിറ്റി, കേരളം		കെ. രാജൻ(റവന്യു മന്ത്രി)	ടിങ്കു ബിസ്വൽ ഐ.എ.എസ്.
34	വനം-വന്യജീവി സംരക്ഷണ വകുപ്പ്
35	വനിത-ശിശുവികസന വകുപ്പ്
36	വിജിലൻസ് വകുപ്പ്	വിജിലൻസ് ആന്റ് ആന്റി കറപ്ഷൻ ബ്യൂറോ, കേരളം		പിണറായി വിജയൻ(മുഖ്യമന്ത്രി)	ബിശ്വനാഥ് സിൻഹ ഐ. . .എഎസ്
37	വിനോദസഞ്ചാര വകുപ്പ്
38	വ്യവസായ-വാണിജ്യ വകുപ്പ്
39	ശാസ്ത്ര-സാങ്കേതിക വകുപ്പ്
40	സഹകരണ വകുപ്പ്
41	സാമൂഹ്യനീതി വകുപ്പ്
42	സാംസ്‌ക്കാരികകാര്യ വകുപ്പ്
43	സൈനികക്ഷേമ വകുപ്പ്
44	സ്റ്റോർസ് പർച്ചേസ് വകുപ്പ്

(അവലംബം: കേരളസംസ്ഥാന ബഡ്ജറ്റ് (2012-2013) അവതരണപ്രസംഗം)

ഇതും കാണുക

കേരളത്തിലെ മുഖ്യമന്ത്രിമാരുടെ പട്ടിക

മൊറട്ടോറിയം

പുറത്തേക്കുള്ള കണ്ണികൾ

മുഖ്യമന്ത്രി

അവലംബം

ഭരണകൂടങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.

This article uses material from the Wikipedia മലയാളം article കേരള സർക്കാർ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.