Segal (Secale cereale) es un sereal simil a trigo cual tolera teras povre e temperatures basa.
Lo es usada per farina, e per alga panes, bires, uisces, vodcas, e comeda per bestias.
Segal es un de multe spesies cual crese savaje en Turcia sentral e este e areas visina. Segal domada aveni en cuantias peti a alga locas en Anatolia, como la locas de la neolitica ante-seramica Can Hasan 3, prosima a Catalhoyuk, ma es per la plu parte asenta de la arcivos arceolojial asta la eda de bronze de Europa sentral, sirca 1800-1500 aec. Lo es posible ce segal ia viaja a ueste de Anatolia como miscada con trigo e ia es cultivada per se mesma plu tarde.
An si evidentes de usa de segal ia es trovada en contestos roman longo la rios Reno e Danubio, e en Er e Britan, Plinio la Vea ia es despetosa de segal, e ia scrive ce lo es "un comeda multe povre cual servi sola per evita mori de fama", e ce trigo antica es miscada con lo "per redui sua amargia, ma an tal lo es multe desplasente a la stomaco".
De la edas medieval, popla ia cultiva vasta la segal en Europa sentral e este. Lo servi como la sereal xef per pan en la plu de areas este de la borda entre Frans e Deutxland and norde de Magiar. En Europa sude, lo ia es cultivada sola a areas marjinal.
This article uses material from the Wikipedia Lingua franca nova article Segal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.