Android
Android — Linux-ზე დაფუძნებული ოპერაციული სისტემა, რომელიც მუშაობს სმარტფონებზე, ტელევიზორებზე, საათებზე, მანქანებზე და პლანშეტურ კომპიუტერებზე.
შეიქმნა Google-ის ფინანსური მხარდაჭერით, ხოლო 2005 წელს ის თავად გუგლმა შეისყიდა. . ანდროიდის სისტემაზე მომუშავე პირველი ტელეფონი იყო HTC Dream, რომელიც 2008 წლის ოქტომბერში გამოვიდა გაყიდვაში. ანდროიდის მიმდინარე ვერსიაა 7.0 "Nougat", გამოსული 2016 წელს. დღეს ანდროიდის ყველა აპლიკაცია თავმოყრილია Google Play-ზე. 2017 წელს აპლიკაციების რაოდენობა 2,7 მილიონი იყო. დღეისათვის ანდროიდი ყველაზე ფართოდ გავრცელებული ოპერაციული სისტემაა მთელ მსოფლიოში. 2015 წელს მისი საბაზრო წილი 84,7 % იყო. 2017 წლის მაისის მონაცემით ამ ოპერაციულ სისტემას ყოველთვიურად ჰყავდა 2 მილიარდი აქტიური მომხმარებელი. დღეს ანდროიდის სისტემაზე მომუშავე ელექტრო მოწყობილობებს ქმნის რამდენიმე ცნობილი კომპანია: Samsung, Google Pixel, Xiaomi, Huawei, OnePlus, Realme და ა.შ.
 | |
 | |
| შემქმნელი | Google, Open Handset Alliance |
|---|---|
| ენა | Java (მომხმარებლის ინტერფეისი), C (ბირთვი), C++ |
| ოპერაციული სისტემის ოჯახი | UNIX-ის მსგავსი |
| სამუშაო მდგომარეობა | მოქმედი |
| წყაროს მოდელი | ღია კოდი და ზოგ მოწყობილობაში პროპრიეტარული კომპონენტები |
| პირველად გამოვიდა | 23 სექტემბერი, 2008 |
| უკანასკნელი გამოშვება | Android 11 / 8 სექტემბერი, 2020 |
| უახლესი ნიმუში | Android 12 / 18 თებერვალი, 2021 |
| მარკეტინგული სამიზნე | სმარტფონები, პლანშეტები, Android TV, Android Auto და Android Wear |
| ხელმისაწვდომი ენები | 100+ ენა |
| პაკეტების მენეჯერი | APK (ძირითადად Google Play-ის მეშვეობით) და სხვა ალტერნატიული წყაროებიდან, როგორიც არის F-Droid.) |
| მხარდაჭერილი პლატფორმები | 32 და 64 ბიტიანი ARM, x86, x86-64, MIPS და MIPS64 |
| ბირთვის ტიპი | მონოლითური (მოდიფიცირებული ლინუქსის ბირთვი) |
| სამომხმარებლო სივრცე | Bionic libc, mksh-ის გარსი , Toybox ბირთვის უტილიტა Android 6.0-დან მოყოლებული, |
| მომხმარებლის გრაფიკული გარემო | გრაფიკული (მულტიტაჩი) |
| ლიცენზია | Apache-ს ლიცენზია 2.0 GNU GPL v2 ლინუქსის ბირთვის მოდიფიკაციისთვის |
| ოფიციალური საიტი | android.com |
ისტორია
კორპორაცია „ანდროიდი“ დაარსდა 2003 წელს, კალიფორნიის შტატში და მისი დამფუძნებლები იყვნენ ენდი რუბინი, რიჩ მინერი, ნიკ სირსი და კრის უაიტი. რუბინის სიტყვებით, მათ მიზანი იყო „ჭკვიანი მობილური მოწყობილობების შექმნა, რომელსაც ეცოდინებოდა მისი მფლობელის ადგილმდებარეობა და კონფიგურაციები“.
თავდაპირველად, კომპანია ცდილობდა განევითარებინა ოპერაციული სისტემა ციფრული კამერებისათვის, თუმცა შემდეგ გადაწყვიტეს, რომ ეს ბაზარი საკმაოდ დიდი არ იყო და სმარტფონის ოპერაციული სისტემის შექმნაზე გადაერთვნენ. კორპორაცია შეეცადა შეექმნა Symbian-ისა და Windows Mobile-ის კონკურენტი სისტემა.
„ანდროიდი“ საიდუმლოდ მუშაობდა; მხოლოდ ის იყო ცნობილი, რომ კორპორაცია მობილური ტელეფონებისადმი განკუთვნილ პროგრამას აწყობდა.
2005 წლის 17 აგვისტოს Google-მა კორპორაცია „ანდროიდი“ შეიძინა, მისი დამფუძნებლები კი კომპანიის სათავეში დატოვა. ამ დროისათვის, კორპორაციაზე ბევრი რამ უცნობი იყო, თუმცა მიიჩნევდნენ, რომ Google ამ ნაბიჯით მობილური ტელეფონების ბაზარზე შესვლას ცდილობდა.
გამოყენებადობა
2012 წლის მაისის მონაცემებით, ანდროიდი ყველაზე პოპულარული მობილური ოპერაციული სისტემაა; არის ბაზრის ლიდერი ქვეყნების უმრავლესობაში, მათ შორის აშშ-ში.
2013 წლის სექტემბრისათვის, დაახლოებით 1 მილიარდი ერთეული ანდროიდზე მომუშავე მოწყობილობა იყო აქტივირებული.
2017 წლის მაისის მონაცემით ამ ოპერაციულ სისტემას ყოველთვიურად ჰყავდა 2 მილიარდი აქტიური მომხმარებელი.
რესურსები ინტერნეტში
შეგიძლიათ იხილოთ მედიაფაილები თემაზე „Android“ ვიკისაწყობში.- ოფიციალური საიტი
- Android Developers
- Android Developers Blog
- Android Demo YouTube-ზე, 11 ნოემბერი, 2007
- Google Play
- Android თამაშები დაარქივებული 2014-11-29 საიტზე Wayback Machine.
სქოლიო
This article uses material from the Wikipedia ქართული article Android, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.