Youtube: გუგლის საკუთრებაში მყოფი ვიდეოჰოსთინგი

YouTube — ვიდეოპორტალი, სადაც მომხმარებლებს შეუძლიათ ატვირთონ და გაუზიარონ ერთმანეთს ვიდეოები.

2005 წლის თებერვალში, PayPal-ის სამმა ყოფილმა თანამშრომელმა შექმნა YouTube, ხოლო 2006 წლის ნოემბერში გუგლმა იგი შეიძინა $1.65 მილიარდად და დღესდღეობით მუშაობს როგორც გუგლის შვილობილი კომპანია. კომპანია დაფუძნდა სან ბრუნოში, კალიფორნიაში და იყენებს Adobe Flash Player-ისა და HTML5-ის ტექნოლოგიას, მომხმარებლების მიერ გამოქვეყნებული მრავალფეროვანი ვიდეომასალის გადმოსაცემად, მათ შორის: კინო და სატელევიზიო კლიპების, მუსიკალური კლიპების, ასევე სამოყვარულო მასალების, როგორებიცაა ვიდეო ბლოგერობა და მოკლე ორიგინალური ვიდეოები. YouTube-ზე ყველაზე მეტ მასალას ტვირთავენ ცალკე პიროვნებები, თუმცა მედია კორპორაციები, მათ შორის CBS, BBC, UMG და სხვა ორგანიზაციები, სთავაზობენ მომხმარებლებს თავიანთ ნაწარმს, საიტის მეშვეობით, YouTube-თან თანამშრომლობის პროგრამის ფარგლებში.

YouTube, LLC
ტიპი შვილობილი კომპანია, შპს
დაფუძნდა 14 თებერვალი, 2005; 19 წლის წინ (2005-02-14)
დამაარსებელი ჩად ჰარლი, სტივ ჩენი, ჯოუდ კარიმი
სათავო ოფისი სან ბრუნო, კალიფორნია
კოორდინატები 37°37′41″ ჩ. გ. 122°25′35″ დ. გ. / 37.62806° ჩ. გ. 122.42639° დ. გ. / 37.62806; -122.42639
მფლობელი Google

დაურეგისტრირებელ მომხმარებელს შეუძლია მხოლოდ ვიდეოების ყურება, მაშინ როდესაც დარეგისტრირებულს შეუძლია ვიდეოების ატვირთვა განუსაზღვრელი რაოდენობით, ვიდეოების შეფასება და კომენტარების დაწერა. ვიდეოებს, რომლებიც შესაძლოა შეიცავდნენ არასასიამოვნო ან შეურაცხმყოფელ შინაარსს, აქვთ ნახვის შეზღუდვა 18 წლამდე. იმ ვიდეოების ატვირთვა, რომლებიც შეიცავენ ცილისწამებას, პორნოგრაფიას, საავტორო უფლების დარღვევასა და დანაშაულისკენ მოწოდებას, აკრძალულია YouTube-ის სერვისის წესდებით.

YouTube-ის დევიზია: Broadcast Yourself (ქართ. იმაუწყებლე შენით).

კომპანიის ისტორია

Youtube: კომპანიის ისტორია, საზოგადოებრივი გავლენა, კრიტიკა 
YouTube-ის ახლანდელი სათავო ოფისი სან ბრუნოში, კალიფორნია

YouTube დააარსა PayPal-ის ყოფილმა სამმა თანამშრომელმა: ჩად ჰარლიმ, სტივ ჩენიმ და ჯოუდ კარიმიმ. ჰარლი სწავლობდა დიზაინს პენსილვანიის ინდიანას უნივერსიტეტში, ხოლო ჩენი და კარიმი ერთად - საინფორმაციო მეცნიერებას ილინოისის უნივერსიტეტი ურბანას დაბლობში.

მედიაში გავრცელებული ცნობით, ჩად ჰარლიმ და სტივ ჩენმა YouTube-ის შექმნის იდეა 2005 წლის დასაწყისში დაამუშავეს, შთამაგონებელი აღმოჩნდა სან ფრანცისკოში ჩენის დაბადების დღის წვეულების სადილზე გადაღებული ვიდეოს გავრცელების პრობლემა. ჯოუდ კარიმი არ ესწრებოდა წვეულებას და უარყოფს ყოველივეს. ჩად ჰარლის კომენტარით: YouTube-ის შექმნის იდეა სადილის შემდეგ, „შეიძლება იყოს ძალიან გაზვიადებული მარკეტინგული თვალსაზრისით, ადვილად გადასაყლაპი ისტორიის შექმნისას“.

YouTube-მა მოღვაწეობა თავდაპირველად 11,5 $ მილიონიანი კაპიტალდაბანდებით დაიწყო, რომელიც გამოყო სექვოია კაპიტალმა 2005 წლის ნოემბრიდან 2006 წლის აპრილამდე პერიოდში. YouTube-ის ადრინდელი სათავო ოფისი განთავსებული იყო პიცერიისა და იაპონური რესტორნის თავზე სან მატეოში, კალიფორნია. დომენური სახელი „www.youtube.com“ 2005 წლის 15 თებერვალს გააქტიურდა და მომდევნო რამდენიმე თვეში ჩამოყალიბდა საიტიც. პირველი ვიდეო YouTube-ზე იყო სახელად „Me at the zoo“ („მე ზოოპარკში“), რომელიც გვიჩვენებს თანადამაარსებელს ჯიუდ კარიმს სან დიეგოს ზოოპარკში. ვიდეო აიტვირთა 2005 წლის 23 აპრილს და დღესაც შესაძლებელია მისი ნახვა საიტზე.

YouTube-მა საზოგადოებას საიტის საცდელი ვერსია 2005 წლის მაისში შესთავაზა, ექვსი თვით ადრე, სანამ ოფიციალურად ამუშავდებოდა ამავე წლის ნოემბერში. საიტი სწრაფად განვითარდა და 2006 წლის ივლისში კომპანიამ გამოაცხადა, რომ ყოველდღიურად საიტზე 65,000-ზე მეტი ვიდეო იტვირთებოდა და 100 მილიონზე მეტ ვიდეოების ყურებას ფიქსირდებოდა. საბაზრო კვლევის კომპანიის, „comScore“-ის გამოქვეყნებულ მონაცემებზე დაყრდნობით, YouTube არის ონლაინ ვიდეოების გაბატონებული მომწოდებელი აშშ-ში, საბაზრო წილის 43 პროცენტით და 6 მილიარდზე მეტი ვიდეოების ყურებით, რაც დაფიქსირდა 2009 წლის იანვარში. დათვლილია, რომ ყოველ წუთში საიტზე იტვირთება 20 საათის ხანგრძლივობის ვიდეოები, რომლის დაახლოებით სამი მეოთხედი მოდის აშშ-ის გარედან. „Alexa“-მ შეაფასა YouTube რიგით მესემე ყველაზე ნახვად საიტად ინტერნეტში, გუგლისა და Facebook-ის შემდეგ.

სახელის „www.youtube.com“-ის შერჩევამ პროექტს პრობლემები შეუქმნა მსგავსი სახელწოდების საიტთან „www.utube.com“-თან. საიტის მფლობელმა „Universal Tube & Rollform Equipment“-მა უჩივლა YouTube-ს სასამართლოში, მას შემდეგ რაც მისი საიტი YouTube-ზე შემსვლელთა მსურველებით გადაიტვირთა. „Universal Tube“-მა შემდგომ შეიცვალა სახელი და დაირქვა „www.utubeonline.com“.

2006 წლის ოქტომბერში, „Google Inc.“-მა გამოაქვეყნა ინფორმაცია YouTube-ის შესყიდვის შესახებ $1.65 მილიარდად. შეთანხმება საბოლოოდ შედგა 13 ნოემბერს. გუგლს არ მოუწოდებია დეტალური ციფრები YouTube-ის მიმდინარე ღირებულებაზე და YouTube-ის წლიური შემოსავალი 2007 წელს იყო აღნიშნული, როგორც „არა მატერიალური“ მარეგულირებელ დოკუმენტებში. 2008 წლის ივნისში, გაზეთ Forbes-მა YouTube-ის 2008 წლის ბრუნვა შეაფასა $200 მილიონად..

2008 წლის ნოემბერში, YouTube-მა ხელშეკრულება გააფორმა შემდეგ კომპანიებთან: „MGM“, „Lions Gate Entertainment“ და „CBS“, რის შემდეგაც მათ ეძლეოდად უფლება აეტვირთათ საიტზე სრულმეტრაჟიანი ფილმები და სატელევიზიო შოუები რეკლამებთან ერთად. ეს ნაბიჯი განზრახული იყო იმისთვის, რომ შეექმნათ „Hulu“-ს მაგვარი საიტი, რომელიც წარმოადგენს მასალებს ცნობილი კომპანიებიდან: „NBC“, „Fox“ და „Disney“.

2009 წლის 9 ოქტომბერს, YouTube-ის შეძენის მესამე წლისთავზე, ჩად ჰარლიმ გამოაქვეყნა ინფორმაცია თავის ბლოგზე, რომ YouTube-ზე კვლავ ფიქსირდება დღეში მილიარდზე მეტი ვიდეოების ნახვა მსოფლიოს მასშტაბით.

საზოგადოებრივი გავლენა

Youtube: კომპანიის ისტორია, საზოგადოებრივი გავლენა, კრიტიკა 
ლიმ ჯიონგ-ჰიუნი ასრულებს Pachelbel's Canon-ს YouTube-ის ერთ-ერთ ყველაზე ნახვად ვიდეოში

2005 წლამდე, სანამ YouTube დაიწყებდა მუშაობას, მხოლოდ რამდენიმე მეთოდი არსებობდა ჩვეულებრივი კომპიუტერის მომხმარებლისთვის, რომ განეთავსებინა საკუთარი ვიდეო ინტერნეტ სივრცეში. ადვილი და უბრალო ინტერფეისით, YouTube-მა ყველას, ვისაც აქვს ინტერნეტთან კავშირი, მისცა საშუალება წარედგინათ თავიანთი ვიდეო უდიდესი აუდიტორიისათვის, რომლებსაც ვიდეოს ნახვა შეეძლოთ რამდენიმე წუთში. YouTube-ის მრავალფეროვანმა თემატიკამ ვიდეო გაზიარება ინტერნეტის კულტურის ყველაზე მნიშნელოვან ნაწილად გადააქცია.

საზოგადოებრივი გავლენის თავდაპირველი მაგალითი იყო „Bus Uncle“-ის (ავტობუსის ბიძა) წარმატება 2006 წელს. ის გვიჩვენებს ახალგაზრდა და უფროს მამაკაცს შორის გაცხარებულ დებატებს ჰონგ კონგის ავტობუსში. შემდგომ ვიდეო ფართოდ იქნა განხილული მედიაში. სხვა YouTube-ის ვიდეო, რომელიც ფართო განხილვის საგანი გახდა, იყო guitar (გიტარა), რომელშიც ნაჩვენებია Pachelbel's Canon-ს შესრულება ელექტრონულ გიტარაზე. შემსრულებლის სახელი არ არის მოცემული ვიდეოში, მაგრამ შემგომში, როდესაც მილიონობით ნახვა დააგროვა, The New York Times-მა გამოაშკარავა გიტარისტის პიროვნება. იგი იყო 23 წლის სამხრეთ კორეელი ლიმ ჯიონგ-ჰიუნი, რომელმაც ვიდეო საკუთარ საძინებელ ოთახში ჩაწერა.

2008 წელს YouTube Peabody-ის ჯილდოთი დაჯილდოვდა და მოხსენიებულია როგორც „Speakers' Corner რომელიც ხელს უწყობს დემოკრატიის განვითარებას.“.

კრიტიკა

საავტორო უფლებებით დაცული მასალა

YouTube-ს ხშირად აკრიტიკებენ საავტორო უფლების დამრღვევი მასალის ატვირთვისგან არასაკმარისი დაცვის გამო. როდესაც ვიდეოს ტვირთავ YouTube-ზე, მომხმარებელის ეკრანზე ყოველთვის გამოდის მესიჯი:

„არ ატვირთოთ სატელევიზიო გადაცემები, მუსიკალური ვიდეოები, მუსიკალური კონცერტები ან რეკლამები უფლების გარეშე. საავტორო უფლებების გვერდი და საზოგადოების დირექტივები დაგეხმარებათ გაიგოთ, არღვევს თუ არა თქვენი ვიდეო სხვა პიროვნების საავტორო უფლებებს“

. მიუხედავად ამ რჩევისა, საიტზე კვლავ ბევრი უუფლებო კლიპია ატვირთული სატელევიზიო შოუებიდან, ფილმებიდან და მუსიკალურ ვიდეოებიდან. YouTube არ ნახულობს ვიდეოებს ონლაინ სივრცეში განთავსებამდე და საავტორო უფლების მფლობელებს უტოვებს დაცული მასალი მოხსნა/არმოხსნის საკითხს, „ციფრული ეპოქის საავტორო უფლების შესახებ დადგენილების“ საფუძველზე.

ბევრმა ორგანიზაციამ, მათ შორის „Viacom“-მა, „Mediaset“-მა და ინგლისის პრემიერ ლიგამ საჩივარი შეიტანა YouTube-ის წინააღმდეგ. ისინი ირწმუნებოდნენ, რომ YouTube ძალიან ცოტას აკეთებს საავტორო უფლებებით დაცული ვიდეოების ატვირთვის საწინააღმდეგოდ. „Viacom“ ითხოვს $1 მილიარდ დოლარს მიყენებული ზარალისთვის და აცხადებს, რომ აღმოჩენილი აქვს 150,000 უუფლებო კლიპი, რომლებიც 1.5 მილიარდჯერ არის ნანახი. მას შემდეგ, რაც „Viacom“-მა საჩივარი შეიტანი, YouTube-მა აამუშავა სისტემა სახელად „Video ID“, რომელიც ამოწმებს ატვირთულ ვიდეოებს საავტორო უფლებებით დაცული ვიდეოების ბაზასთან, რის მეშვეობითაც მცირდება უფლებების დარღვევა. 2010 წლის 23 ივლისს, „Viacom“-ის სარჩელი „Google“-ს წინააღმდეგ არ იქნა მიღებული წინასაროცესო მოსმენაზე, იმის საფუძველზე, რომ „Google“ დაცულ იყო „ციფრული ეპოქის საავტორო უფლების შესახებ დადგენილებით“. მოგვიანებით „Viacom“-მა გამოაცხადა, რომ გადაწყვეტილებას გაასაჩივრებდა.

2008 წლის აგვისტოში, აშშ-ის სასამართლომ საქმეში „Lenz v. Universal Music Corp.“ გადაწყვიტა, რომ საავტორო უფლების მფლობელს არ შეუძლია მოითხოვოს ონლაინ ფაილის წაშლა იმის გაურკვევლად, მასალა ჩაფიქრებული იყო თუ არა „სამართლიანი გამოყენებით“ გავრცელებისთვის. საქმეში გადიოდა სტეფანი ლენცი ქალაქ გალიცინიდან, რომელმაც პრინსის სიმღერა „Let's Go Crazy“-ზე მოცეკვავე, თავისი 13 წლის ვაჟის 29-წამიანი ვიდეო გადაიღო და YouTube-ზე ატვირთა.

საკამათო შინაარსი

YouTube-ს ასევე აკრიტიკებენ ბევრი ვიდეოს შეურაცხმყოფელი შინაარსის გამო. ცილისწამების, პორნოგრაფიის და კრიმინალის წამახალისებელი შინაარსის შემცველი ვიდეომასალის ატვირთვა YouTube-ის მოხმარების წესებით აკრძალულია. საკამათო ნაწილში ხვდება მაგალითად ჰოლოკოსტის უარყოფა და ჰილსბოროს ტრაგედია, ასევე შეთქმულების თეორიები და რელიგია.

YouTube მომხმარებლებს ანდობს თავად მონიშნონ შეუფერებელი ვიდეოები, რომელსაც შემდგომ YouTube-ის მუშაკები გადახედავენ - არღვევს, თუ არა მასალა საიტის მოხმარების წესებს. 2008 წლის ივლისში, გაერთიანებული სამეფოს თემთა პალატის კულტურისა და მედიის კომიტეტმა განაცხადა, რომ „მოხიბლული არ იყო“ YouTube-ის მასალის-კონტროლის სისტემით და რომ „შინაარსის წინასწარი გადახედვა სტანდარტულ პრაქტიკად უნდა იქცეს იმგვარი საიტებისთვის, რომლებიც მომხმარებლის მიერ შექმნილ მასალას ათავსებენ.“ YouTube ამ განცხადებას შემდეგით გამოეხმაურა: „ჩვენ გვაქვს მკაცრი წესები საიტზე დაშვებულ მასალაზე და სისტემა საშუალებას აძლევს ყველას შეუფერებელი მასალის ნახვისას, შეატყობინოს 24/7 გადახედვის გუნდს და მოახდინოს რეაგირება მყისიერად. ჩვენ ვასწავლით ჩვენს საზოგადოებას წესებს და ვათავსებთ პირდაპირ ბმულებს YouTube-ის ყველა გვერდიდან, მომხმარებლებისთვის ამ პროცესის მაქსიმალურად გასაადვილებლად. ჩვენ საიტზე ატვირთული მასალის მოცულობის გათვალისწინებით, ვფიქრობთ ეს არის ყველაზე ეფექტიანი გზა იმ მცირე ოდენობის ვიდეოების წაშლის უზრუნველსაყოფად, რომლებიც წესებს არღვევენ.“

ბლოკირება

რამდენიმე ქვეყანას, მას შემდეგ რაც YouTube-მა დაიწყო მუშოაბა, მასთან მისაწვდომობა დაბლოკილი აქვს. მათ შორისაა: ჩინეთი, რომელმაც YouTube დაბლოკა სიძიანის არეულობის ამსახველი ვიდეოების გაუვრცელებლობისთვის, მაროკო (2008) და ტაილანდი (2006-2007). დღესდღეობით, YouTube დაბლოკილია თურქეთში, მას შემდეგ რაც ვიდეოებში მუსტაფა ქემალ ათათურქი შეურაცყვეს. მიუხედავად დაბლოკვისა, თურქეთის პრემიერ მინისტრმა, რეჯეფ თაიფ ერდოღანიმ აღიარა ჟურნალისტებთან, რომ მათ კვლავ შეუძლიათ YouTube-ს ესტუმრონ ღია პროქსის გამოყენებით.

2006 წლის 3 დეკემბერს, ირანმა დროებით დაბლოკა YouTube-თან მისაწვდომობა სხვა რამდენიმე საიტთან ერთად, მას შემდეგ რაც დაარღვიეს სოციალური და მორალური ეთიკის კოდექსი. შემდეგ YouTube კვლავ დაბლოკეს იმ ვიდეოს ატვირთვის შემდეგ, სადაც ნაჩვენები იყო ირანელი საპნის ოპერის ვარსკვლავის სექსი. შემდგომში ბლოკი მოიხსნა, ხოლო 2009 წლის ირანის საპრეზიდენტო არჩევნების შემდეგ კვლავ დაიბლოკა.

2008 წლის 23 თებერვალს, პაკისტანმა დაბლოკა YouTube ისლამური სარწმუნოების მიმართ „შეურაცხმყოფელი მასალის“ ატვირთვისათვის, კერძოდ წინასწარმეტყველის მაჰმადის კარიკატურების გამო. პაკისტანმა ბლოკი მოხსნა საიტს იმავე წლის 26 თებერვალს. ბევრმა პაკისტანელმა ამ სამი დღის განმავლობაში გამოიყენა ვირტუალური პირადი ქსელი და შეძლო YouTube-ზე შესვლა.

ზოგი ქვეყნის სკოლებში YouTube-თან მისაწვდომობა დაბლოკილია - სტუდენტების მხრიდან ხულიგნური და რასისტული ქცევების, სკოლის ჩხუბებისა და სხვა შეუფერებელი შინაარსის ვიდეოების ატვირთვის პრევენციისთვის.

ტექნოლოგია

Youtube: კომპანიის ისტორია, საზოგადოებრივი გავლენა, კრიტიკა 
YouTube-ის ვიდეოების ნორმალური, მაღალი და HD ხარისხების შედარება და მათი ნამდვილი გაფართოებები

ვიდეოს ფორმატი

YouTube-ის ვიდეოების დამკვრელი ტექნოლოგია საიტის მომხმარებლებისთვის დაფუძნებულია Adobe Flash Player-ზე. ეს ტექნოლოგია საიტზე ისეთი ხარისხის ვიდეოებს გვიჩვენებს, რომლის შედარება შეიძლება ისეთ ტექნოლოგიებთან, როგორებიცაა Windows Media Player, QuickTime და RealPlayer. ეს ჩვეულებრივ მოითხოვს, რომ მომხმარებელმა გადმოწერეს და დააყენოს ვებ ბრაუზერიზ პლაგინს, იმისთვის რომ ნახოს ვიდეო. ფლეშ ვიდეოების ნახვა ასევე მოითხოვს პლაგინს, მაგრამ ვაჭორიბს გამოკვლევამ Adobe Systems-დან აღმოაჩინა, რომ Flash პლაგინი აყენია 95%-ზე მეტ პერსონალურ კომპიუტერზე.

სტანდარტული ანგარიშებიდან ატვირთული ვიდეოების ლიმიტი სიგრძეში არის ათი წუთი, ხოლო ზომაში 2 გბ. როდესაც YouTube-მა დაიწყო მუშაობა 2005 წელს, შესაძლებელი იყო უფრო გრძელი ვიდეოების ატვირთვა, მაგრამ 10 წუთიანი ლიმიტი შემოიღეს 2006 წლის მარტში, მას შემდეგ რაც აღმოაჩინეს, რომ გრძელი ვიდეოების უმეტესობა იყო აკრძალული სატელევიზიო შოუები და ფილმები. პარტნიორი ანგარიშები არიან ნებადართულნი, რომ ატვირთონ 10 წუთზე გრძელი ვიდეოები.

YouTube-ის მხარს უჭერს ვიდეოების ბევრ ფორმატს, მათ შორის .WMV, .AVI, .MKV, .MOV, MPEG, .MP4, DivX, .FLV და .OGG. იგი ასევე მხარს უჭერს 3GP ფორმატს და საშუალებას გვაძლევს ავტვირთოთ ვიდეოები პირდაპირ მობილური ტელეფონიდან.

ვიდეოს ხარისხი

YouTube თავდაპირველად გვთავაზობდა ვიდეოებს მხოლოდ ერთ ფორმატში, მაგრამ ახლა მას აქვს სამი მთავარი ფორმატი, ისევე როგორც „მობილურის“ ფორმატი, ვიდეოების მობილურ ტელეფონში სანახავად. ორიგინალი ფორმატი, ახლა დარქმეული „სტანდარტული ხარისხი“ წარმოადგენს ვიდეოს 320x240 პიქსელის გაფართოებით და იყენებს Sorenson Spark-ის კოდეკს მონო MP3 აუდიოთი. ეს იყო სტანდარტი ონლაინ ვიდეოებისათვის

„მაღალი ხარისხის“ ვიდეოები გამოჩნდა 2008 წლის მარტში და აჩვენებდა ვიდეოს 864x480 პიქსელით სტერეო AAC ხმით. ეს ფორმატი სტანდარტული ხარისხისგან მნიშვნელოვნადაა გაუმჯობესებული. 2008 წლის ნოემბერში, 720p HD-ს მხარდაჭერა დაემატა. ერთდროულად, YouTube-ის დამკვრელი შეიცავალა 4:3 თვალთახედვის პროპორციიდან ფართო ეკრანიან 16:9-ზე. 720p ვიდეოები არის ნაჩვენები 1280x720 პიხელის გაფართოებით და შეიცავს H.264 ვიდეო კოდეკს. ის ასევე შეიცავს სტერეო აუდიო AAC ფორმატს. 2009 წლის ნოემბერში YouTube-ს მაღალხარისხიანი 1080p-ის მხარდაჭერა დაემატა. 2010 წლის ივლისში YouTube-მა განაცხადა, რომ მან გაუშვა ვიდეოების გაფართოება 4k ფორმატით, რომელიც საშუალებას აძლევს ვიდეოს გაფართოებას 4096x3072 პიქსელამდე.

YouTube-ის ვიდეოები ხელმისაწვდომია სხვადასხვა ხარისხის ეტაპებით. ძველი სახელები, როგორიცაა სტადარტული ხარისხი (SQ), მაღალი ხარისხი (HQ) და მაღალი გარჩევადობა (HD) შეიცვალა რიცხვითი მაჩვენებლით, რომელზეც გამოსახულია ვიდეოების ვერტიკალური გაფართოება.

ამჟამინდელი YouTube-ის მედია ტიპების შედარება
ftm შეფასება[1] 5 34 35 18 22 37 38 43 45 17
მთავარი საცავი FLV MP4 WebM 3GP
ვიდეო დაშიფვრა Sorenson H.263 MPEG-4 AVC (H.264) VP8 MPEG-4 Visual
მაქს. სიგანე (პიქსელი) 400 640 854 480 1280 1920 4096 854 1280 176
მაქს სიმაღლე (პიქსელი) 240 360 480 360 720 1080 3072 480 720 144
ბიტრეიტი[2] (Mbit/s) 0.25 0.5 0.8 - 1 0.5 2 3.5 - 5
აუდიო დაშიფვრა MP3 AAC Vorbis AAC
არხები 1–2 2 (stereo)
შერჩევის სიხშირე (Hz) 22050 44100 48000 44100
ბიტრეიტი[2] (kbit/s) 96 128

^ 1 fmt was an undocumented URL parameter that allowed selecting YouTube quality mode without using player user interface. Since December of 2010 this parameter is no longer supported.
^ 2 Approximate values based on statistical data; actual bitrate can be higher or lower due to variable encoding rate.

3D ვიდეოები

ვიდეოში, რომელიც გამოქვეყნდა 2009 წლის 21 ივლისს, YouTube-ის პროგრამების ინჟინერი, პიტერ ბრედშოუ აცხადებს, რომ YouTube-ის მომხმარებლებს უკვე შეუძიათ ატვირთონ 3D ვიდეოები. ვიდეოებს შეგვიძლია ვუყურათ ნორმალური გზით, ხოლო რომ მივიღოთ 3D ეფექტი, უნდა გვეკეთოს სპეციალური სათვალეები.

HTML5 ვიდეოები

YouTube ამჟამად ტესტირებას უკეთებს HTML5 ტექნოლოგიას, რომლის მეშვეობითაც ვიდეოების ყურება შესაძლებელია Adobe Flash Player-ის გარეშე. YouTube-ის საიტზე არის გვერდი, სადაც შესაძლებელია HTML5-ს ფუნქციების გამოცდა მხარდაჭერილი ბრაუზერით.

შიგთავსთან მისაწვდომობა

YouTube-ის ერთ-ერთი მთავარი შესაძლებლობაა, რომ მომხმარებლებმა ნახონ ვიდეოები საიტის გამოყენების გარეშე. თითოელი YouTube-ის ვიდეო არის წარმოდგენილი HTML-ის ნაწილითან ერთად, რომელიც შეიძლება იქნეს გამოყენებული იმისთვის, რომ აჩვენოს ვიდეოების YouTube-ის საიტის გარეთ. ეს ფუნქცია ძირითადად გამოყენებულია სოციალურ ქსელებსა და ბლოგებში .

YouTube ხშირად არ გვთავაზობს ვიდეოების გადმოსაწერ ლინკს. ეს განზრახულია იმისთვის, რომ ვიდოებს ვუყუროთ საიტის მეშვეობით. ვიდეოების პატარა რაოდენობა, როგორიცაა პრეზიდენტ ბარაკ ობამას ყოველკვირეული მიმართვა, შესაძლებელია გადმოწეროთ MP4 ფორმატში. პროგრამებითა და ბრაუზერის პლაგინების მეშვეობით შესაძლებელია ვიდეოების გადმოწერა. 2009 წლის თებერვალში, YouTube-მა გამოაქვეყნა ინფორმაცია ახალ ტესტირებად სერვისზე, რომლის მეშვეობით YouTube ნებას დართავს პარტნიორ კომპანიებს, რომ გადმოწერონ ვიდეოები უფასოდ ან ფასიანად Google Checkout-ის მეშვეობით.

პლატფორმები

ზოგ სმარტ ფოუნს აქვს YouTube-ის ვიდეოების ჩვენების შესაძლებლობა, დამოკიდებულია პროვაიდერზე. YouTube-ის მობილურმა ვერსიამ მუშაობა დაიწყო 2007 წლის ივნისში და იყენებს RTSP ვიდეობისათვის YouTube-ის ყველა ვიდეო არ არის ხელმისაწვდომი საიტის მობილურ ვერსიისთვის.

2007 წლის ივნისიდან, YouTube-ის ვიდეოები ხელმისაწვდომია სანახავად ეპლის სხვადასხვა პროდუქტისათვის. ვიდეოების ნახვა შესაძლებელია Apple TV-სა და iPhone-ზე. TiVo სერვისი განახლდა 2008 წლის ივლისში, და საშუალებას იძლევა მოძებნოთ და ნახოთ YouTube-ის ვიდეოები. 2009 წლის იანვარში, YouTube-მა აამუშავა „YouTube for TV“, რომელიც საიტის ვერსიაა სპეციალურად შექმნილი set-top boxes-ისა და სხვა ტელევიზიაზე დაფუძნებული მედია მოწყობილობებზე ვებ ბრაუზერებით. საწყის ეტაპზე, იგი საშუალებას იძლეოდა, რომ გვენახა ვიდეოები PlayStation 3-სა და Wii-ზე. 2009 წლის ივნისში, YouTube XL-მა დაიწყო მუშაობა, რომელსაც აქვს გამარტივებული დიზაინის ინტერფეისი ვიდეოების სტანდარტული ტელევიზიის ეკრანზე გამოსაჩენად

ლოკალიზაცია

2007 წლის 19 ივნისს, გუგლის CEO ერიკ შმიდტი იყო პარიზში, იმისთვის რომ გაეშვა ახალი ლოკალიზაციის სისტემა. საიტის სრული ინტერფეისი ახლა ხელმისაწვდომია ლოკალიზირებული ვერსიით 22 ქვეყანაში:

ქვეყანა URL ენა გაშვების თარიღი
Youtube: კომპანიის ისტორია, საზოგადოებრივი გავლენა, კრიტიკა  ავსტრალია au.youtube.com ინგლისური (ავსტრალია) 22 ოქტომბერი, 2007
Youtube: კომპანიის ისტორია, საზოგადოებრივი გავლენა, კრიტიკა  ბრაზილია br.youtube.com პორტუგალიური (ბრაზილია) 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  კანადა ca.youtube.com ინგლისური (კანადა) და ფრანგული (კანადა) 6 ნოემბერი, 2007
Youtube: კომპანიის ისტორია, საზოგადოებრივი გავლენა, კრიტიკა  ჩეხეთი cz.youtube.com ჩეხური 9 ოქტომბერი, 2008
Youtube: კომპანიის ისტორია, საზოგადოებრივი გავლენა, კრიტიკა  საფრანგეთი fr.youtube.com ფრანგული 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  გერმანია de.youtube.com გერმანული 8 ნოემბერი, 2007
Youtube: კომპანიის ისტორია, საზოგადოებრივი გავლენა, კრიტიკა  ჰონგ-კონგი hk.youtube.com ჩინური (ტრადიციული) 17 ოქტომბერი, 2007
Youtube: კომპანიის ისტორია, საზოგადოებრივი გავლენა, კრიტიკა  ისრაელი il.youtube.com ინგლისური 16 სექტემბერი, 2008
Youtube: კომპანიის ისტორია, საზოგადოებრივი გავლენა, კრიტიკა  ინდოეთი in.youtube.com ინგლისური (ინდოეთი) და ჰინდი 7 მაისი, 2008
Youtube: კომპანიის ისტორია, საზოგადოებრივი გავლენა, კრიტიკა  ირლანდია ie.youtube.com ინგლისური (ირლანდია) 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  იტალია it.youtube.com იტალიური 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  იაპონია jp.youtube.com იაპონური 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  სამხრეთი კორეა kr.youtube.com კორეული 23 იანვარი, 2008
Youtube: კომპანიის ისტორია, საზოგადოებრივი გავლენა, კრიტიკა  მექსიკა mx.youtube.com ესპანური (მექსიკა) 10 ოქტომბერი, 2007
Youtube: კომპანიის ისტორია, საზოგადოებრივი გავლენა, კრიტიკა  ნიდერლანდები nl.youtube.com ნიდერლანდური 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  ახალი ზელანდია nz.youtube.com ინგლისური (ახალი ზელანდია) 22 ოქტომბერი, 2007
Youtube: კომპანიის ისტორია, საზოგადოებრივი გავლენა, კრიტიკა  პოლონეთი pl.youtube.com პოლონური 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  რუსეთი ru.youtube.com რუსული 13 ნოემბერი. 2007
Youtube: კომპანიის ისტორია, საზოგადოებრივი გავლენა, კრიტიკა  ესპანეთი es.youtube.com ესპანური 19 ივნისი, 2007
Youtube: კომპანიის ისტორია, საზოგადოებრივი გავლენა, კრიტიკა  შვედეთი se.youtube.com შვედური 22 ოქტომბერი. 2008
Youtube: კომპანიის ისტორია, საზოგადოებრივი გავლენა, კრიტიკა  ჩინეთის რესპუბლიკა (ტაივანი) tw.youtube.com ჩინური (ტრადიციული) 18 ოქტომბერი, 2007
Youtube: კომპანიის ისტორია, საზოგადოებრივი გავლენა, კრიტიკა  გაერთიანებული სამეფო uk.youtube.com ინგლისური (დიდი ბრიტანეთი) 19 ივნისი, 2007

სქოლიო

რესურსები ინტერნეტში

Youtube: კომპანიის ისტორია, საზოგადოებრივი გავლენა, კრიტიკა 
არის გვერდი თემაზე:

(ინგლისური) YouTube.com

Tags:

Youtube კომპანიის ისტორიაYoutube საზოგადოებრივი გავლენაYoutube კრიტიკაYoutube ბლოკირებაYoutube ტექნოლოგიაYoutube შიგთავსთან მისაწვდომობაYoutube ლოკალიზაციაYoutube სქოლიოYoutube რესურსები ინტერნეტშიYoutube$20052006Adobe Flash PlayerBBCCBSGooglePayPalთებერვალიკალიფორნიანოემბერისან ბრუნო

🔥 Trending searches on Wiki ქართული:

მონღოლეთირიონიცენტნერიგაზაფხულიძუძუმწოვრებითორმეტი ოლიმპოელისეკულარიზმიბორჯომიტელეფონების ნომრები საქართველოშიდათა თუთაშხიასულეიმან Iირაკლი აზაროვიცისფერყანწელებიბაყაყიინგლისიკრასუსიდალი (მითოლოგია)ალბერტ აინშტაინიგიორგი გოჩოლეიშვილიამასიაალექსანდრე ჩივაძესაბერძნეთის დემოგრაფიაბუნებრივი რესურსები27 მარტილეიკოციტებიდუნაიქართული სამზარეულოტუპაკ ამარუ შაკურიკათოლიციზმიფეხბურთიევროკავშირის წევრი სახელმწიფოებინინო მუმლაძესოფლის მეურნეობამაგნიუმისაქართველო V საუკუნეშინაირობიჰაერივარძიანილოსიეგზისტენციალიზმიგიორგი ჩაკვეტაძეექსპრესიონიზმისაქართველოს ფეხბურთის ფედერაციაზევსიბერძნული კოლონიზაციაგაპიროვნებამარაბდის ბრძოლაპირველი მსოფლიო ომიჭადრაკიკლიმატივარდივერძი (ასტროლოგია)1832 წლის შეთქმულებადედა ენაკომუნიზმისალამურას თავგადასავალიცოტნე დადიანიძველი ეგვიპტესაგრადა-ფამილიაუკრაინაევროპის საფეხბურთო ჩემპიონატი 2020კირჩხიბი (ასტროლოგია)გორიტემპერამენტის ტიპებიმიხეილ ხერგიანიპენალტი (ფეხბურთი)პერსონალური კომპიუტერიწმინდა სამების საკათედრო ტაძარინიჰილიზმიისრაელისაბერძნეთის ეროვნული საფეხბურთო ნაკრებიანანურის ციხეაბსცისარესპუბლიკაჰერაკლებიოლოგიური სისტემატიკაქართული ხალხური ცეკვებითავისუფლების მოედანი (თბილისი)კარტოფილი🡆 More